Tơdrông Pơđơk 13:6 - Sơ̆p Hlabơar Nơ̆r 'Bok Kei-Dei

⁶ Tơdrong tơpăt băt wei bơngai oei sa 'lơ̆ng tơpăt Mă-lei tơdrong kơnê̆ teh pơrăm lê̆ lu bơngai pơm kư̆ kă.

Tơdrông Pơđơk 13:6 Referans Kwoze

Tơdrông Pơđơk 11:3

Tơdrong 'lơ̆ng lu bơngai tơpăt băt dui ba lu sư. Mă-lei tơdrong hơlĕnh pơdăr lu bơngai kơnê̆ gô pơrăm lu sư.

Tơdrông Pơđơk 21:12

Yŏng 'lơ̆ng tơpăt băt lăng hơlen hnam bơngai pơm kơnê̆; Yŏng noh hơloh tơlơ̆ lê̆ lu bơngai kơnê̆ lăm tơdrong pơmat.

Horiso 140:11

Ăn kơ lu bơngai đei hơpiĕt hơlĕnh pơdăr ưh kơ gơh pơjing kơjăp lăm teh đak. Ăn tơdrong răm druh lu bơngai pơm kơnê̆.

Horiso 26:1

Ơ Kră Yang, apinh Ih sek tơlang lăng inh, Yua kơ inh oei arih 'lơ̆ng rơgoh,a Inh gơnang kơ Kră Yang na inh huay kơ tơpling jơ̆ng.

Horiso 25:21

Ăn tơdrong 'lơ̆ng rơgoh păng tơdrong tơpăt wei-lăng inh, Yua kơ inh chang gô Ih.

Horiso 15:2

Lu bơngai yak kiơ̆ trong tơpăt, pơm tơdrong trŏ. Sư pơma tơpăt lăm jơhngơ̆m sư;

Tơdrông Pơđơk 5:22

Lu bơngai pơm kơnê̆ gô 'leh hơđong đơ̆ng tơdrong yoch sư kơdih. Tơdrong yoch sư kơdih gô chô̆ sư.

II Ho 28:23

Sư kơkuh pơyơ̆r tơmam soi ăn kơ lu yang pơlei Đamas, kon pơlei mă blah sư; sư tơchĕng khan: “Yua kơ lu yang pơtao Asiri dŏng tơgŭm lu sư boih, na inh gô soi sơmah kơ lu yang noh, wă kơ lu yang noh kư̆m dŏng tơgŭm inh.” Mă tơpă lu yang noh rai pơrăm sư păng lu bơngai Isơrael.

Horiso 119:1

Pŭn dêh kơ lu đe bu mă pơm 'lơ̆ng đe huay kơ chrih lăm trong sư yak. Arih kiơ̆ khôi juăt Kră Yang.

Tơdrông Pơđơk 10:29

Trong Kră Yang kơđông kơjăp kơ bơngai tơpăt. Mă-lei đei tơdrong răm lăm lu bơngai pơm kơnê̆.

Tơdrông Pơđơk 11:20

Kră Yang areh kơ bơngai đei jơhngơ̆m kư̆ kă. Mă-lei bơngai bu đei jơhngơ̆m tơpăt noh pơm kơ Sư lăp đon.

I Pot 1:52

Sôlômôn tơl: “Tơdah sư arih sa pơm 'lơ̆ng tơpăt lei mă minh dăng sŏk đơ̆ng kơ̆l sư ưh kơ đei huŏng ôh tơ teh, mă-lei tơdah đe 'bôh sư pơm yoch sư gô lôch.”

I Pot 13:34

Tơdrong 'nâu jing tơdrong yoch kơnê̆ tih kơ adrĕch hnam Jêrôbôam pơm ăn kơ dêh char sư pơchah pơchek păng đe pơlôch đĭ-đăng đơ̆ng kơpal teh đak âu.