Ru 4:10 - Sơ̆p Hlabơar Nơ̆r 'Bok Kei-Dei

¹⁰ Păng Rut adruh bơngai Môap inh iŏk pơm akăn wă pơtrơp anăn bơngai lôch păng mŭk tơmam, wă kơ anăn bơngai lôch huay kơ hiong ôh đơ̆ng lu 'nhŏng oh sư păng đơ̆ng kon pơlei pơla sư; năr âu lu iĕm pơsĭt kơ tơdrong âu.

Ru 4:10 Referans Kwoze

Both 25:6

Kon kơdră drŏ-nglo mă đei tơpŭ noh athei krao anăn bơngai lôch noh, wă kơ anăn bơngai lôch noh huay kơ hiong đơ̆ng adrĕch Isơrael.

Êphêsô 5:25

Lu bơngai pơm klo kư̆m lei-lăi athei băt 'mêm kơ akăn sư kơdih thoi Yêsu 'mêm kơ bơ̆n bơngai lui kơ Sư năm ăn akâu Sư kơdih lôch tang bơ̆n,

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

Malachi 2:14

Lu iĕm đei khan: “Yua kơ kiơ?” Yua kơ Kră Yang băt kơ măr iĕm ih hăm akăn ih mă iŏk oei đơ̆ng 'lơ̆p sơ̆, bơngai mă oei hơdai ih păng jing akăn ih đei pơgơ̆p hăm ih boih. Mă-lei ih kư̆m oei sa hơbĕch pơdăr hăm sư 'mơ̆i.

Sa 13:2

Kră Yang Tih Hloh khan thoi âu: “Lăm năr noh kư̆m đei tơdrong truh, Inh gô tơhiong lê̆ đĭ dôm lu anăn rup yang đơ̆ng lăm teh đak, wă kơ lu sư ưh pă đei bu 'blŏk dơ̆ng; Inh kư̆m gô pơm kơ lu 'bok khan lê̆ adrol păng yang kơnê̆ 'mê̆-'mach weh lĕch đơ̆ng teh đak âu.

Hôsia 12:12

Jakôp kơdâu tơ char Aram, tơ noh Isơrael jang gleh wă kơ đei akăn, yua kơ wă kơ đei akăn, na sư wei triu.

Hôsia 3:2

Thoi noh Inh đei răt boih bơngai drŏ-kăn noh hăm mơjĭt-pơđăm sêkơla hu păng 'ba tơ'bâu minh hômerb minh puăt.

Êsai 48:19

Kon sâu iĕm thoi pơlao chuơh adrĕch adrung iĕm thoi găr chuơh, anăn lu sư ưh kơ đei sut ưh kơ lôch hiong đơ̆ng anăp Inh.

Tơdrông Pơđơk 19:14

Mŭk tơmam hnam oei noh đei đơ̆ng kră pơsư̆ ăn. Akăn gơh hơgei đei đơ̆ng Kră Yang asong.

Tơdrông Pơđơk 18:22

Bơngai bu chă đei akăn chă đei boih pŭn hiôk; Păng đei mơnat tih đơ̆ng Kră Yang.

Horiso 109:15

Ăn kơ dôm tơdrong kơnê̆ noh oei đei ling-lang 'bơ̆t anăp Kră Yang; Na Sư sut lê̆ tơdrong 'blŏk kơ lu sư đơ̆ng lăm teh âu.

Horiso 34:16

Muh măt Kră Yang hil kơ lu bơngai kơnê̆. Wă tơhiong lê̆ dôm tơdrong đe 'blŏk kơ lu sư tơ lăm teh đak.

Jôsuê 7:9

Tơdah kon pơlei Kanaan păng đĭ-đăng kon pơlei oei lăm char âu, gô kơtơ̆ng tơdrong âu, lu sư gô wang nhôn păng sŭt lê̆ anăn lu nhôn đơ̆ng teh âu, lei Ih wă pơm thoi yơ, yua kơ Anăn Ih Tih hloh.

Bl 29:27

Oei hơdai bĕ hăm mŏ lăm minh 'măng giĕng, đơ̆ng noh inh gô ăn hloi oh dai; gah oh noh kon athei jang tơgŭm mih pă tơpơh sơnăm dơ̆ng 'mơ̆i.

Ru 4:9

Đơ̆ng noh 'Bôô khan kơ lu kră păng đĭ-đăng kon pơlei thoi âu: Năr âu 'bơ̆t tơm măt lu iĕm inh răt iŏk boih đơ̆ng Naômi dôm mŭk tơmam Êlimêlek păng đĭ-đăng tơmam đơ̆ng Kiliôn păng Mahlơn.

Bl 38:9

Mă-lei Ônan băt tơdah đei kon kư̆m ưh kơ jô̆ kon sư na sư lê̆ đak lĕch tơ 'nguaih wă kơ Tamar ưh kơ đei kon hăm sư.