Tơdrông Pơđơk 18:6 - Sơ̆p Hlabơar Nơ̆r 'Bok Kei-Dei

⁶ 'Bơ̆r lu bơngai kơwao ba tơdrong pơjah; 'Bơ̆r pơma pơgreh chă đe teh sư kơdih.

Tơdrông Pơđơk 18:6 Referans Kwoze

Tơdrông Pơđơk 27:3

Tơmo trăp, chuơh kư̆m trăp, Mă-lei đei pơdrŭt lu bơngai kơtul kơwao noh trăp hloh kơ 'bar noh.

Tơdrông Pơđơk 29:9

Dah đei bơngai hơgei oei pơjah hăm bơngai kơtul, Lăp tơhil tơblĕk hiĕk ăr ưh kơ gơh pơtruh băl.

Tơdrông Pơđơk 25:24

Kơtrơ̆m oei 'bơ̆t chaih jih bơbŭng hnam 'lơ̆ng hloh kơ oei lăm hnam hơdai hăm akăn mơkoh.

Tơdrông Pơđơk 20:3

Bơngai bu kĕ wei huay kơ tơhil băl, bơngai noh đe ư-ang; Lu bơngai kơhlôh đĕch ngăl pơjah tơhil băl.

Tơdrông Pơđơk 19:29

Tơdrong phak 'măn boih kơ bơngai blei hiap Chă lê̆ 'long wă teh rŏng lu bơngai bơlŭk.

Tơdrông Pơđơk 19:19

Bơngai bu hil dêh gô pŭ đe phak. Tơdah ih dŏng sư, Ih athei dŏng pơklaih sư dơ̆ng.

Tơdrông Pơđơk 17:14

Pơtơm tơhil pơjah noh nhen thoi bơnơ̆ bơ̆ đak pơchah. Thoi noh na jah pơdơh tơhil adrol kơ blĕk rai dêh.

Tơdrông Pơđơk 14:16

Bơngai hơgei đei đon hli păng weh ataih đơ̆ng tơdrong yoch. Mă-lei bơngai kơwao rai pơang kang ưh kơchăng.

Tơdrông Pơđơk 14:3

Bơngai kơtul pơma thoi đei 'long sơnguĕt teh kơdŭ rŏng kơdih. Hơkŭng lu bơngai hơgei wei akâu kơdih.

Tơdrông Pơđơk 13:10

Tơdrong pơang lĕch tơdrong pơjah; Gah tơdrong hơgei oei lăm bơngai băt mơ̆ng đe bơtho khan.

Tơdrông Pơđơk 12:16

Bơngai kơtul 'bôh hloi tơdrong sư hil, Mă-lei bơngai hơgei huay kơ hiơ̆k ôh mă đe pơjăm pơjuă.

Tơdrông Pơđơk 22:10

Pơpuh bĕ bơngai juăt pơgreh na tơdrong pơjah weh kiơ̆ sư; Tơdrong pơjah pơjăng păng mơlâu akâu 'nâu gô đĭ.