Rom 9:24 - Sơ̆p Hlabơar Nơ̆r 'Bok Kei-Dei

²⁴ Lu bơngai noh wă khan lu bơ̆n âu boih Sư rơih iŏk. Ưh kơ sĭ Sư rơih iŏk pôm lu bơngai Isơrael đĕch ôh, Sư rơih iŏk lu bơngai nai hai.

Rom 9:24 Referans Kwoze

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

Tơdrông Tơ'bôh 19:9

Na linh jang khan kơ inh thoi âu: “Ih chih răk tơdrong âu hŏ: Lu bơngai mă 'Bok Kei-Dei krao sŏng sa hơpong kơ Kon Triu iŏk akăn, lu sư hiôk dêh.” Na sư khan dơ̆ng kơ inh thoi âu: “Tơdrong mă inh 'nao khan kơ ih âu hei, ưh kơ trŏ tơdrong inh kơdih ôh, tơdrong 'Bok Kei-Dei tơpă.”

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

Hêbrơ 3:1

Ơ lu 'nhŏng oh, iĕm jing bơngai 'lơ̆ng tơpăt boih păng iĕm đei anăn 'Bok Kei-Dei wă krao tơmơ̆t tơ Pơlei 'Lơ̆ng Sư ning-mônh. Na inh wă kơ iĕm tơchĕng 'biơ̆ gah tơdrong Yêsu mă tơpă, yua kơ 'Bok Kei-Dei pôk Sư pơm jơ̆ng 'bang wă tơbăt ăn kơ bơ̆n tơdrong 'Bok Kei-Dei. Păng 'Bok Kei-Dei kư̆m pôk Sư pơm 'bok soi tơm jang tơdrong 'Bok Kei-Dei gah tơdrong lui bơ̆n.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

I Kor 1:9

'Bok Kei-Dei ling-lang pơm trŏ thoi Sư pơkă, na Sư gô tơgŭm iĕm tơpă păng Sư boih rơih iŏk iĕm pơgơ̆p hăm Kon Sư Yêsu Krist Kră Yang bơ̆n.

Rom 10:12

Kră Yang Yêsu Krist Sư lăng rim khŭl bơngai lei-lăi đĕch, ưh kơ phara ôh. Sư lăng bơngai Isơrael kư̆m dang bơngai nai. Sư wei-lăng tơgŭm tơpă rim khŭl bơngai mă băt kơ krao khan apinh Sư.

Jang 15:14

Pêtrôs roi tơdrong 'Bok Kei-Dei mơnat kơ lu bơngai tơmoi hơdrol sơ̆ wă rơih lu bơngai tơmoi na lu bơngai tơmoi lu mơ'nah lui kiơ̆ kơ 'Bok Kei-Dei tơpă.

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Êsai 65:1

Lu bơngai mă ưh kơlah krao apinh Inh, na Inh pơdah akâu kơ lu sư bơih. Lu bơngai mă ưh kơlah chơchă Inh na tơ'bơ̆p Inh bơih. Inh khan hăm minh adrĕch adrung kon pơlei nai ưh kơ đei krao chă anăn Inh: “Inh tơ âu, Inh tơ âu!”