Tơdrông Pơđơk 14:22 - Sơ̆p Hlabơar Nơ̆r 'Bok Kei-Dei

²² Hăm trŏ kơ lu bơngai wă chă đon pơm kơnê̆ noh gô wơ̆l jrok? Mă-lei đei bơngai pơđâu wă pơm 'lơ̆ng, đe gô mơnat păng jô̆ tơpăt.

Tơdrông Pơđơk 14:22 Referans Kwoze

Tơdrông Pơđơk 12:2

Bơngai 'lơ̆ng đei tơdrong mơnat đơ̆ng Kră Yang, Mă-lei Sư jô̆ yoch lu bơngai pơm kơnê̆.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Mathiơ 5:7

“Pŭn dêh lu bơngai mă băt mơnat kơ đe, 'Bok Kei-Dei kư̆m mơnat kơ lu sư mơ̆n.

Tơdrông Pơđơk 19:22

Đe wă kơ 'bôh lăm bơngai noh 'noh pơm 'lơ̆ng. Mă dơnuh hin ră mă-lei 'lơ̆ng hloh kơ bơngai hơlĕnh.

Tơdrông Pơđơk 14:17

Bơngai bu 'bônh kơ blĕk pơm tơdrong kơtul kơwao. Lu bơngai hơlĕnh pơdăr đe gô areh.

Tơdrông Pơđơk 3:29

'Nĕ pơđâu chă đon wă pơm kơnê̆ kơ rông 'bôt ih, Dah sư oei hiôk hơiă hăm ih.

Horiso 61:7

Ăn kơ sư pơyơ̆r 'bơ̆t anăp ling-lang hloi.a Apinh Ih ăn tơdrong 'mêm mơnat sĭt, wă kơ wei-lăng sư.

Horiso 25:10

Lu trong Kră Yang 'mêm mơnat păng tơpăt ngăl Ăn kơ bu mă bơwei nơ̆r Sư pơkă păng tơdrong Sư pơgơ̆p.

II Ho 6:8

Mă-lei Kră Yang khan kơ 'bă inh Đawit: “Yua kơ lăm jơhngơ̆m Ih đei boih khan wă 'maih pơm hnam ăn kơ Anăn Inh, ih tơchĕng 'lơ̆ng tơpă boih.

Bl 24:27

Păng khan: “Trŏ kơkuh bơnê tơpă kơ Kră Yang, Kră Yang 'Bok Kei-Dei yŏng tơ'ngla inh Abraham! Sư ưh kơ lê̆ tơdrong mơnat păng pơkă tơpăt hăm yŏng tơ'ngla inh! Kơplah inh oei yak, Kră Yang chông ba inh truh tơ hnam 'nhŏng oh yŏng tơ'ngla inh.”

Horiso 36:4

Sư tơchĕng wă pơm kơnê̆ kơplah oei kơpal giơng, Sư kiơ̆ trong ưh kơ 'lơ̆ng, sư ưh kơ achăng lê̆ tơdrong kơnê̆.

Tơdrông Pơđơk 3:3

'Nĕ kơ lê̆ ôh tơdrong 'mêm mơnat păng tơnăp, 'Băk sư tơ hơko ih, chih răk sư tơ lăm jơhngơ̆m ih.

Tơdrông Pơđơk 14:23

Dôm tơdrong jang lap gơh đei yua, Mă-lei đei nơ̆r pơma đĕch dơnuh hin.

Tơdrông Pơđơk 24:8

Lu bơngai wă chă tơdrong pơm kơnê̆. Đe jô̆ sư bơngai chă hơlĕnh pơdăr.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

Jôsuê 2:14

Bre noh tơl: Yua kơ ih ăn kơ nhi oei arih, nhi kư̆m gô ăn kơ ih oei arih mơ̆n, tơdah ih ưh kơ roi kơ đe tơdrong jang lu nhôn âu, lei lu nhôn gô pơm 'lơ̆ng kơ ih păng gô pơm trŏ thoi nhôn pơkă, kơplah năr mă Kră Yang ăn dêh char âu kơ nhôn.

Tơdrông Pơđơk 6:14

Jơhngơ̆m kơnê̆ chă đon wă pơm kơnê̆, Ling-lang chă tơdrong tơhil.

Tơdrông Pơđơk 12:26

Bơngai tơpăt băt chông ba lu buăl juăt sư; Trong lu bơngai kơnê̆ pơm lê̆ kơ buăl rai jrok.