22 Bơngai bu chă đei akăn chă đei boih pŭn hiôk; Păng đei mơnat tih đơ̆ng Kră Yang.
Mŭk tơmam hnam oei noh đei đơ̆ng kră pơsư̆ ăn. Akăn gơh hơgei đei đơ̆ng Kră Yang asong.
Bơngai drŏ-kăn iơ̆m dim thoi môk pơtao ăn kơ klo sư. Mă-lei đei bơngai drŏ-kăn mơkoh noh thoi tơmam pơm kơ kơting bŭk.
Dôm lu năr lăm chăl arih ih mă ưh kơ yua Kră Yang 'Bok Kei-Dei ăn boih kơ ih lăm ala teh 'nâu, ih athei oei sa mă hiôk chơt bĕ hăm kon akăn ih mă ih 'mêm kơeng; yua kơ noh jơ̆ tơdrong apah kơ ih đơ̆ng tơdrong gleh hrat.
Mă-lei tơ pơlei iĕm đei lơ bơngai juăt kơ ngôi pơyô kư̆ kă, na inh wă kơ lu iĕm athei chă kơdih akăn, lu drŏ-kăn athei chă kơdih klo.
Kră Yang 'Bok Kei-Dei khan thoi âu: “Kon bơngai oei minh 'nu minh drô̆ ưh kơ 'lơ̆ng ôh; Inh gô pơjing ăn minh 'nu dơ̆ng wă tơgŭm sư păng hơbŏ thoi sư.”
Jakôp kơdâu tơ char Aram, tơ noh Isơrael jang gleh wă kơ đei akăn, yua kơ wă kơ đei akăn, na sư wei triu.
Yua kơ bơngai bu tơ'bơ̆p Inh, chă 'bôh tơdrong arih. Păng đei iŏk tơdrong mơnat đơ̆ng Kră Yang.
Ih gô đei tơdrong mơnat păng đei tơdrong ư-ang 'lơ̆ng. 'Bơ̆t anăp Kră Yang 'Bok Kei-Dei păng kon bơngai.
Isăk chông hloi Rê'bêka mơ̆t tơ lăm bơsŭn Sara, mĕ sư. Iŏk pơm akăn păng 'mêm kơeng kơ sư. Thoi noh Isăk klaih kơ sơ'ngon đơ̆ng rŏng kơ mĕ sư lôch.
Jakôp chu kiơ̆ nơ̆r mih na oei hơdai Lêa truh minh 'măng giĕng, đơ̆ng noh La'ban rôp ăn Rachel, kon hơdruch sư kơ Jakôp.
Păng Rut adruh bơngai Môap inh iŏk pơm akăn wă pơtrơp anăn bơngai lôch păng mŭk tơmam, wă kơ anăn bơngai lôch huay kơ hiong ôh đơ̆ng lu 'nhŏng oh sư păng đơ̆ng kon pơlei pơla sư; năr âu lu iĕm pơsĭt kơ tơdrong âu.