Rom 7:9 - Sơ̆p Hlabơar Nơ̆r 'Bok Kei-Dei

⁹ Sơ̆ kơplah inh tam mă băt kơ tơdrong yoch, inh oei hiôk; lăp đơ̆ng năr inh băt kơ tơdrong pơm yoch, jơhngơ̆m inh ưh pă hiôk boih, inh băt kơ inh trŏ kơ 'Bok Kei-Dei wă phak pơlôch.

Rom 7:9 Referans Kwoze

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

Rom 8:7

Bơngai mă gơnang kơ akâu sư kơdih, sư ayăt kơ 'Bok Kei-Dei, sư ưh kơ 'maih kiơ̆ tơdrong juăt 'Bok Kei-Dei pơkă; mă tơ̆ng sư 'maih, sư kư̆m ưh kơ kĕ kiơ̆ ôh.

Galati 2:19

Sơ̆ inh kư̆m kiơ̆ mơ̆n tơdrong juăt Môis, mă-lei inh tơchĕng akâu inh kơdih đĕch kiơ̆, mă tơpă lăm to inh ưh kơ 'lơ̆ng hăm 'Bok Kei-Dei ôh. Thoi noh na inh ưh pă gơnang kơ akâu inh kơdih wă kiơ̆ tơdrong juăt Môis, akâu inh dang lĕ kơ lôch, wă kơ inh iung arih gơnang kơ 'Bok Kei-Dei đĕch.

Rom 10:5

Môis chih sơ̆ khan, bu wă kơ 'lơ̆ng hăm 'Bok Kei-Dei, sư athei kiơ̆ tơdrong juăt 'Bok Kei-Dei pơkă mă truh um nhen tơnen tơpă na sư 'lơ̆ng hăm 'Bok Kei-Dei gơh arih ling-lang.

Rom 7:11

Inh ngêh kơ tơdrong juăt 'Bok Kei-Dei pơkă noh sơ̆ wă ăn kơ inh arih hiôk, na 'nâu khan rai tơbăt kơ inh bơngai yoch trŏ kơ wă lôch răm. 'Noh yua kơ tơdrong kơnê̆ oei lăm jơhngơ̆m inh pơm kơ inh yoch.

Rom 7:6

Mă-lei dang ei bơ̆n dang lôch kiơ̆ Yêsu Krist na bơ̆n ưh pă kăl gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆. Yua kơ thoi noh na bơ̆n athei lui yom kơ 'Bok Kei-Dei, ưh pă gơnang akâu kơdih wă kiơ̆ tơdrong so mă Môis chih pơkă sơ̆, bơ̆n kiơ̆ kơ tơdrong arih 'nao đơ̆ng Yang Bơhngol 'Lơ̆ng ăn.

Rom 7:4

Ơ 'nhŏng oh, tơdrong noh wă pơtih gia kơ bơ̆n dang bơ̆n lôch kiơ̆ Yêsu tơ 'long pơglang sơ̆ boih, na bơ̆n huay pă wă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă dơ̆ng ôh. Yua kơ dang bơ̆n iŏk bơngai nai boih, wă khan bơ̆n iŏk Yêsu Krist mă 'Bok Kei-Dei tơiung arih đơ̆ng lôch. Dang ei bơ̆n jang tơdrong Sư dang bơ̆n pơyua 'Bok Kei-Dei boih.

Luka 18:21

Na 'bok kră tơring noh khan: “Dôm tơdrong noh inh huay ră mă đơ̆ng inh oei iĕ sơ̆ khơ̆ dang ei.”

Luka 15:29

mă-lei sư khan kơ 'bă sư: ‘Inh oei hơdai ih đunh boih, inh jang kơ ih păng ưh kơ pơjăng dôm nơ̆r ih athei inh ră. Mă-lei ih 'nhŏ mă đei ăn kơ inh minh pôm kon bơbe wă 'bet sa hơdai hăm lu buăl inh.

Mathiơ 19:20

Na bơngai tơdăm ei khan: “Dôm tơdrong 'noh inh pơm kiơ̆ boih. Hăm đei tơdrong nai dơ̆ng mă inh ưh tam băt?”

Horiso 40:12

Yua kơ đei tơdrong kơnê̆ lơ pă kĕ jô̆ wang tăp kơ inh. Tơdrong kơnê̆ inh druh tam inh boih, Dĭng inh pă gơh 'bôh. Sư lơ tơpă hloh kơ găr sŏk tơ kơpal kơ̆l inh. Jơhngơ̆m inh rơdu.c

Rom 7:8

Lăp inh băt, inh 'nhĕng rai dêh, đơ̆ng 'bơ̆t noh boih inh băt kơ inh kơdih pơm yoch. Dah bơ̆n ưh kơ băt kơ tơdrong juăt khă bơ̆n pơm yoch, lei bơ̆n dă 'biơ̆ kơ pơm yoch.

Rom 7:10

Mă-lei 'Bok Kei-Dei pơkă kơ bơ̆n tơdrong juăt noh sơ̆ wă kơ bơ̆n oei arih hiôk ră, mă-lei tơdrong juăt noh wă ăn kơ inh lôch.