Tơdrông Pơđơk 22:18 - Sơ̆p Hlabơar Nơ̆r 'Bok Kei-Dei

¹⁸ Ih gô chơt hiôk tơdah ih răk sư lăm jơhngơ̆m, Păng wei sư oei lăm 'bơ̆r hơkŭng ih ling-lang.

Tơdrông Pơđơk 22:18 Referans Kwoze

Je 15:16

Inh kơtơ̆ng boih nơ̆r Ih, inh luăn sa boih; nơ̆r Ih pơma jing tơdrong pơhiôk lăm jơhngơ̆m inh, yua kơ inh gah Ih. Ơ Kră Yang 'Bok Kei-Dei Tih Hloh.

Tơdrông Pơđơk 2:10

Yua kơ tơdrong gơh hơgei gô mơ̆t tơ lăm jơhngơ̆m ih, Tơdrong hlôh wao gô pơm kơ bơhngol ih hiôk chơt.

Tơdrông Pơđơk 15:7

Nơ̆r 'bơ̆r bơngai hơgei rei tơdrong hlôh wao; Mă-lei jơhngơ̆m lu kơwao ưh kơ thoi noh.

Tơdrông Pơđơk 10:21

Nơ̆r 'bơ̆r lu bơngai tơpăt rong arih lơ bơngai; Mă-lei lu bơngai kơwao lôch, yua kơ ưh kơ hlôh.

Tơdrông Pơđơk 8:6

Mơ̆ng bĕ yua kơ Inh gô bơtho tơdrong gĭt kăl, Đơ̆ng 'bơ̆r Inh khan tơdrong tơpăt.

Horiso 119:103

Nơ̆r Kră Yang pơm kơ hơlŏng inh 'ngam dêh. 'Ngam hloh kơ đak sut lăm 'bơ̆r inh.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

Yo 7:38

Bơngai bu lui kơ Inh sư gô đei đak glung ro lăm jơhngơ̆m sư păng ăn kơ sư arih ling-lang kư̆m thoi đe chih lăm sơ̆p hla bơar 'Bok Kei-Dei sơ̆.”

Tơdrông Pơđơk 25:11

Nơ̆r pơma trŏ lăp noh, Thoi plei hơra 'maih dan kơpal pơnhan hu.

Tơdrông Pơđơk 16:21

Bu đei đon gơh hơgei đe jô̆ bơngai hlôh wao; Nơ̆r pơma rơngơp pơtrơp thim tơdrong hlôh băt.

Tơdrông Pơđơk 10:13

Tơdrong gơh hơgei đei 'bôh lăm 'bơ̆r bơngai hlôh, mă-lei đei sơnguĕt teh rŏng lu bơngai kơwao.

Tơdrông Pơđơk 3:17

Lu trong sư jơ̆ chơt hiôk, Păng đĭ-đăng trong sư đei hiôk-hian.

Horiso 119:171

Ăn kơ 'bơ̆r inh lĕch dôm nơ̆r bơnê kơ Ih. Yua kơ Ih bơtho boih inh dôm tơdrong juăt Ih.

Horiso 119:162

Inh hiôk chơt kơ nơ̆r Ih pơkă thoi lu đe blah iŏk đei tơmam lơ.

Horiso 119:111

Nơ̆r Ih bơtho khan jing mŭk tơmam inh ling-lang. Yua kơ noh jơhngơ̆m inh chơt hiôk,

Horiso 119:13

'Bơ̆r inh gô ră roi, dôm lu nơ̆r đơ̆ng 'bơ̆r Ih tơtă.

Horiso 19:10

Dôm tơdrong noh gĭt hloh kơ maih, gĭt hloh kơ ling maih; Kŭm 'ngam hloh kơ đak sut đơ̆ng hơkoh sư.

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Tơdrông Pơđơk 22:19

Inh bơtho tơ'bôh boih kơ ih năr 'nâu; Wă kơ ih đei đon lui gơnang kơ Kră Yang.

Tơdrông Pơđơk 4:20

Ơ dăm, mơ̆ng bĕ nơ̆r inh pơma; Pơgling bĕ đon mơ̆ng bĕ dôm nơ̆r inh khan.

Tơdrông Pơđơk 4:21

'Nĕ ăn kơ lu nơ̆r noh ataih đơ̆ng măt ih, Iŏk răk bĕ lăm jơhngơ̆m ih.