Tơdrông Pơđơk 12:8 - Sơ̆p Hlabơar Nơ̆r 'Bok Kei-Dei

⁸ Bơngai bu gơh hơgei đei đon tơpăt đe bơnê. Mă-lei bơngai bu jơhngơ̆m kơnê̆ đe pơchê pơjăm.

Tơdrông Pơđơk 12:8 Referans Kwoze

II Kor 10:18

Ưh kơ sĭ Kră Yang lăp đon kơ bơngai mă pơang akâu kơdih ôh, Sư lăp đon kơ bơngai bu mă Sư 'bôh pơm 'lơ̆ng pơm trŏ.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.

Luka 16:8

Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

Da 12:2

Lơ bơngai tep lăm teh gô iung hơđơ̆r, lu mơ'nah đei tơdrong arih ling-lang, lu mơ'nah gô pŭ iŏk tơdrong mơlâu păng pơmat-tat ling-lang.

Tơdrông Pơđơk 5:23

Sư gô lôch yua kơ ưh kơ mơ̆ng đei bơtho khan, Sư gô wơ̆l jrok yua kơ ưh kơhlôh kơwao.

Tơdrông Pơđơk 3:35

Bơngai gơh hơgei gô đei tơdrong ư-ang; Mă-lei bơngai kơwao gô mơlâu.

Tơdrông Pơđơk 1:26

Na dah lu iĕm đei tơdrong pơmat-tat, Inh gô hiĕk ăr, păng lu iĕm đei tơdrong hli tơrơ, Inh gô tơhuăi;

Horiso 132:18

Inh gô pơhrŭk ăn tơdrong mơlâu kơ lu bơngai ayăt kơ sư. Gah môk pơtao tơ kơpal kơ̆l Sư gô rang hơdah.”

Bl 41:39

Pharaôn pơma păng Jôsep khan: Yua kơ Kră Yang 'Bok Kei-Dei ăn boih kơ ih băt tơdrong âu, na pă đei bu hơgei hlôh wao thoi ih boih.

I Sam 25:17

Thoi noh dang ei ih athei tơchĕng lăng wă pơm liơ yua kơ gô đei tơdrong răm truh kơ yŏng tơ'ngla lu nhôn păng kư̆m truh kơ hnam dơnŏ ih; yŏng tơ'ngla khĕnh dêh, ưh kơ đei bu pơ̆n pơma kiơ hăm sư.

I Sam 18:30

Rim wơ̆t lu kră pơgơ̆r kon pơlei Philistin ngăl năm tơblah, hăm bơngai Isơrael na Đawit tơblah hloh kơ đĭ-đăng lu đĭch đam Sôl; thoi noh, anăn sư đe ư-ang rai dêh.

I Sam 16:18

Minh 'nu lăm lu đĭch đam sư khan: Inh 'bôh minh 'nu kon drŏ-nglo Jese, bơngai Betlehem; sư reh brŏ hơgei dêh, sư minh 'nu bơngai tơblah nuih, pơma dơnuh hơgei păng muh măt sư hơbŏ 'lơ̆ng. Kră Yang oei hơdai sư.

I Sam 13:13

Samuel khan kơ Sôl: Ih ưh kơ wao tơpă, ưh kơ chu nơ̆r Kră Yang 'Bok Kei-Dei ih đei tơtă khan lê̆ bơih. Tơdah ih đei chu kiơ̆ nơ̆r Sư, lei Kră Yang gô pơjing dêh char ih kơjăp ling-lang lăm Isơrael;

Bôk Bơthô 8:1

Bu kiơ̆ tam lu bơngai hơgei? Bu gơh tơblang dôm tơdrong dôm tơmam? Tơdrong hơgei pơm kơ măt kon bơngai hơdah hơdong, đêl muh măt ưh kơ praih, tơplih jing praih.

Tơdrông Pơđơk 12:7

Đe teh tơhuŏng lu bơngai kơnê̆ lu sư gô ưh pă đei. Mă-lei lu bơngai tơpăt oei kơjăp.

Tơdrông Pơđơk 12:9

Kơtrơ̆m iŏk đon ala na pơm păi đei đĭch đam, Hloh kơ pơm pơrŏ pơang na tơmam sa ưh kơ đei.

Tơdrông Pơđơk 29:27

Bơngai kư̆ kă mă lăng krưp kơnê̆ dêh kơ bơngai tơpăt; Bơngai arih sa tơpăt lu bơngai pơm kơnê̆ kư̆m băt lăng krưp

Êsai 19:14

Kră Yang tuh ăn tơdrong tơchĕng hơwơ̆l kơ bơngai Êyiptơ, lu sư gô wơ̆l jrok lăm tôm tơdrong jang, thoi bơngai suai hăk rah năm rah tơ 'ma tơ 'ngiĕo kơ hăk sư.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.