Rom 15:24 - Sơ̆p Hlabơar Nơ̆r 'Bok Kei-Dei

²⁴ Inh năm tơ iĕm hơdrol, đơ̆ng noh na inh năm tơ dêh Aspanhol. Inh tơchĕng wă ngôi hơpong păng iĕm 'biơ̆ păng inh wă kơ iĕm tơgŭm inh gơh năm tơ dêh Aspanhol noh.

Rom 15:24 Referans Kwoze

Rom 15:28

Đang inh pơjao kơ lu bơngai noh jên boih, na inh năm tơ iĕm, đơ̆ng noh na inh năm hloi tơ dêh Aspanhol.

Rom 1:12

Inh wă kơ bơ̆n pơm thoi âu: Inh 'maih năm tơ iĕm wă kơ bơ̆n gơh tơgŭm dih băl, wă kơ inh 'bôh tơdrong lui iĕm, iĕm 'bôh tơdrong lui inh, noh na bơ̆n lui rai kơjăp hloh.

Jang 15:3

Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

II Kor 1:16

đơ̆ng noh năm tơ dêh Masêđôn. Đơ̆ng dêh Masêđôn wih drong ngôi tơ pơlei iĕm dơ̆ng wă kơ klaih kơ rơnguơ̆. Đơ̆ng noh na inh wă kơ iĕm tơgŭm inh năm tơ dêh Juđê. Inh tơchĕng wă pơm thoi noh tơpă, mă đơ̆ng rŏng inh ưh kơ gơh kơ năm yua kơ iĕm đei tơdrong yoch, tơ̆ng inh năm inh hli kơ inh pơma pơjĭ đon iĕm, iĕm mơlâu sơ'ngon.

Jang 21:5

Trŏ năr nhôn wă năm boih na nhôn năm tơ thŏng-nan. Đĭ-đăng lu sư hăm kon akăn sư năm hơdai păng nhôn lĕch đơ̆ng pơlei ei; truh tơ jih đak dơsĭ, nhôn sơtơ̆p kŭl-tăng krao khan kơ 'Bok Kei-Dei.

Jang 19:21

Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

III Yo 1:6

Lu sư roi kơ lu bơngai lui tơ hnam akŭm nhôn mơ̆n khan ih 'mêm mơnat kơ lu sư. Na dang ei lu sư năm chă bơtho đe dơ̆ng. Apinh ih mơnat ăn kơ lu sư tơmam dơ̆ng hŏ, wă kơ lu sư gơh năm chă bơtho đe. 'Bok Kei-Dei lăp đon tơpă ih pơm thoi noh.

Tơdrông Pơđơk 25:17

'Nĕ gan năm ngôi tơ hnam bôl buăl ih, Kơnh hli kơ sư bơ̆l hăl băl lap hil plơ̆ kơ ih.