Sa 11:12 - Sơ̆p Hlabơar Nơ̆r 'Bok Kei-Dei

¹² Inh khan kơ lu sư thoi âu: “Tơdah iĕm tơchĕng khan trŏ ăn jên apah Inh, dah ưh lei lê̆.” Lu sư kŏng tơmam apah Inh, noh pêng-jĭt tơpei jên hu.

Sa 11:12 Referans Kwoze

Mathiơ 26:15

Sư khan: “Dah inh đei rôp ăn kơ iĕm Yêsu, iĕm apah inh dôm yơ?” Na đe noh jô̆ ăn kơ sư jên, pêng-jĭt hlak jên hu so sơ̆.

Le 21:32

tơdah rơmo tơ̆m 'bơm đĭch đam drŏ-nglo dah drŏ-kăn, tơ'ngla rơmo athei duh pêng-jĭt hlak sêikơla jên hu ăn kơ tơ'ngla sư; na rơmo 'noh gô klơ̆m pơlôch păng tơmo.

Bl 37:28

Thoi noh, kơplah lu bơngai Madian khŭl mơdro yak rok ei; lu 'nhŏng sư hơtŏk Jôsep đơ̆ng lăm sơlŭng đak, đơ̆ng noh tĕch lê̆ sư 'bar hlak jên hu kơ lu bơngai Ismael chông ba tơ char Êyiptơ.

Yo 13:2

Yêsu hăm lu bơngai pơhrăm păng Sư sŏng sa hơdai. Yang Satan pơhlŭ Juđa Ikariôt, kon Simôn, na Juđa wă plơ̆ plĕch kơ Yêsu boih.

I Pot 21:2

Ahap khan kơ Nabôt. “Apinh ih ăn kơ inh pơgar hơmu ih 'noh, inh wă pơm pơgar pơtăm hla 'nhot, yua kơ jê̆ hnam inh. Ba tơplih hăm pơgar hơmu inh 'lơ̆ng hloh kơ pơgar hơmu ih 'nâu, dah ih wă tĕch dôm yơ, inh gô ăn kơ ih jên.”

II Ho 30:4

Pơtao păng đĭ-đăng lu kon pơlei lăng tơdă akŭm noh trŏ boih.

Mathiơ 27:9

Tơdrong noh 'blep trŏ thoi Jêrêmi khan lê̆ hơdrol sơ̆ thoi âu: “Đe iŏk pêng-jĭt hlak jên đêl lu bơngai Isơrael khan wă răt minh 'nu bơngai.

Mathiơ 27:10

Na đe iŏk jên noh năm răt mir bơngai man ge, kiơ̆ thoi Kră Yang 'Bok Kei-Dei athei pơm thoi noh.”

Bl 23:16

Abraham mơ̆ng chu nơ̆r Êphrôn, 'bơ̆t anăp kon pơlei Hêtit, kŏng puăn-hrĕng hlak jên hu ăn kơ sư, jên hu mă lu bơngai lăm chăl ei juăt kơ mơdro sa.b

I Pot 5:6

Thoi noh na ih athei lu đĭch đam ih kăl tơgŭm inh 'long hơngo đơ̆ng char Liban, na inh kư̆m gô athei lu đĭch đam inh hai dai wang jang tơgŭm đĭch đam ih, inh gô apah lu đĭch đam ih gô mơ̆ng kơ đơ̆ng ih hơgăt, yua kơ ih kư̆m băt mơ̆n lu nhôn ưh kơ juăt kơ kăl 'long thoi lu kon pơlei Siđôn ôh.”

Je 32:9

Na inh răt mir na tơ Anathôt đơ̆ng Hanamel, kon drŏ-nglo ma inh păng inh kŏng ăn kơ sư mơjĭt-tơpơh sêikơl jên hu.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Lêwi 27:4

Tơdah minh 'nu bơngai drŏ-kăn athei jô̆ tơdrong gĭt sư pêng-jĭt seikơl jên hu.