Tơdrông Pơđơk 18:15 - Sơ̆p Hlabơar Nơ̆r 'Bok Kei-Dei

¹⁵ Jơhngơ̆m bơngai hơgei đei iŏk đon hlôh wao; Đon bơngai hơgei oei chă tơdrong băt hlôh.

Tơdrông Pơđơk 18:15 Referans Kwoze

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

Tơdrông Pơđơk 15:14

Jơhngơ̆m bơngai gơh hơgei oei chă tơdrong hlôh wao. Mă-lei 'bơ̆r lu bơngai kư̆ kă chă luăn sa tơdrong bơlŭk.

Luka 10:39

Mathê đei minh 'nu oh drŏ-kăn anăn sư Mari. Na Mari tơoei 'bơ̆t jơ̆ng Yêsu mơ̆ng Sư bơtho.

Tơdrông Pơđơk 23:23

Răt bĕ tơdrong sĭt tơpă, 'nĕ kơ tĕch lê̆. Iŏk tơdrong hơgei wei nơ̆r bơtho pơhrăm păng hlôh wao,

Tơdrông Pơđơk 9:9

Bơtho pơhrăm bĕ bơngai gơh hơgei, na sư gô gơh hơgei hloh. Pơhrăm bơngai tơpăt, na sư rai tơpăt hloh. Bơtho bơngai tơpăt, na sư gô rai thim hơgei.

Tơdrông Pơđơk 4:7

Tơdrong gơh hơgei gĭt kăl hloh; lei iŏk bĕ tơdrong gơh hơgei; Yua bĕ dôm tơmam ih đei noh, na iŏk tơdrong hlôh wao.

Tơdrông Pơđơk 1:5

Bơngai gơh hơgei gô mơ̆ng păng rai hŏk pơhrăm, Bơngai hlôh wao gô đei iŏk tơdrong bơtho tơ'bôh.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

Tơdrông Pơđơk 10:14

Lu bơngai gơh hơgei đei răt mong tơdrong hlôh wao lơ. Mă-lei 'bơ̆r lu bơngai kơtul kơwao ba tơdrong truh răm.

Tơdrông Pơđơk 4:5

Iŏk bĕ tơdrong gơh hơgei, chă bĕ tơdrong hlôh wao, 'Nĕ kơ hiơt, 'nĕ kơ hŭt lê̆ dôm nơ̆r đơ̆ng 'bơ̆r inh pơma;

Êphêsô 1:17

'Bok Kei-Dei 'Bă Yêsu Krist Yŏng bơ̆n, Sư 'Bă tơm kơ đĭ-đăng păng Sư Yang tih tơpă, na inh ưh kơ hiơt krao khan apinh Sư tơgŭm iĕm hơgei, hăm tơhlôh ăn kơ iĕm tôm tơdrong Sư.

Tơdrông Pơđơk 15:31

Bơngai bu chu iŏk đe teh bơtho; Bơngai noh gô oei arih hơdai lu bơngai hlôh wao.

Jop 8:10

Mă-lei lu 'bok kră sơ̆ lu sư gô bơtho tơ'bôh kơ ih, mơ̆ng bĕ dôm tơdrong kiơ đêl lu sư băt hlôh,