Tơdrông Pơđơk 14:2 - Sơ̆p Hlabơar Nơ̆r 'Bok Kei-Dei

² Bơngai bu năm lăm tơdrong tơpăt băt hli yom kơ Kră Yang; Mă-lei bơngai bu pơm kiơ̆ trong tơdrong kơnê̆ areh kơ Sư.

Tơdrông Pơđơk 14:2 Referans Kwoze

Jang 10:35

Lăm rim khŭl bơngai, bơngai bu lui kơkuh kơ 'Bok Kei-Dei păng pơm trŏ thoi Sư wă, 'Bok Kei-Dei kư̆m lăp đon kơ lu sư lei-lăi ngăl.

Tơdrông Pơđơk 28:6

Kơtrơ̆m dơnuh hoh oei sa tơpăt. 'Lơ̆ng hloh kơ mơdrŏng nŏng kiơ̆ tơdrong hơlĕnh pơdăr.

Horiso 112:1

Halêluya! Pŭn dêh bu băt kơ hli yom kơ Kră Yang. 'Maih wă dêh kơ tơdrong juăt Sư!

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Horiso 25:21

Ăn tơdrong 'lơ̆ng rơgoh păng tơdrong tơpăt wei-lăng inh, Yua kơ inh chang gô Ih.

Jang 10:22

Lu sư khan: “'Bok Kôrnei sư yŏng linh, sư athei nhôn năm tơ ih tơ âu. Sư bơngai tơpăt, lui kơ 'Bok Kei-Dei mơ̆n. Đĭ-đăng lu bơngai Juđê kư̆m khan sư 'lơ̆ng. Linh jang 'lơ̆ng đơ̆ng 'Bok Kei-Dei athei sư krao ih năm tơ hnam sư wă kơ sư gơh kơtơ̆ng nơ̆r ih bơtho.”

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Luka 10:16

Yêsu khan dơ̆ng kơ lu bơngai pơhrăm păng Sư: “Bơngai bu mơ̆ng iĕm, sư 'noh dang mơ̆ng Inh mơ̆n. Bơngai bu ưh kơ wă mơ̆ng iĕm, sư 'noh kư̆m ưh kơ wă mơ̆ng Inh mơ̆n. Bơngai bu ưh kơ wă mơ̆ng Inh, sư 'noh kư̆m dang ưh kơ wă mơ̆ng 'Bok Kei-Dei mă wơh Inh mơ̆n.”

Tơdrông Pơđơk 19:1

Bơngai dơnuh hin arih sa 'lơ̆ng tơpăt. 'Lơ̆ng hloh kơ bơngai bơlŭk pơma hơlĕnh.

Tơdrông Pơđơk 16:17

Trong lu bơngai tơpăt băt weh đơ̆ng yoch. Bu kơchăng lăng trong wei rong bơhngol sư kơdih.

Tơdrông Pơđơk 11:12

Bơngai bu ưh kơ lăng păng pơjăm rông 'bôt, bơngai noh ưh kơ đei đon hlôh. Mă-lei lu bơngai gơh hơgei oei ngăn hreh.

Tơdrông Pơđơk 2:15

Lu bơngai kiơ̆ trong đŏng đĕo, Đei trong hơlĕnh hơleo kơnê̆ krưp.

Jop 1:1

Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

I Pot 3:6

Sôlômôn tơl: “Ih đei tơ'bôh bơih tơdrong 'mêm mơnat tih kơ đĭch đam ih Đawit, 'bă inh, yua kơ sư đei đon lui păng jơhngơ̆m đon tơpăt 'bơ̆t anăp Ih: Ih oei tơ'bôh tơdrong 'mêm mơnat tih, na ăn kơ sư đei minh 'nu kon drŏ-nglo hơ-oei kơpal tang-dŏ pơtao sư truh năr 'nâu.

Jop 12:4

Inh jing bơngai chă pơhiĕk kơ bôl buăl. Mă khan inh đơ̆ng bơngai juăt krao khan apinh Kră Yang 'Bok Kei-Dei păng đei Sư tơl tơwih nơ̆r inh; Inh bơngai 'lơ̆ng tơpăt tôm tơdrong đĭ jing bơngai đe hiĕk ăr.

II Sam 12:9

Liơ ih ưh kơ băt hli yom kơ nơ̆r Kră Yang tơtă, na pơm tơdrong kơnê̆ dêh 'bơ̆t anăp Sư? Ih yua đao pơlôch Uri, bơngai Hêtit, iŏk akăn sư pơm akăn ih, ih yua đao gưm linh bơngai Ammôn pơlôch sư.

II Pot 17:34

Dĭng truh tơ dang ei, lu sư oei pơm rok thoi tơdrong juăt so sư kơdih. Lu sư ưh kơ hli yom kơ Kră Yang, ưh kơ chu wei răk tơdrong juăt, dah nơ̆r Kră Yang tơtă kơ kon sâu Jakôp mă Kră Yang anăn ăn kơ sư Isơrael.

Tơdrông Pơđơk 16:6

Đơ̆ng 'mêm băt sĭt tơdrong yoch gơh klaih; Đơ̆ng hli yom kơ Kră Yang na gơh weh đơ̆ng tơdrong kơnê̆.