Tơdrông Pơđơk 10:22 - Sơ̆p Hlabơar Nơ̆r 'Bok Kei-Dei

²² Pŭn hiôk đơ̆ng Kră Yang ba ăn mơdrŏng; Sư ưh kơ đei thim tơdrong sơ'ngon ôh.

Tơdrông Pơđơk 10:22 Referans Kwoze

Horiso 107:38

Kră Yang 'Bok Kei-Dei ăn tơdrong pŭn hiôk kơ lu sư, lu kon pơlei rai hrôh. Sư ưh kơ đei ăn kơ kon sem dơrong lu sư hrŏ hiong,

Bl 26:12

Isăk choh jang lăm tơring noh; sơnăm noh sư đei kĕch yuă iŏk lơ hloh kơ adrol hrĕng wơ̆t, yua kơ Kră Yang ăn đei tơdrong pŭn hiôk.

Bl 24:35

Kră Yang đei ăn kơ yŏng tơ'ngla inh pŭn hiôk dêh, jing keh 'lơ̆ng; Kră Yang ăn kơ sư đei triu, Rơmo, hu hăm jên maih, đĭch đam drŏ-nglo drŏ-kăn, aseh lăk-đa hăm aseh iĕ.

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Horiso 37:22

Yua kơ lu bơngai mă Kră Yang ăn pŭn hiôk gô đei iŏk teh jang sa; Gah lu bơngai mă Sư hiap pơtê̆ gô lôch răm đĭ.

Tơdrông Pơđơk 20:21

Mŭk tơmam mă bơ̆n jah đei blŭng-a, ưh kơ đei yua hiôk đunh ôh.

Bl 13:2

Abram mơdrŏng dêh, đei lơ sem dơrong, đei hu, maih.

Tơdrông Pơđơk 28:22

Bơngai bu kret ham, pơnam chă wă kơ mơdrŏng, Gah rŏng ưh kơ băt tơdrong kơ'bah gô truh kơ sư.

Sa 5:4

Kră Yang Tih Hloh khan: “Inh gô wơh sơ̆p hla bơar âu năm, đơ̆ng noh sư gô mơ̆t tơ lăm hnam lu bơngai tơtông păng tơ hnam lu bơngai pơkă hơlĕnh; thoi noh sư oei hloi tơ lăm hnam lu đe noh păng sư gô pơrăm lê̆ hnam noh, mă khan pơm păng 'long dah păng tơmo.”

Bl 14:23

Mă tơmam kiơ gah ih, mă khan lăp minh ioi brai, dah minh dăng tơlei chơkhŏ, inh kư̆m ưh kơ đei iŏk; hli kơ pơtao gơh khan thoi âu: ‘Yua kơ đơ̆ng inh na mă pơm kơ Abram mơdrŏng.’

Jôsuê 6:18

Mă-lei iĕm athei kơchăng kơ tơmam lu iĕm hlôi pơrăm, wă kơ lu iĕm huay kơ lôch răm yua kơ iŏk lu tơmam noh, tơdah kon pơlei ưh kơ chu pơm kiơ̆ lei lu iĕm pơm kơđông linh Isơrael kư̆m lôch răm, pŭ iŏk tơdrong răm.

I Pot 21:19

Ih khan kơ sư: “Kră Yang khan: Hăm trŏ kơ ih pơlôch tơ'ngla sư bơih păng tơgar iŏk mir sư?” Ih kư̆m khan kơ sư: Kră Yang khan: ‘Tơ anih mă kŏ liah bơih pham Nabôt, kŏ kư̆m gô liah pham ih.’ ”

Bl 26:13

Sư jing mơdrŏng, mŭk tơmam 'net kơ năr rai lơ hloh, na jing mơdrŏng tih.

Both 26:10

Ơ Kră Yang! Dang ei inh chĕp pơyơ̆r dôm lu plei blŭng-a đơ̆ng teh mă Ih ăn kơ inh. Lê̆ plei 'long tơ noh 'bơ̆t anăp Kră Yang 'Bok Kei-Dei iĕm păng drap bon kơkuh Sư.

Both 28:11

Kră Yang iĕm gô ăn kơ iĕm đei mŭk tơmam rơkah rơkai, tơ lăm dêh mă Kră Yang hlôi pơkă boih hăm lu 'bok iĕm wă ăn kơ iĕm ăn kơ lu kon sâu iĕm hrôh lơlang lơlap, sem dơrong chek lar păng hơnik nơnăm đơ̆ng teh pơgar iĕm gô đei thim rai lơ.

II Ho 25:9

Amasia jet bơngai Kră Yang 'Bok Kei-Dei: “Bĕ gah minh-hrĕng talâng jên inh apah linh Isơrael noh thoi yơ?” Bơngai Kră Yang 'Bok Kei-Dei tơl: “Kră Yang gơh ăn kơ ih đei lơ hloh kơ noh dơ̆ng.”

Tơdrông Pơđơk 8:21

Ăn mơdrŏng kơ lu bơngai 'mêm kơ Inh, Tuh tơ'bĕnh ăn kơ pơk mong tơmam sư.

Tơdrông Pơđơk 14:24

Môk pơtao kơ lu bơngai hơgei noh tơdrong mơdrŏng. Mă-lei tơdrong kơhlôh lu bơngai kơwao oei kơtul.

Da 1:15

Tôm mơjĭt năr boih, lăng muh măt lu sư oei bek 'lơ̆ng hloh kơ lu hơ'lơ̆p nai mă đei sŏng sa tơmam sa 'lơ̆ng đơ̆ng pơtao.

I Ho 4:10

Jabes krao apinh Kră Yang 'Bok Kei-Dei Isơrael khan: “Ơ Kră Yang apinh Ih tuh ăn kơ inh pŭn hiôk pơih ăn hơdral teh đak inh mă să! Apinh ti mơsêh Ih oei hơdai inh, wei-lăng inh klaih đơ̆ng tơdrong răm pơmat-tat” Kră Yang 'Bok Kei-Dei ăn hloi thoi tơdrong sư krao apinh.

II Ho 32:27

Hesekia mơdrŏng mơng păng đei đe pơyom tơpă, sư đei man hnam mong hu, maih, tơmo gĭt, tơmam 'bâu phu, đei khêl păng lu đao hơlă tơmam tơblah 'lơ̆ng 'lơ̆ng.

II Ho 32:29

Sư kư̆m pơm lu pơlei tih kư̆m đei lơ lu rơmo, triu, bơbe, yua kơ Kră Yang 'Bok Kei-Dei ăn kơ sư lơ mŭk tơmam.

Horiso 127:2

Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep.