Tơdrông Pơđơk 15:21 - Sơ̆p Hlabơar Nơ̆r 'Bok Kei-Dei

²¹ Bơngai ưh kơ hlôh 'bôh tơdrong kơtul hiôk. Mă-lei bơngai hlôh 'bôh trong sư yak tơpăt.

Tơdrông Pơđơk 15:21 Referans Kwoze

Êphêsô 5:15

Thoi noh na bơ̆n athei kơchăng oei mă hơđơ̆ng hli kơ jơhngơ̆m bơ̆n hơdai 'maih pơm yoch. Bơ̆n 'nĕ kơ pơm kư̆ kă thoi lu bơngai jih 'ma kơ bơ̆n, bơ̆n athei pơm thoi lu bơngai hơgei lu bơngai tơpăt đĕch trŏ.

Tơdrông Pơđơk 10:23

Lu bơngai kơwao lăng tơdrong pơm kơnê̆ thoi hơnul; Mă-lei bơngai hơgei 'maih đei chơt hiôk lăm tơdrong hlôh wao.

Tơdrông Pơđơk 14:16

Bơngai hơgei đei đon hli păng weh ataih đơ̆ng tơdrong yoch. Mă-lei bơngai kơwao rai pơang kang ưh kơchăng.

Tơdrông Pơđơk 14:9

Bơngai kơhlôh 'bôh hiĕk pơjăm tơdrong huai yoch, Mă-lei đei bơngai tơpăt Kră Yang 'Bok Kei-Dei mơnat ăn.

Tơdrông Pơđơk 11:12

Bơngai bu ưh kơ lăng păng pơjăm rông 'bôt, bơngai noh ưh kơ đei đon hlôh. Mă-lei lu bơngai gơh hơgei oei ngăn hreh.

Ya 3:13

Lăm lu iĕm hăm đei bơngai bu đei đon hơgei, đon hlôh wao băt tôm tơdrong? Sư athei pơm mă 'lơ̆ng na đe băt kơ sư bơngai đon hlôh, băt kơ sư bơngai dim gơh găt hăm đe tơpă.

Horiso 111:10

Tơdrong hli yom kơ Kră Yang jing tơm tơdrong hơgei, Bơngai bu mă wei răk nơ̆r Sư bơtho pơkă gô đei đon hlôh wao. Tơdrong hơri bơnê ư-ang kơ Sư oei oei ling-lang.

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Tơdrông Pơđơk 14:8

Tơdrong hơgei lu bơngai đei đon kơchăng lăng băt nhen trong kơdih; Tơdrong bơlŭk lu bơngai kơtul pơma hơlĕnh kơ jơhngơ̆m sư kơdih.

Tơdrông Pơđơk 15:22

Tơdă ưh kơ chă đon pơđâu, tơdrong ih wă pơm gô hiong; Mă-lei tơdah đei đon lơ pơđâu chơchă tơdă wă pơm gô jing.

Tơdrông Pơđơk 4:25

Ăn kơ măt lăng tơpăt anăp, 'Nĕ kơ pơ'ngeh muh tơjruh măt.

Tơdrông Pơđơk 4:26

Pơm bĕ trong ih yak mă dơhnă, Lei na trong ih yak kơjăp.