Rom 4:15 - Sơ̆p Hlabơar Nơ̆r 'Bok Kei-Dei

¹⁵ Dôm lu bơngai mă gơnang kơ akâu sư kơdih wă kiơ̆ tơdrong juăt 'Bok Kei-Dei pơkă sơ̆, lu sư trŏ kơ 'Bok Kei-Dei wă phak, yua kơ lu sư ưh kơ kĕ kiơ̆ tơdrong juăt 'Bok Kei-Dei pơkă. Tơ̆ng ưh kơ đei tơdrong juăt, bơ̆n ưh kơ băt pơm yoch kơ tơdrong juăt ôh.

Rom 4:15 Referans Kwoze

Rom 5:13

Hơdrol kơ 'Bok Kei-Dei athei Môis chih tơdrong juăt Sư pơkă sơ̆, kon bơngai đĭ hlôi pơm yoch boih, mă-lei 'Bok Kei-Dei huay kơ jô̆ yo ôh, yua kơ Sư tam mă ăn kơ bơ̆n tơdrong juăt Sư pơkă noh.

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

I Kor 15:56

Tơdrong yoch pơm kơ bơ̆n lôch răm păng yua kơ bơ̆n ưh kơ kĕ kiơ̆ tơdrong juăt 'Bok Kei-Dei, na bơ̆n yoch rai dêh.

Galati 3:19

Yua kơ kiơ 'Bok Kei-Dei pơkă kơ bơ̆n tơdrong juăt Sư? Yua kơ Sư wă tơbăt ăn kơ bơ̆n tơdrong 'lơ̆ng tơdrong kơnê̆. Mă-lei dôm tơdrong 'lơ̆ng trŏ kơ tơdrong juăt Sư pơkă kơ bơ̆n noh, Sư wă kơ kon bơngai lui kiơ̆ truh tơ kon sâu Abraham đei minh 'nu bơngai mă 'Bă Sư 'Bok Kei-Dei wă tơgŭm Sư noh. Tơdrong juăt 'Bok Kei-Dei pơkă sơ̆, linh jang 'lơ̆ng ăn kơ Môis tơdrong juăt noh na Môis ăn kơ kon bơngai. Thoi noh Môis pơm 'long sơlam kơ kon bơngai hăm 'Bok Kei-Dei.

Yo 3:36

Bơngai bu lui kơ Kon Sư, bơngai 'noh sư gô oei hơdai hăm 'Bok Kei-Dei arih ling-lang. Bơngai bu ưh kơ lui yom kơ Kon Sư, bơngai 'noh sư ưh kơ đei arih ling-lang ôh. 'Bok Kei-Dei hil kơ sư tơpă păng sĭt gô phak sư ning-mônh.”

I Yo 3:4

Bơngai bu pơm yoch, bơngai 'noh ưh kơ kiơ̆ tơdrong juăt 'Bok Kei-Dei ôh.

Êphêsô 5:6

Iĕm 'nĕ kơ lui kơ đe pơhlŭ iĕm kiơ̆ dôm tơdrong kơnê̆ noh mă sư khan tơdrong 'lơ̆ng. Lu bơngai thoi noh ưh kơ chu 'Bok Kei-Dei. 'Bok Kei-Dei hil tơpă kơ lu sư, gô phak lu sư.

Yo 15:22

“Dah Inh ưh kơ năm bơtho lu sư lei lu sư ưh kơ hil kơ Inh ôh. Mă-lei dang ei lu sư hil kơ Inh păng kuă kơ lui kơ tơdrong Inh bơtho na lu sư chă tơdrong yoch tơpă.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”

Êsêkiên 7:19

Lu sư hŭt lê̆ hu tơ trong, maih lu sư jing thoi tơmam kơnê̆. Maih, hu ưh kơ gơh pơklaih lu sư kơplah năr Kră Yang hil. Kŭm ưh kơ đei pơm kơ lu sư huay kơ pơngot, kư̆m ưh kơ pơm kơ lu sư phĭ klak, tơmam noh pơm kơ lu sư pơ̆k lăm tơdrong yoch.

Kôlôsê 3:6

Lu bơngai thoi noh ưh kơ chu 'Bok Kei-Dei, 'Bok Kei-Dei hil tơpă wă phak lu sư.

Rom 1:17

Yua kơ bơ̆n lui kơ tơdrong 'nao 'lơ̆ng Yêsu Krist, na 'Bok Kei-Dei jô̆ bơ̆n jing bơngai 'lơ̆ng hăm Sư. Sư jô̆ bơ̆n thoi noh yua kơ minh tơdrong bơ̆n lui kơ Kon Sư đĕch. 'Noh kư̆m thoi đe roi lăm sơ̆p hla bơar Sư sơ̆ thoi âu: “Bơngai bu lui kơ 'Bok Kei-Dei, 'Bok Kei-Dei jô̆ sư bơngai 'lơ̆ng tơpăt ăn kơ sư arih ling-lang.”

Nhom 2:22

Ih ăn tơdrong hli krưp truh tăp dăr kơ inh, Thoi Ih pơtơm bơngai wă năm sŏng sa tih. Lăm năr Kră Yang hil, ưh kơ đei bu klaih hlôi, kư̆m ưh kơ đei bu arih. Dôm lu bơngai mă inh đei pôk kơ'mĭn păng 'me rong, Linh ayăt pơlôch pơrăm đĭ boih.

Je 4:8

Na su bĕ 'bi, nhơ̆m hmoi, yua kơ tơdrong Kră Yang hil oei tam mă weh đơ̆ng bơ̆n.”

II Pot 22:13

“Năm, krao apinh kơ inh Kră Yang bĕ, krao apinh kơ kon pơlei pơla, păng krao apinh kơ đĭ char Juđa bơ̆n gah dôm lu nơ̆r lăm sơ̆p hla bơar mă 'nao 'bôh noh. Yua kơ tơdrong blĕk Kră Yang tuh ăn kơ bơ̆n tih dêh, kơlih kơ yă 'bok bơ̆n ưh kơ chu pơm kiơ̆ ôh dôm lu nơ̆r lăm sơ̆p hla bơar 'nâu păng ưh kơ pơm kiơ̆ tơdrong mă Kră Yang hlôi chih bơtho khan kơ lu bơ̆n.”

Jo 32:14

'Nâu lu iĕm iung tơplih kơ 'bă lu iĕm, adrĕch bơngai kơnê̆ yoch, wă kơ rai pơthim tơdrong Kră Yang hil mĭl kơ lu adrĕch Isơrael dơ̆ng.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.