Tơdrông Pơđơk 15:17 - Sơ̆p Hlabơar Nơ̆r 'Bok Kei-Dei

¹⁷ Kơtrơ̆m sa săi 'nhot mă-lei oei tơ'mêm băl, Hloh kơ sa 'nhĕm rơmo bek mă-lei đei tơdrong areh băl.

Tơdrông Pơđơk 15:17 Referans Kwoze

Tơdrông Pơđơk 17:1

Sa minh pôm 'bĕng mi kro tơhiôk băl, 'lơ̆ng hloh kơ đei 'nhĕm soi sa 'bĕnh kơ hnam mă-lei đei tơdrong tơhil băl.

Tơdrông Pơđơk 21:19

Kơtrơ̆m oei hơdrô̆ lăm char glă. 'Lơ̆ng hloh oei hơdai bơngai drŏ-kăn hrăn tơhil jŏk.

I Yo 4:16

Bơ̆n băt kơ Sư 'mêm mơnat kơ bơ̆n tơpă. 'Bok Kei-Dei Sư gah tơdrong 'mêm mơnat đĕch, na bơngai bu 'mêm mơnat kơ đe tơpă, bơngai 'noh pôm đon păng 'Bok Kei-Dei păng 'Bok Kei-Dei oei lăm sư.

Philip 2:1

Yua kơ bơ̆n pôm đon hăm Yêsu Krist na bơ̆n băt kơ pơlung dih băl, băt kơ 'mêm mơnat dih băl; 'noh yua kơ Yang Bơhngol 'Lơ̆ng oei hăm bơ̆n.

Mathiơ 22:4

'Bok pơtao wơh dơ̆ng lu bơngai jang kơ sư nai năm krao păng khan kơ lu bơngai mă sư wơ̆n ei thoi âu: ‘Inh hơmet tơmam sa đang boih, dang ei oei chang gô iĕm; inh đei 'buh sa rơmo bek na dôm tơmam wă sŏng sa hơmet đang boih, apinh iĕm năm sŏng sa bĕ.’

Luka 15:23

Rôp kon rơmo bek bĕ, bơ̆n 'bet sa, wă kơ hiôk chơt,

Bôk Bơthô 4:6

Kơtrơ̆m jah đei đăi 'bĕnh hơya minh pah tơpang ti đĕch mă-lei đei tơdrong hiôk rơnŭk, noh sư hloh kơ đei 'bĕnh 'bar pah tơpang ti, mă-lei gleh pơmat, mơ̆ng kơ kial bơbơ̆t sư tơ yơ kiơ̆ tơ noh.

Tơdrông Pơđơk 16:8

Đei lơi tŏ sĕt đơ̆ng pơm tơpăt noh 'Lơ̆ng hloh đei tơmam lơi lơ đơ̆ng hơlĕnh.