Tơdrông Pơđơk 12:23 - Sơ̆p Hlabơar Nơ̆r 'Bok Kei-Dei

²³ Bơngai hơgei wei ôn nơ̆r bơ̆n hlôh wao, Gah bơngai kơhlôh tơ'bôh hloi bơ̆n kơwao.

Tơdrông Pơđơk 12:23 Referans Kwoze

Tơdrông Pơđơk 13:16

Bơngai hơgei đei pơm kiơ̆ đon hlôh wao; Gah lu bơngai kơhlôh tơ'bôh tơdrong kơtul sư.

Tơdrông Pơđơk 11:13

Bơngai bu ngăl juăt pơma 'bơ̆r lơ, pơdah tơdrong hlơp. Mă-lei bơngai bu đei đon tơpăt băt ôn hlơp tôm tơdrong.

Tơdrông Pơđơk 10:14

Lu bơngai gơh hơgei đei răt mong tơdrong hlôh wao lơ. Mă-lei 'bơ̆r lu bơngai kơtul kơwao ba tơdrong truh răm.

Tơdrông Pơđơk 15:2

Hơpiĕt lu bơngai hơgei đei pơma hlôh wao; Mă-lei đei 'bơ̆r lu bơngai kơhlôh rai 'bôh kơtul.

Tơdrông Pơđơk 10:19

Pơma lơ, tơ yơ mă huay kơ glăi. Bơngai bu kĕ wei hơpiĕt noh bơngai hơgei.

Bôk Bơthô 10:3

Truh tơ yak rok trong tih bơngai kơtul nơnăm kư̆m ưh kơ wao; tơ'bôh ăn kơ đĭ-đăng bơngai băt sư bơngai kơtul.

Tơdrông Pơđơk 18:2

Bơngai kơtul ưh kơ wă ôh tơdrong hlôh wao; Mă-lei 'maih roi tơdrong kơdih akâu tơchĕng đĕch.

Tơdrông Pơđơk 29:11

Bơngai kơtul kơhlôh tơ'bôh tơdrong blĕk sư; Mă-lei bơngai hơgei pơkơ̆ng ĕnh tơdrong sư hil.

I Sam 10:16

Sôl roi kơ ma sư: Sư đei roi kơ nhi khan aseh iĕ akăn măr iĕm 'bôh bơih. Mă-lei Sôl ưh kơ đei roi gah Samuel tơ'bôh kơ sư tơdrong jang wă pơm pơtao ôh.

Ne 2:12

Inh păng lu bơngai kiơ̆ inh, lu nhôn iung yak kơmăng, inh ưh kơ đei roi kơ bu băt ôh tơdrong Kră Yang 'Bok Kei-Dei ăn lăm jơhngơ̆m inh, tơdrong jang tơ pơlei Jêrusalem, inh hao aseh lu bơngai kiơ̆ inh yak năm jơ̆ng hoh.

Ne 2:16

Kơplah noh lu yŏng pơgơ̆r ưh kơ băt inh năm tơ yơ păng pơm kiơ lăm măng noh, yua kơ inh ưh kơ đei roi kơ bơngai Juđa, dah lu 'bok soi lu yŏng mơng dah lu bơngai pơgơ̆r, mă lu bơngai wă jang kư̆m ưh kơ băt mơ̆n.

Tơdrông Pơđơk 14:33

Tơdrong hơgei oei lăm jơhngơ̆m bơngai hlôh wao; Mă-lei tơdrong hơgei ưh kơ oei lăm jơhngơ̆m bơngai kơtul.