Sa 11:17 - Sơ̆p Hlabơar Nơ̆r 'Bok Kei-Dei

¹⁷ Răm-'băm tơpă kơ lu bơngai wei triu ưh kơ brĕ, achăng lê̆ triu lu sư! Iŏk đao 'bet kơkŏng ti sư păng koh măt gah 'ma sư; kơkŏng sư jing jo păng măt sư jing tol.”

Sa 11:17 Referans Kwoze

Je 23:1

Kră Yang khan: “Răm-'băm tơpă kơ lu bơngai wei triu, pơrăm păng pơm kơ triu Inh tơklah tơklang đơ̆ng tơmăn 'nhĕt Inh.”

Êsêkiên 13:3

Kră Yang Tih Hloh khan: Răm-'băm kơ lu bơngai khan lê̆ adrol kơwao kiơ̆ kơ jơhngơ̆m kơdih, ưh kơ đei 'bôh yă kiơ?

I Kor 8:4

Thoi noh na gah tơdrong sa tơmam đe sơmah kơ yang bơ̆n băt mơ̆n rup yang ưh kơ sĭ yang tơpă ôh. Mă tơpă bơ̆n băt kơ minh 'nu đĕch Kră Yang Tih Hloh.

Êsêkiên 34:2

Ơ kon bơngai, khan lê̆ adrol wă blah plơ̆ lu bơngai wei triu, lu bơngai wei rong Isơrael; khan lê̆ adrol pơma kơ lu sư, athei khan lê̆ kơ bơngai wei triu: Kră Yang khan thoi âu: Răm-'băm tơpă, ơ lu bơngai wei rong Isơrael, lăp hiơ̆k kơ wei rong kơdih akâu đĕch, hăm trŏ kơ lu bơngai wei triu noh wei rong khŭl triu dah kiơ?

Mathiơ 23:16

“Ơ lu iĕm, khan bơngai 'bôh hơdah wă tơ'bôh kơ đe trong, mă-lei iĕm dang bơngai măt tol. Ning-mônh iĕm pơmat-tat dêh, yua kơ iĕm khan dah bu wă mơng tơmam kiơ kiơ wă kơ băt sư gô 'mong, athei bơngai noh tơhlâu hnam akŭm 'Bok Kei-Dei tơm. Mă-lei dah sư pơm thoi noh tơpă, iĕm khan tŭk tơdrong 'mong dơ̆ng kư̆m bưh. Dah sư tơhlâu maih hnam akŭm 'Bok Kei-Dei noh iĕm khan trŏ kơ 'mong.

Je 23:32

Tơpă Inh gô blah lu bơngai khan lê̆ adrol yua nơ̆r hơlĕnh roi tơdrong apo pơm ăn kơ kon pơlei pơla Inh jrok kiơ̆ nơ̆r hơlĕnh kư̆ kă. Inh ưh kơ đei wơh păng ưh kơ đei athei lu sư ôh. Tơpă lu sư ưh kơ đei tơgŭm kiơ kơ kon pơlei pơla âu.” Noh Kră Yang khan.

Rom 11:7

Lu bơngai Isơrael chă tơdrong pơm 'lơ̆ng hăm 'Bok Kei-Dei ră, mă-lei ưh kơ gơh, pôm lu bơngai Isơrael mă 'Bok Kei-Dei rơih iŏk đĕch gơh. Gah lu bơngai mă 'Bok Kei-Dei ưh kơ rơih iŏk, lu sư rai đunh rai arăng kơ̆l dêh.

Yo 12:40

“Inh Kră Yang ăn măt lu sư jing tol, păng ăn kơ lu sư arăng kơ̆l, wă kơ măt lu sư ưh kơ gơh 'bôh, păng đon lu sư ưh kơ hlôh. Kơlih kơ thoi noh na lu sư ưh kơ wă wih tơ Inh, wă kơ Inh pơklaih tơdrong yoch lu sư.”

Yo 9:39

Yêsu khan: “Inh jur tơ ala teh âu wă sek tơlang kon bơngai wă kơ dôm lu bơngai ưh kơ hlôh tơdrong 'Bok Kei-Dei, lu sư dang măt tol, gô hlôh; păng dôm lu bơngai khan sư hlôh mă-lei ưh kơ lui kơ Inh, na ăn lu sư jing ưh kơ hlôh dơ̆ng. Lu bơngai ei boih dang măt tol tơpă.”

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Je 22:1

Kră Yang khan thoi âu: “Jur năm bĕ tơ hnam pơtao Juđa, roi kơ sư tơdrong âu:

Êsai 44:10

Bu traih, man rup yang dah hling rup yang tơmam noh ưh kơ đei yua kiơ kơ sư ôh.

Êsai 29:10

Kră Yang đei pơm bơih kơ lu iĕm tep blêk, chĭt lê̆ măt lu iĕm, jơ̆ lu bơngai khan lê̆ adrol, Kră Yang gom kơ̆l lu iĕm bơngai mă đei tơdrong tơ'bôh.

Êsai 9:15

Lu bơngai pơgơ̆r pơm kơ kon pơlei âu năm jrok trong bơih păng lu bơngai sư chông puh kơ sư hơlĕnh.

I Pot 13:4

Kơplah pơtao Jêrôbôam kơtơ̆ng bơngai đơ̆ng Kră Yang 'Bok Kei-Dei pơma ôr blah hăm chơnang soi tơ pơlei Bethel, na pơtao Jêrôbôam chro đơ̆ng chơnang soi yơ̆r ti păng khan: “Rôp sư bĕ!” Ti đêl sư chro tơhlâu tơ bơngai mă Kră Yang 'Bok Kei-Dei yua 'noh Kră Yang pơm kơ ti sư arăng kro hloi, ưh pă gơh kơchôt dơ̆ng.

I Sam 2:31

'Nâu, đơ̆ng âu tơ anăp Inh gô pơtôch lê̆ lu bơngai oei đơ̆ng pran kơtang đơ̆ng adrĕch ih, hăm lu bơngai đơ̆ng adrĕch 'bok ih. Thoi ei wă ưh kơ đei bu arih dĭng kră lăm adrĕch ih.

Sa 10:2

Yua kơ lu rup man chă pơma pơhlŭ lu pơjâu 'bôh hơlĕnh đĕch; lu sư roi tơdrong lu sư hơpo hơlĕnh, sư pơlung ngôi đĕch ưh kơ đei yua kiơ. Thoi noh na kon pơlei tơklah tơklang thoi triu, đe pơmat lu sư yua kơ ưh pă đei bơngai wei.

Sa 11:15

Kră Yang khan kơ inh thoi âu: “Iŏk bĕ kơ ih kơdih dôm lu tơmam đơ̆ng lu bơngai wei triu ưh kơ brĕ.