Tơdrông Pơđơk 11:10 - Sơ̆p Hlabơar Nơ̆r 'Bok Kei-Dei

¹⁰ Kơplah lu bơngai tơpăt mơdrŏng, đĭ lu pơlei tih đei chơt hiôk. Mă-lei đei bơngai kơnê̆ hiong răm, đe gô jreo chơt hiôk.

Tơdrông Pơđơk 11:10 Referans Kwoze

Tơdrông Pơđơk 28:12

Tơdah bơngai tơpăt jei jơnei, đei hiôk chơt tih; Mă-lei đei bơngai pơm kơnê̆ iung lei đei bơngai kơdâu ôn.

Lu 5:31

Ơ Kră Yang, Ăn đĭ kơ lu ayăt kơ Ih lôch hiong răm thoi noh! Apinh Ih ăn kơ lu bơngai mă 'mêm kơ Ih gơh thoi măt 'năr, Lĕch hơdah hơdong! Đơ̆ng noh, dêh char noh đei hiôk-hian lăm puăn-jĭt sơnăm.

Tơdrông Pơđơk 28:28

Layơ tơdah lu bơngai kơnê̆ iung pơgơ̆r, đe kơdâu ôn đĭ, Mă-lei dah lu sư lôch, lu bơngai tơpăt jing rai lơ.

Jop 27:23

Kial oei bah tơ lu sư thoi đe tap ti che bơle Păng hơhôch pơklai puh lu sư đơ̆ng anih lu sư oei.

Le 15:21

Miriam hơri tơl lu sư: Hơri ư-ang bĕ kơ Kră Yang, yua kơ Sư mơsêh mơyang tih hloh. Sư klơ̆m lê̆ aseh păng bơngai hao aseh lăm đak dơsĭ.

II Pot 11:20

Đĭ-đăng kon pơlei chơt hiôk ngăl, păng pơlei ei gơh hiôk hơđơ̆ng, đơ̆ng rŏng kơ đe pơlôch yă Athalia hăm đao gưm 'bơ̆t anih hnam pơtao.

Tơdrông Pơđơk 11:11

Minh pơlei đei pŭn hiôk 'lơ̆ng đơ̆ng lu bơngai tơpăt, Mă-lei đơ̆ng 'bơ̆r lu bơngai kơnê̆ tơhuŏng lê̆ lu sư.

Tơdrông Pơđơk 29:2

Mưh bơngai tơpăt rai lơ, kon pơlei đei chơt hiôk; Mă-lei dah đei bơngai kơnê̆ pơgơ̆r, kon pơlei đei ôr krao.

II Ho 23:13

Sư 'bôh pơtao dơ̆ng jê̆ jrăng 'bơ̆t trong wă mơ̆t; lu yŏng linh păng lu bơngai hlôm keng dơ̆ng jê̆ pơtao; đĭ-đăng kon pơlei oei lăm char chơt hiôk 'nă hal hlôm keng, kư̆m đei lu bơngai hơri pơtơm pôk pơư reh brŏ, na kơkuh bơnê ư-ang kơ pơtao. Athalia hơloh hek ao sư kơdih na ôr re khan: Blah blơ̆, blơ̆ boih.

II Ho 23:21

Thoi noh đĭ-đăng kon pơlei oei lăm char ei chơt hiôk chhôk 'nă hal păng lăm pơlei tih Jêrusalem hiôk-hian, đang kơ pơlôch lê̆ Athalia hăm đao gưm.

Je 51:48

Kơplah noh plĕnh, teh păng đĭ-đăng tơmam tơ plĕnh lăm teh, gô hơri chơt hiôk kơ Babilôn, yua kơ linh pơlôch pơrăm năm đơ̆ng yă-nơ̆m wă năm blah pơrăm dêh char Babilôn,” Noh Kră Yang khan.