Rom 4:9 - Sơ̆p Hlabơar Nơ̆r 'Bok Kei-Dei

⁹ Tơdrong pŭn noh ưh kơ sĭ Sư ăn pôm lu bơngai kăt tơdra akar đĕch ôh, Sư ăn kơ lu bơngai mă ưh kơ kăt tơdra akar hai mơ̆n, thoi bơ̆n băt boih 'Bok Kei-Dei jô̆ Abraham bơngai 'lơ̆ng tơpăt yua kơ minh tơdrong sư lui đĕch.

Rom 4:9 Referans Kwoze

Galati 3:14

Yêsu huai iŏk bơ̆n boih, na mă 'Bok Kei-Dei tơgŭm kơ đĭ-đăng kơ bơ̆n, mă bơngai Juđê, mă bơngai ưh kơ sĭ khŭl Juđê, noh kư̆m thoi Sư pơkă kơ Abraham bơ̆n sơ̆ khan wă tơgŭm bơ̆n, wă khan ăn kơ bơ̆n Yang Bơhngol 'Lơ̆ng dah bu lui păng gơnang kơ Sư.

Kôlôsê 3:11

Đĭ-đăng kơ bơ̆n dang minh khŭl bơngai đĕch; mă bơngai Grĕk, mă bơngai Juđê, mă bơngai kăt tơdra akar, mă bơngai ưh, mă bơngai tơmoi, mă bơngai pơlei kơtă, mă bơngai đĭch đe, mă bơngai rơngei, Yêsu Krist pơgơ̆r đĭ-đăng, hăm oei hơdai đĭ rim khŭl bơngai 'noh.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Rom 4:3

'Bok Kei-Dei lăp đon yua kơ minh tơdrong sư lui đĕch. Bơ̆n băt tơdrong noh yua kơ sơ̆p hla bơar 'Bok Kei-Dei khan thoi âu: “Abraham đei đon lui păng gơnang kơ 'Bok Kei-Dei, na 'Bok Kei-Dei jô̆ sư bơngai 'lơ̆ng tơpăt.”

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Bl 15:6

Abram lui tơpă kơ Kră Yang, na Kră Yang jô̆ sư bơngai tơpăt.

Rom 4:10

Kơplah 'Bok Kei-Dei jô̆ kơ Abraham bơngai 'lơ̆ng tơpăt noh sơ̆, đơ̆ng rŏng kơ Abraham kăt tơdra akar dah adrol kơ Abraham kăt tơdra akar? 'Bok Kei-Dei jô̆ sư bơngai 'lơ̆ng tơpăt adrol kơ sư kăt tơdra akar ưh kơ sĭ đơ̆ng rŏng ôh.