Tơdrông Pơđơk 1:5 - Sơ̆p Hlabơar Nơ̆r 'Bok Kei-Dei

⁵ Bơngai gơh hơgei gô mơ̆ng păng rai hŏk pơhrăm, Bơngai hlôh wao gô đei iŏk tơdrong bơtho tơ'bôh.

Tơdrông Pơđơk 1:5 Referans Kwoze

Tơdrông Pơđơk 12:1

Bơngai bu 'maih chă đe teh bơtho noh thoi wă 'maih đei đon gơh hơgei. Bơngai bu areh kơ đe teh bơtho bơngai noh kơtul kơwao.

Tơdrông Pơđơk 9:9

Bơtho pơhrăm bĕ bơngai gơh hơgei, na sư gô gơh hơgei hloh. Pơhrăm bơngai tơpăt, na sư rai tơpăt hloh. Bơtho bơngai tơpăt, na sư gô rai thim hơgei.

I Kor 10:15

Inh băt kơ iĕm bơngai hlôh wao, na dang ei iĕm gô mơ̆ng păng tơchĕng tơdrong inh pơma:

Jop 34:16

Tơdah ih đei tơdrong hlôh hơdah, apinh ih mơ̆ng tơdrong 'nâu. Pơgling đon mơ̆ng bĕ nơ̆r inh pơma.

Jop 34:10

Mơ̆ng bĕ inh lu iĕm bơngai hlôh wao. Kră Yang 'Bok Kei-Dei ưh kơ đei layơ pơm kơnê̆, Kră Yang Tih Hloh ưh đei layơ đŏng đĕo.

Jop 34:34

Lu bơngai hlôh wao gô khan kơ inh. Păng lu bơngai gơh hơgei oei mơ̆ng inh, kư̆m gô khan:

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

Tơdrông Pơđơk 14:6

Lu bơngai blei hiap chă tơdrong gơh hơgei ưh kơ đei. Mă-lei lu bơngai hơgei chă 'bônh đĕch tơdrong hlôh wao.

Bôk Bơthô 9:11

Inh 'bôh dơ̆ng đei tơ lăm ala teh 'nâu. Bơngai kơdâu hrĕnh kư̆m ưh kơ jei sư ling-lang lăm năr kơdâu pơjei, bơngai pran kư̆m ưh kơ kĕ tơblah jei ngăl, bơngai hơgei kư̆m ưh kơ đei tơmam sa phĭ mah ngăl, bơngai hlôh wao kư̆m ưh kơ mơdrŏng ngăl, bơngai đei 'bơ̆r đon kư̆m ưh kơ đei pŭn hiôk, yua kơ jơ lăp gô truh kơ đĭ-đăng rim bơngai lei-lăi.

Both 4:6

Lu iĕm athei wei răk pơm kiơ̆ bĕ dôm lu nơ̆r tơtă păng khôi juăt âu; yua kơ noh jơ̆ tơdrong hơgei păng tơdrong hlôh wao lu iĕm 'bơ̆t anăp lu adrĕch adrung đe nai. Lu sư kơtơ̆ng gah khôi juăt âu, na lu sư khan: Lu kon pơlei âu jơ̆ minh adrĕch hơgei păng hlôh wao!

Jop 34:2

“Lu iĕm khan iĕm bơngai gơh hơgei, mơ̆ng bĕ nơ̆r inh. Lu iĕm tơchĕng khan iĕm bơngai hlôh wao, pơgling đon mơ̆ng bĕ nơ̆r inh pơma.

Tơdrông Pơđơk 8:33

Mơ̆ng bĕ nơ̆r bơtho khan. Athei mă hơgei, 'nĕ kơ sơngah ôh.

Tơdrông Pơđơk 9:8

'Nĕ chrih bơtho bơngai juăt kơ blei hiap đe, kơnh sư hil kơ ih. Chrih bĕ kơ bơngai gơh hơgei, na sư gô 'mêm kơ ih.

Tơdrông Pơđơk 18:15

Jơhngơ̆m bơngai hơgei đei iŏk đon hlôh wao; Đon bơngai hơgei oei chă tơdrong băt hlôh.

Tơdrông Pơđơk 19:25

Teh bĕ bơngai pơm kơnê̆, lê̆ kơ bơngai kơwao hŏk iŏk băt hlôh. Bơtho hơmet bĕ bơngai băt hlôh, sư 'bôh thim tơdrong gơh hơgei.

Tơdrông Pơđơk 21:11

Kơplah đe phak lu bơngai blei hiap. Bơngai kơtul gô hơgei, Kơplah bơtho lu bơngai hơgei, sư đei iŏk đon hlôh wao.