Rom 9:17 - Sơ̆p Hlabơar Nơ̆r 'Bok Kei-Dei

¹⁷ Tơdrong noh thoi lăm sơ̆p hla bơar 'Bok Kei-Dei pơma kơ 'bok Pharôn pơtao đe Êyiptơ sơ̆ thoi âu: “Inh ăn kơ ih pơm pơtao arăng kơ̆l tôm tơdrong ưh kơ chu kơ Inh. Na mơsêh mơyang Inh blah ih, wă kơ kon bơngai ư-ang Inh jơ̆p kơ teh đak.”

Rom 9:17 Referans Kwoze

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Tơdrông Pơđơk 16:4

Kră Yang pơjing boih dôm tơmam kiơ̆ kơ Sư wă yua. Mă lu bơngai kơnê̆ Kră Yang 'măn lê̆ boih kơ năr wă pơmat.

Yo 17:26

Inh tơhlôh kơ lu sư dôm tơdrong Ih. Păng Inh oei tơhlôh kơ lu sư wă kơ lu sư băt tơpă Ih 'mêm kơ lu sư, kư̆m thoi Ih 'mêm kơ Inh; păng Inh gô oei lăm lu sư mơ̆n.”

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Esther 4:14

Yua kơ tơdah ih ngăn lăm jơ 'nâu gô đei trong nai dơ̆ng pơklaih adrĕch Juđa, mă-lei ih păng hnam dơnŏ 'bă ih kư̆m gô lôch răm. Bu băt lê̆ ih gơh pơm yă pơtao kư̆m yua kơ tơdrong lâu?

Jôsuê 9:9

Lu sư tơl, lu đĭch đam ih âu đơ̆ng dêh ataih kơtơ̆ng ang kơ anăn Kră Yang 'Bok Kei-Dei ih, yua kơ lu nhôn đei kơtơ̆ng boih đe roi gah Kră Yang păng tôm tơdrong Kră Yang hlôi pơm boih lăm char Êyiptơ.

Galati 3:22

Sơ̆p hla bơar 'Bok Kei-Dei jô̆ đĭ-đăng kon bơngai bơ̆n pơm yoch, ưh kơ chu kiơ̆ tơdrong juăt Sư, trŏ kơ Sư wă phak tơpă ning-mônh. 'Bok Kei-Dei pơma jô̆ bơ̆n thoi noh, Sư kuă ăn bơ̆n tơchĕng kiơ̆ tơdrong akâu bơ̆n kơdih. Sư wă kơ bơ̆n tơchĕng gơnang kơ Kon Sư đĕch. Dôm lu bơngai lui kơ Kon Sư Yêsu Krist, 'Bok Kei-Dei wă ăn kơ lu sư arih ling-lang hăm Sư, kư̆m thoi Sư pơkă kơ Abraham sơ̆.

I Sam 4:8

Răm boih kơ lu bơ̆n! Bu gô pơklaih bơ̆n đơ̆ng ti lu yang mă mơsêh kơtang dang noh? Noh bơih lu yang mă pơrăm kon pơlei Êyiptơ tơm tơdrong truh tơ lăm char glă.

Galati 4:30

Sơ̆p hla bơar 'Bok Kei-Dei khan kơ Abraham thoi âu: “Ih athei achăng akăn hle mă ih iŏk kơdih đĭch noh păng kon biĕm pơjing noh yua kơ kon biĕm pơjing noh ưh kơ gơh ôh iŏk mŭk tơmam ih hơdai kon akăn rơngei ih.”

Galati 3:8

'Bok Kei-Dei băt hơdrol đơ̆ng sơ̆ boih gah tơdrong lu bơngai mă lui kơ Sư, mă bơngai Juđê, mă bơngai khŭl nai, Sư jô̆ 'lơ̆ng tơpăt ngăl. Kơlih kơ thoi noh na Sư roi tơdrong 'nao 'lơ̆ng noh hơdrol kơ Abraham sơ̆ thoi âu: “Ơ Abraham, yua kơ ih, na Inh wă tơgŭm tôm kơ khŭl bơngai oei tơ ala teh.”

Rom 11:4

Na 'Bok Kei-Dei pơma tơwih kơ sư thoi âu: “Ưh kơ trŏ kơdrô̆ ih ôh, Inh kư̆m rơih iŏk tơpơh-rơbâu 'nu bơngai lui kơ Inh mă ưh kơ chu lui kơ yang Baal.”

Da 4:22

Ơ pơtao, noh jơ̆ ih boih, ih pran kơtang tơdrong ih pơgơ̆r rai kơjung truh tơ plĕnh, tơdrong kĕ ih gom tơ jơ̆p lăm teh đak.

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Êsai 19:12

Lu bơngai hơgei iĕm tơ yơ? Athei lu sư roi kơ ih băt Kră Yang Tih Hloh hơmet lê̆ bơih wă pơm kiơ kơ dêh Êyiptơ.