Tơdrông Pơđơk 11:12 - Sơ̆p Hlabơar Nơ̆r 'Bok Kei-Dei

¹² Bơngai bu ưh kơ lăng păng pơjăm rông 'bôt, bơngai noh ưh kơ đei đon hlôh. Mă-lei lu bơngai gơh hơgei oei ngăn hreh.

Tơdrông Pơđơk 11:12 Referans Kwoze

I Pet 2:23

Đe pơma kơnê̆ kơ Sư, Sư ưh kơ pơma kơnê̆ kơ đe; đe pơm pơmat Sư, mă-lei Sư ưh kơ pơma tơwih kơ đe. Sư gô mơ̆ng kơ 'Bok Kei-Dei đĕch, yua kơ Sư băt kơ 'Bok Kei-Dei sek tơlang tơpăt.

Tơdrông Pơđơk 10:19

Pơma lơ, tơ yơ mă huay kơ glăi. Bơngai bu kĕ wei hơpiĕt noh bơngai hơgei.

Luka 18:9

Yêsu kư̆m pơma pơtih gia thoi âu dơ̆ng kơ lu bơngai mă ngêh kơdih bơngai 'lơ̆ng mă-lei sư pơjăm đe:

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Tơdrông Pơđơk 14:21

Bơngai bu areh kơ rông 'bôt sư noh bơngai yoch; Mă-lei pŭn hiôk dêh kơ bơngai bu băt mơnat kơ bơngai dơnuh hin.

II Pot 18:36

Mă-lei kon pơlei thĕng đĕch, ưh kơ đei bu tơl minh nơ̆r; yua kơ pơtao khan bơih: “Lu iĕm 'nĕ kơ tơl!”

I Sam 10:27

Mă-lei đei lu bơngai mơ'nah pơjăm sư khan: Sư 'noh khan wă dŏng tơgŭm yă kiơ đei đăi? Lu sư pơjăm lăng Sôl ưh kơ rơ-a, ưh kơ wă chĕp ăn kơ sư tơmam kiơ ôh. Mă-lei Sôl sư ngăn hreh đĕch.

Lu 9:38

Na Sêbul khan kơ sư tơ yơ nơ̆r ih pơma pơang khan: Abimêlek sư bu mă lu bơ̆n athei chu bơ̆jang kơ sư? Noh hăm trŏ kơ lu bơngai mă ih pơjăm? Dang ei năm tơblah hăm lu sư bĕ!

Tơdrông Pơđơk 6:32

Bơngai bu pơm pơyô kư̆ kă bơngai noh hiong đĭ tơdrong tơchĕng. Bơngai bu pơm thoi noh, gô pơrăm sư kơdih.

Tơdrông Pơđơk 11:11

Minh pơlei đei pŭn hiôk 'lơ̆ng đơ̆ng lu bơngai tơpăt, Mă-lei đơ̆ng 'bơ̆r lu bơngai kơnê̆ tơhuŏng lê̆ lu sư.

Tơdrông Pơđơk 11:13

Bơngai bu ngăl juăt pơma 'bơ̆r lơ, pơdah tơdrong hlơp. Mă-lei bơngai bu đei đon tơpăt băt ôn hlơp tôm tơdrong.