Tơdrông Pơđơk 16:21 - Sơ̆p Hlabơar Nơ̆r 'Bok Kei-Dei

²¹ Bu đei đon gơh hơgei đe jô̆ bơngai hlôh wao; Nơ̆r pơma rơngơp pơtrơp thim tơdrong hlôh băt.

Tơdrông Pơđơk 16:21 Referans Kwoze

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Tơdrông Pơđơk 15:7

Nơ̆r 'bơ̆r bơngai hơgei rei tơdrong hlôh wao; Mă-lei jơhngơ̆m lu kơwao ưh kơ thoi noh.

Tơdrông Pơđơk 27:9

Tơmam 'bâu phu păng pơgang 'bâu phu pik pơm kơ jơhngơ̆m hiôk chơt. Nơ̆r pơlung đơ̆ng lu bôl buăl kư̆m hiôk chhơp thoi noh.

Ya 3:17

Na gah tơdrong hơgei, bơngai bu hơgei đơ̆ng 'Bok Kei-Dei ăn, bơngai noh bơ̆n 'bôh sư pơm tôm tơdrong 'lơ̆ng, sư bơngai dim gơh găt hăm đe, băt chu yom kơ lu bơngai tih kơ sư, băt mơnat kơ đe, băt asong băl tơmam; sư bơngai tơpăt tơpă, ưh kơ sĭ sư chă pơm đĕch ôh.

Yo 7:46

Lu linh sư khan: “Đơ̆ng sơ̆ tam lah đei bơngai bơtho hơgei dang Sư.”

Luka 4:22

Na đĭ-đăng kơ lu sư lăp đon kơ Yêsu păng lu sư kư̆m sơleng kơ đon mơ̆n yua kơ Yêsu bơtho kơ lu sư 'bơ̆r đon hơgei tơpă. Na lu sư khan: “Bơngai âu kon Yôsep dah kiơ?”

Bôk Bơthô 12:10

'Bok bơtho adrin nŏng kơ chơchă dôm lu nơ̆r 'lơ̆ng păng dôm lu nơ̆r mă trŏ ling-lang chih tơlĕch tơpăt păng sĭt tơpă.

Tơdrông Pơđơk 23:15

Ơ dăm, dah lăm jơhngơ̆m ih hơgei lei jơhngơ̆m inh kư̆m hiôk chơt.

Tơdrông Pơđơk 10:8

Bơngai bu đei đon gơh hơgei đei chu nơ̆r tơtă. Mă-lei 'bơ̆r lu bơngai kơwao gô hiong tôch.

Horiso 45:2

Ih 'lơ̆ng rŏ hloh kơ đĭ-đăng lu kon drŏ-nglo kon bơngai. Hơkŭng 'bơ̆r 'bĕnh kơ tơdrong mơnat. Thoi noh Kră Yang 'Bok Kei-Dei ăn boih pŭn kơ ih dĭng ning-mônh.

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

Rom 16:19

Mă-lei gah iĕm, đĭ-đăng kơ đe băt kơ iĕm lui kơjăp tơpă, thoi noh na jơhngơ̆m inh hiôk dêh. Păng inh wă kơ iĕm hơgei, gơh tơchĕng tơdrong trŏ sư thoi yơ, tơdrong glăi sư thoi yơ. Inh ưh kơ wă kơ iĕm hơgei gah tơdrong kơnê̆ ôh.

Mathiơ 11:25

Kơplah noh Yêsu krao khan kơ 'Bă Sư khan: “Ơ 'Bă, Ih boih Kră Yang plĕnh teh. Inh bơnê kơ Ih, yua kơ dôm tơdrong Inh bơtho, Ih tơbăt kơ lu bơngai mă băt gơnang kơ Ih thoi lu hơ'lơ̆p băt gơnang kơ mĕ 'bă; păng Ih ưh kơ wă tơhlôh kơ lu bơngai mă gơnang kơ akâu sư kơdih hŏk hơgei.

Tơdrông Pơđơk 16:22

Bơngai bu gơh hơgei đei tơm tơdrong arih; Mă-lei bu kơhlôh kơwao, noh boih tơdrong phak lu sư.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Tơdrông Pơđơk 10:13

Tơdrong gơh hơgei đei 'bôh lăm 'bơ̆r bơngai hlôh, mă-lei đei sơnguĕt teh rŏng lu bơngai kơwao.

Tơdrông Pơđơk 10:23

Lu bơngai kơwao lăng tơdrong pơm kơnê̆ thoi hơnul; Mă-lei bơngai hơgei 'maih đei chơt hiôk lăm tơdrong hlôh wao.