Rom 14:18 - Sơ̆p Hlabơar Nơ̆r 'Bok Kei-Dei

¹⁸ Bơngai mă lui yom kơ Yêsu thoi noh, bơngai noh 'Bok Kei-Dei lăp đon, mă tơduă kon bơngai kư̆m lăp đon mơ̆n.

Rom 14:18 Referans Kwoze

II Kor 8:21

Nhôn adrin pơm tơpăt 'bơ̆t anăp 'Bok Kei-Dei hăm kon bơngai.

I Pet 2:20

Pơtih gia, dah bơ̆n pơm kơnê̆ kơ sư hơdrol, na sư tôn teh bơ̆n, mă bơ̆n thĕng đĕch, noh kư̆m ưh kơ yua kiơ ôh, ưh kơ đei bu khan bơ̆n bơngai 'lơ̆ng dơ̆ng. Dah bơ̆n 'nĕ chă pơm kơnê̆ kơ sư, gô mơ̆ng kơ sư chă areh kơ bơ̆n đĕch, noh 'Bok Kei-Dei lăp đon.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

II Kor 5:11

Nhôn băt hli kơ Kră Yang na nhôn bơtho khan kơ đe athei lui kơ Sư. 'Bok Kei-Dei băt kơ nhôn bơngai thoi yơ, inh tơchĕng iĕm kư̆m băt kơ nhôn bơngai thoi ei mơ̆n.

I Pet 3:16

Thoi noh bơ̆n athei pơm 'lơ̆ng tơpăt ling-lang, wă kơ lu bơngai mă pơjăm bơ̆n kiơ̆ tơdrong Yêsu, sư jing mơlâu yua kơ sư ưh kơ 'bôh tơdrong bơ̆n pơm yoch kiơ.

I Tim 5:4

Mă-lei lu bơngai drŏ-kăn adro đei kon dah sâu sư, noh lê̆ lu kon sâu lu sư 'noh 'me sa sư. 'Bok Kei-Dei wă kơ bơ̆n wei-lăng 'me sa mĕ 'bă, yă 'bok bơ̆n kơdih. Bơ̆n athei 'me plơ̆ sư dơ̆ng.

I Tim 2:3

Bơ̆n krao khan thoi noh 'lơ̆ng tơpă păng Kră Yang 'Bok Kei-Dei lăp đon tơpă. Sư pơklaih bơ̆n đơ̆ng tơdrong yoch.

Kôlôsê 3:24

Tơdrong iĕm jang gô đei sa apah, ưh kơ sĭ iĕm jang hoh hoh đĕch ôh. Iĕm jang tơdrong Yŏng bơ̆n Yêsu Krist na Sư gô ăn kơ iĕm dôm tơdrong hiôk 'lơ̆ng mă Sư wă ăn kơ dôm lu kon 'Bok Kei-Dei.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.

II Kor 6:4

Mă nhôn đei tơdrong đe pơm kơnê̆ pơmat-tat kơ nhôn, nhôn kư̆m ưh kơ đei pơm kiơ kơ đe, yua kơ nhôn đĭch đam 'Bok Kei-Dei jang kiơ̆ thoi Sư wă, wă kơ đĭ-đăng bơngai lăng tơdrong jang nhôn 'lơ̆ng.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

I Kor 7:22

Bơngai bu đĭch đe mă-lei Kră Yang krao sư lui, bơngai 'noh kư̆m dang rơngei mơ̆n, yua kơ sư lui kơ Kră Yang Yêsu Krist. Mă bơngai bu ưh kơ đĭch đe, Yêsu Krist krao sư lui, bơngai 'noh kư̆m dang đĭch Yêsu Krist mơ̆n.

Rom 16:18

Dôm lu bơngai thoi noh lu sư ưh kơ jang tơdrong Kră Yang bơ̆n Yêsu Krist tơpă ôh, sư jang wă 'me akâu sư kơdih đĕch, sư pơma kơ đe rơngơp dêh, na lu đe mă 'bônh kơ lui kiơ̆ kơ sư.

Rom 14:4

Dah bơ̆n pơjăm sư, dang bơ̆n sek tơlang đĭch đe, khan bơngai đĭch noh pơm ưh kơ lăp kơ yŏng sư. Bơ̆n gô mơ̆ng kơ yŏng sư sek tơlang kơdih đĕch, gơh jô̆ kơ sư pơm 'lơ̆ng pơm ưh. Yŏng sư noh wă khan Yêsu Krist, Yŏng sư noh gơh tơgŭm sư lui kơjăp khŏm khŏm.

Rom 12:11

Bơ̆n adrin jang tơdrong Kră Yang tôch bơneh kơ bơ̆n jang.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Jang 10:35

Lăm rim khŭl bơngai, bơngai bu lui kơkuh kơ 'Bok Kei-Dei păng pơm trŏ thoi Sư wă, 'Bok Kei-Dei kư̆m lăp đon kơ lu sư lei-lăi ngăl.

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Markôs 13:34

Tơdrong ei thoi lĕ kơ minh 'nu bơngai wă năm tơ dêh tơmoi ataih. Hơdrol kơ sư wă yak đơ̆ng hnam, sư pơkă kơ lu đĭch đam sư wei-lăng hnam păng rim 'nu lu sư jang kiơ̆ kơ tơ'ngla sư pơkă păng khan kơ bơngai gak 'măng athei kơchăng.

Bôk Bơthô 9:7

Lei sŏng sa hiôk hal bĕ păng huch đak hơmu ih mă chơt hiôk bĕ! Yua kơ Kră Yang 'Bok Kei-Dei ăn boih kơ inh dôm tơdrong noh.

Bl 4:7

Dah ih pơm 'lơ̆ng liơ ih ưh kơ pơ̆n ngơk muh măt? Na mưh ưh kơ pơm 'lơ̆ng, to tơdrong yoch răp gô 'bơ̆t 'măng 'ngeng kơ ih dêh mă-lei ih 'nĕ kơ ăn jei sư.”

II Kor 5:9

Thoi noh na, mă nhôn oei đei akâu so truh kơ Sư jur, dah lôch hơdrol, kư̆m bưh mơ̆n, nhôn kư̆ kơ adrin pơm trŏ đĕch wă kơ Sư lăp đon,

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.