Ru 2:7 - Sơ̆p Hlabơar Nơ̆r 'Bok Kei-Dei

⁷ Sư khan kơ nhôn thoi âu: Inh apinh iĕm ăn kơ inh chă mok 'ba đơ̆ng rŏng kơ iĕm yuă dônh dăi lu hơie 'ba sơlam hơchô̆ lu iĕm dan. Sư năm truh tơ âu đơ̆ng hrôih hei chă mok truh tơ dang ei, sư pơdơh ngôi tơ pơk lăp tŏ sĕt.

Ru 2:7 Referans Kwoze

Tơdrông Pơđơk 22:29

Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

Tơdrông Pơđơk 18:23

Bơngai dơnuh apinh tơdrong mơnat; Lu bơngai mơdrŏng hơrăk tơnat tơl tơwih.

Tơdrông Pơđơk 15:33

Tơdrong băt hli yom kơ Kră Yang chrih bơtho bơngai noh gô jing hơgei; Đei iŏk đon ala ba adrol tơdrong đe pơyom.

Tơdrông Pơđơk 13:4

Bơhngol bơngai alah hơpơi wă tă kơ hoh-hoy; Bơhngol bơngai pơnam tơmam mah rơkah rơkai.

Êphêsô 5:21

Bơ̆n athei chu băl yua kơ bơ̆n bơngai lui kơ Yêsu Krist.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Galati 6:9

Mă-lei bơ̆n athei chu kơ Sư khŏm khŏm wă kơ bơ̆n gơh pơm đon 'lơ̆ng. Thoi noh dah bơ̆n huay kơ achăng lê̆ Sư na mưh trŏ kơ năr 'Bok Kei-Dei pơkă ning-mônh Sư gô ăn kơ bơ̆n tơdrong apah na bơ̆n oei hơdai hăm Sư ling-lang. Kư̆m thoi bơ̆n pơtăm găr, dah bơ̆n ưh kơ hŭt lê̆ tơdrong jang bơ̆n, lei trŏ bơyan plei, bơ̆n đei phĕ iŏk tơpă.

Rom 12:11

Bơ̆n adrin jang tơdrong Kră Yang tôch bơneh kơ bơ̆n jang.

Mathiơ 5:3

“Pŭn dêh lu bơngai mă băt kăl kơdih kơ 'Bok Kei-Dei tơgŭm sư lui kơjăp, 'Bok Kei-Dei gô pơgơ̆r lu sư.

Ru 2:2

Rut bơngai drŏ-kăn Môap khan kơ Naômi thoi âu: Apinh ih ăn kơ inh năm tơ mir wă kơ inh chă mok 'ba kiơ̆ đơ̆ng rŏng bu mă đei jơhngơ̆m mơnat kơ inh, na inh chă mok măi 'ba. Naômi drơ̆ng sư: Ơ mŏ, năm bĕ.

Ru 2:6

Bơngai mă yuă 'ba tơl sư khan: Bơngai adruh noh sư bơngai Môap, mă wih kiơ̆ Naômi tơ âu.

Ru 2:8

'Bôô khan kơ Rut thoi âu, ơ mŏ adruh, mơ̆ng bĕ, ih 'nĕ kơ chă mok tơ mir đe nai hŏ! Păng kư̆m 'nĕ kơ weh đơ̆ng mir âu. Năm oei hơdai hăm lu adruh jang kơ inh.

Ru 2:21

Rut bơngai drŏ-kăn Môap khan: 'Bok noh sư khan kơ inh, oei hơdai hloi hăm lu đam drŏ-kăn inh dĭng đĭ bơyan yuă 'ba inh!