Tơdrông Pơđơk 17:23 - Sơ̆p Hlabơar Nơ̆r 'Bok Kei-Dei

²³ Bơngai kơnê̆ iŏk sa pơgâm. Wă pơlơ̆m tơdrong tơpăt.

Tơdrông Pơđơk 17:23 Referans Kwoze

Mi 7:3

Ti lu sư hrăn nŏng kơ pơm kơnê̆. Yŏng pơgơ̆r chă apinh mŭk tơmam, 'bok sek tơlang kư̆m hrăn chă sa pơgâm, gah bơngai pran kơtang 'maih pơm kơnê̆ kiơ̆ kơ jơhngơ̆m kơdih; thoi noh na lu sư pơđâu hơdai.

Tơdrông Pơđơk 17:8

Mŭk tơmam sa pơgâm thoi jơmŏng gĭt kơ bơngai bu mă yua sư. Mă sư năm gah yơ kư̆m kĕ ngăl.

Le 23:8

Ih 'nĕ kơ iŏk sa pơgâm mŭk tơmam đe, yua kơ iŏk sa pơgâm pơm bơbôl kơ măt bơngai hlôh wao păng bơ̆ đŏng tơdrong bơngai tơpăt.

Both 16:19

'Nĕ kơ pơm glăi kơ tơdrong tơpăt; 'nĕ kơ mơ̆t minh pah; 'nĕ kơ sa tơmam đe răt apah, yua kơ tơmam đe răt apah noh pơm ăn kơ lu bơngai rơngei măt tol păng gơwĕch lê̆ nơ̆r bơngai tơpăt.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Êsêkiên 22:12

Lăm ih đei bơngai iŏk sa pơgâm wă pơm tơdrong đei tuh pham, ăn đe tŏk iŏk đei iŏk lơi adrol păng iŏk jên kon lơ dêh; ih pơjuă sa lu bơngai jê̆ ih păng ih hiơt kơ Inh, Kră Yang khan thoi noh.

Êsai 1:23

Lu yŏng pơgơ̆r iĕm tă kơ blơ̆ blĕch ngăl, pơm buăl hăm lu bơngai tơtông, rim 'nu lu sư tă kơ 'maih chă pơgâm sa tơmam, 'maih druh kiơ̆ mŭk tơmam đe ăn, ưh kơ dŏng tơgŭm lu bơngai mơti, pă 'maih lăng dŏng tơgŭm lu drŏ-kăn adro.

Tơdrông Pơđơk 21:14

Tơmam ăn hlơp pơm rơngơp tơdrong hil. Tơmam sa pơgâm mơ̆t lăm jơhngơ̆m blĕk rai ngach.

Tơdrông Pơđơk 18:16

Tơmam bu pơyơ̆r gô pơih trong kơ sư. Ba sư truh tơ anăp lu bơngai yŏng mơng.

I Sam 12:3

Âu inh dơ̆ng 'bơ̆t anăp lu iĕm, 'bơ̆t anăp Kră Yang păng 'bơ̆t anăp pơtao mă Kră Yang đei tuh đak rơmă pơk pơm pơtao, wă kơ lu iĕm roi pơdah ăn. Inh hăm đei rôp rơmo bu ưh? Hăm rôp aseh đe bu ưh? Inh hăm hơlĕnh đe bu ưh? Pơm kơnê̆ tôn teh đe bu ưh? Inh hăm pơgâm sa đe wă bơbĭt lê̆ măt đe lăm dôm tơdrong jang kiơ ưh? Tơdah đei pơm thoi noh, gô pơdrâu đĭ kơ iĕm.

I Sam 8:3

Mă-lei 'bar 'nu kon drŏ-nglo sư ưh kơ rok kiơ̆ 'bă bre sư ôh, bre sư hưch ham kơ jên tơmam, pơgâm sa tơmam đe păng sek ưh kơ tơpăt.

Bôk Bơthô 7:7

Mưh pơjuă pơđep đe pơm kơ lu bơngai hơgei jing kơtul păng sa pơgâm sư pơm kơ kơ̆l 'ngok măng mu.

Êsai 5:23

Lu sư achăng lê̆ lu bơngai pơm kơnê̆ yua kơ đei iŏk pơgâm sa tơmam đe răt, sơngah ưh kơ pơm tơdrong 'lơ̆ng tơpăt kơ bơngai ưh kơ đei yoch.

Êsêkiên 22:27

Lu yŏng pơgơ̆r oei lăm lu sư nhen thoi kŏ-so kăp sa sem bri, pơm tuh pham pơlôch bơngai, wă tơgar iŏk tơmam.

Mi 3:9

Ơ lu kơdră hnam Jakôp păng lu bơngai pơgơ̆r hnam Isơrael, mơ̆ng bĕ nơ̆r âu, iĕm areh kơ tơdrong trŏ păng wă pơrăm pơrai tơdrong tơpăt hơnơ̆ng.