Rom 7:2 - Sơ̆p Hlabơar Nơ̆r 'Bok Kei-Dei

² Na kiơ̆ kơ tơdrong juăt bơ̆n hmă khan, dah bơngai drŏ-kăn đei klo, sư athei oei kơ klo sư truh tơ klo sư lôch, sư ưh pă tơchĕng kơ tơdrong juăt hli kơ pơm yoch kơ klo sư dơ̆ng boih.

Rom 7:2 Referans Kwoze

I Kor 7:39

Dah lu drŏ-kăn đei klo boih ưh kơ gơh achăng klo sư ôh. Dah klo sư lôch sư gơh iŏk klo plơ̆ng, gô mơ̆ng kơ sư wă đĕch, mă-lei sư athei iŏk klo tơduă lui kơ Kră Yang Yêsu Krist.

I Kor 7:4

Gah tơdrong 'noh akăn sư ưh kơ gơh pơm yŏng kơdih ôh, athei gô mơ̆ng kơ klo sư wă. Klo sư kư̆m lei-lăi mơ̆n, gô mơ̆ng kơ akăn sư wă.

Rom 7:3

Na dah klo sư oei arih, akăn sư iŏk klo nai, sư noh kơđang kơ̆l ako 'brơh kơ klo sư. Mă-lei dah klo sư lôch boih, sư ưh pă hli kơ tơdrong juăt dơ̆ng boih păng mă sư iŏk klo nai đe kư̆m huay pă jô̆ kơ sư pơm yoch boih.

Rom 7:6

Mă-lei dang ei bơ̆n dang lôch kiơ̆ Yêsu Krist na bơ̆n ưh pă kăl gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆. Yua kơ thoi noh na bơ̆n athei lui yom kơ 'Bok Kei-Dei, ưh pă gơnang akâu kơdih wă kiơ̆ tơdrong so mă Môis chih pơkă sơ̆, bơ̆n kiơ̆ kơ tơdrong arih 'nao đơ̆ng Yang Bơhngol 'Lơ̆ng ăn.