Tơdrông Pơđơk 11:4 - Sơ̆p Hlabơar Nơ̆r 'Bok Kei-Dei

⁴ Mŭk tơmam mơdrŏng ưh kơ yua kiơ lăm năr hil blĕk, Mă-lei đei đon tơpăt pơklaih đơ̆ng tơdrong lôch.

Tơdrông Pơđơk 11:4 Referans Kwoze

Tơdrông Pơđơk 10:2

Mŭk tơmam đei đơ̆ng pơm kư̆ kă ưh kơ yua kiơ; Mă-lei đei tơdrong tơpăt gơh klaih đơ̆ng lôch.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Bl 7:1

Kră Yang khan kơ Nôê thoi âu: “Ih păng đĭ-đăng hnam dơnŏ ih mơ̆t bĕ lăm duk, yua kơ lăm lu bơngai chăl dang ei Inh 'bôh ih jơ̆ minh 'nu bơngai tơpăt.

Êsêkiên 7:19

Lu sư hŭt lê̆ hu tơ trong, maih lu sư jing thoi tơmam kơnê̆. Maih, hu ưh kơ gơh pơklaih lu sư kơplah năr Kră Yang hil. Kŭm ưh kơ đei pơm kơ lu sư huay kơ pơngot, kư̆m ưh kơ pơm kơ lu sư phĭ klak, tơmam noh pơm kơ lu sư pơ̆k lăm tơdrong yoch.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

Luka 12:20

Mă-lei 'Bok Kei-Dei khan kơ bơngai ei: ‘Ơ bơngai kơhlôh, măng kơnh boih Inh wă iŏk Bơhngol ih, đơ̆ng noh na ih lôch hloi măng kơnh. Mŭk tơmam ih wă ăn ngôi kơ đe iŏk đĕch.’ ”

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Rom 5:17

Sơ̆ yua kơ minh 'nu bơngai pơm yoch, na kon bơngai lôch ngăl, mă-lei dang ei bơ̆n đei minh 'nu bơngai nai anăn Sư Yêsu Krist, Sư dŏng bơ̆n tơpă. Bu gơnang kơ Sư, 'Bok Kei-Dei mơnat kơ bơngai noh, jô̆ bơngai noh jing bơngai 'lơ̆ng boih, na Yêsu ăn kơ sư noh arih hiôk-hian ling-lang.

Tơdrông Pơđơk 12:28

Tơdrong arih oei 'bih tơdrong tơpăt; Lăm trong gơlong sư ưh kơ đei lôch.

Tơdrông Pơđơk 6:34

Yua kơ gar noh tơdrong mă bơngai drŏ-nglo hil blĕk dêh, Sư ưh pă gơh mơnat boih năr sư pơm tơwih.

Jop 20:28

Hơbŭt đak lơ̆p koch hoch hnam sư đĭ. Đak kơtah lôm ba mŭk tơmam noh lăm năr Kră Yang 'Bok Kei-Dei hil.

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.