Tơdrông Pơđơk 16:1 - Sơ̆p Hlabơar Nơ̆r 'Bok Kei-Dei

¹ Tơdă wă pơm noh đơ̆ng jơhngơ̆m kon bơngai, Mă-lei đei hơpiĕt tơl tơwih noh lĕch đơ̆ng Kră Yang.

Tơdrông Pơđơk 16:1 Referans Kwoze

Tơdrông Pơđơk 19:21

Jơhngơ̆m kon bơngai đei lơ tơdă wă pơm, Mă-lei đei tơdrong Kră Yang wă gô jing.

Tơdrông Pơđơk 16:9

Đon tơchĕng bơngai chă rơih trong kơdih wă; Mă-lei Kră Yang ba trong sư.

Philip 2:13

Tơdrong noh 'Bok Kei-Dei hơmet lăm jơhngơ̆m iĕm, tơgŭm iĕm pơm kiơ̆ 'blep thoi Sư wă.

Tơdrông Pơđơk 20:24

Kră Yang boih ba rim kơnao yak kon bơngai; Lei liơ kon bơngai mă gơh băt trong kơdih?

Je 10:23

Ơ Kră Yang! Inh băt kon bơngai ưh kơ gơh pơm yŏng kơ sư kơdih, Kŭm ưh kơ gơh bơwei kơnao yak lu sư kơdih mơ̆n.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Horiso 119:36

Apinh ăn kơ jơhngơ̆m inh tơchĕng kơ tơdrong juăt Ih. 'Nĕ ăn kơ inh tơchĕng kơ tơdrong lơi kơdih akâu.

Le 4:15

Lei na ih pơma hăm sư păng hơmet lê̆ dôm nơ̆r wă pơma lăm 'bơ̆r sư, kơplah măr iĕm pơma. Inh gô oei hơdai lăm 'bơ̆r ih păng 'bơ̆r 'nhŏng ih, bơtho iĕm dôm tơdrong kiơ wă pơm.

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

Horiso 10:17

Ơ Kră Yang, Ih mơ̆ng boih nơ̆r lu bơngai 'lơ̆ng tơpăt 'maih wă. Ih pơm ăn kơ jơhngơ̆m lu sư kơjăp, Ih pơgling đon mơ̆ng lu sư,

Ne 1:11

Ơ Kră Yang! Apinh Ih pơgling đon mơ̆ng nơ̆r lu đĭch đam Ih krao apinh păng krao chă, lu bơngai mă đĭ jơhngơ̆m hli yom kơ Anăn Ih, năr âu apinh Ih tơgŭm ăn gơh đei tơdrong pŭn hiôk păng ăn kơ lu sư gơh đei tơdrong mơnat 'bơ̆t anăp bơngai âu. Kơplah ei kơnh inh gô pôk glơng kơchŏk tơdrô ăn kơ pơtao.

II Ho 18:31

Wă lu yŏng linh hao gre aseh 'bôh Jêhôsaphat, na khan: “Noh boih pơtao Isơrael.” Na lu sư dăr wă blah sư. Jêhôsaphat krao ôr, Kră Yang dŏng pơklaih sư păng Kră Yang ăn kơ lu đe noh weh ataih đơ̆ng sư.

II Kor 8:16

Inh bơnê kơ 'Bok Kei-Dei pơm kơ Tĭt hưch hanh kơ năm tơgŭm iĕm kư̆m thoi inh hưch hanh kơ tơgŭm iĕm ling-lang.

Tơdrông Pơđơk 15:33

Tơdrong băt hli yom kơ Kră Yang chrih bơtho bơngai noh gô jing hơgei; Đei iŏk đon ala ba adrol tơdrong đe pơyom.

II Sam 7:5

“Athei năm khan kơ Đawit, đĭch đam Inh Kră Yang khan thoi âu” Ih wă pơm kơ Inh hnam oei hă?

Jop 17:11

Năr lăm chăl arih inh wă jê̆ hloh bơih, Dôm tơdrong inh chă đon pơchah đĭ, dôm tơdrong inh hơpơi wă kư̆m hiong tôch.