Rom 12:19 - Sơ̆p Hlabơar Nơ̆r 'Bok Kei-Dei

¹⁹ Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”

Rom 12:19 Referans Kwoze

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.

Hêbrơ 10:30

Yua kơ 'Bok Kei-Dei khan sơ̆ boih thoi âu: “Lê̆ kơ Inh pơm tơwih kơ lu bơngai pơm kơnê̆.” Sư khan dơ̆ng thoi âu: “Inh gô sek tơlang lu kon pơlei pơla Inh.” Sư khan thoi noh, bơ̆n băt kơ Sư wă pơm tơpă.

Tơdrông Pơđơk 24:29

'Nĕ chă pơma: Inh gô pơm kơ sư thoi sư pơm kơ inh; Inh gô pơm 'mong kiơ̆ tơdrong đêl sư pơm.

Tơdrông Pơđơk 20:22

'Nĕ pơma khan, tơan wă pơm kơ đe kơnê̆. Lê̆ gô mơ̆ng đơ̆ng Kră Yang, na Sư gô dŏng pơklaih ih.

Rom 12:17

Đe pơm kơnê̆ kơ bơ̆n, bơ̆n 'nĕ pơm tơwih kơ đe, bơ̆n athei pơm 'lơ̆ng pơm trŏ, pơm kiơ̆ kơ tơdrong bôl buăl mă lăp đon; bơ̆n pơm thoi noh đĕch 'lơ̆ng.

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

Lêwi 19:18

'Nĕ kơ pơm 'mong răk rong mong găr hăm rông 'bôt kơtum kơtŏng 'nhŏng oh ih, athei 'mêm kơ lu sư thoi ih 'mêm akâu ih kơdih, Inh boih Kră Yang.

Rom 12:14

Mă đe pơm kơnê̆ kơ bơ̆n, bơ̆n 'nĕ kơ blei hiap đe, bơ̆n rai krao khan apinh 'Bok Kei-Dei mơnat kơ sư dơ̆ng.

Both 32:43

Ơ lu adrĕch adrung kon bơngai! Hiôk chơt bĕ hăm kon pơlei Kră Yang. Yua kơ Sư gô iung kơting, pơm 'mong pham kơ đĭch đam Sư, Sư pơm 'mong blah lu bơngai ayăt kơ Sư, mơnat ăn kơ dêh char Sư păng lu kon pơlei pơla Sư.

Mathiơ 5:39

Thoi noh boih na gah Inh bơtho iĕm thoi âu: Đe pơm kơnê̆ kơ iĕm, iĕm 'nĕ pơm plơ̆ kơ đe; đe tap 'bŏ iĕm gah 'ma, ăn sư tap gah minh dơ̆ng.

Rom 13:4

Lu bơngai pơgơ̆r noh lu sư dang jang tơdrong 'Bok Kei-Dei, wă kơ kon bơngai arih hiôk-hian. 'Noh na tơ̆ng bơ̆n pơm kơnê̆, bơ̆n hli kơ lu sư. Lu bơngai pơgơ̆r chĕp tak đao, lu sư trŏ tơdrong gơh chĕp. Yua kơ lu sư jang tơdrong 'Bok Kei-Dei, lu sư gơh rôp phak lu bơngai pơm kơnê̆ mă 'Bok Kei-Dei ưh kơ lăp đon.

I Sam 25:33

Inh kơkuh bơnê kơ Kră Yang. Sư ăn pŭn hiôk hlôh wao gơh hơgei kơ ih năr 'nâu găn inh ưh kơ ăn inh pơm tuh pham păng găn inh, ưh kơ wă inh pơm 'mong ăn kơ inh kơdih.

I Sam 25:26

Kră Yang găn ih wă pơm tuh pham wă pơm 'mong inh pao anăn Kră Yang mă arih ling-lang păng tơdrong arih ih kơdih na pơkă; hơpơi kơ lu ayăt kơ ih păng lu bơngai chă wă pơrăm ih kư̆m pŭ nhen thoi Nabal!

Êsêkiên 25:12

“Kră Yang khan thoi âu: “Yua kơ kon pơlei Eđôm pơm mong blah hăm lu adrĕch Juđa păng pơm yoch kơplah pơm 'mong blah lu sư.

I Sam 26:10

Sư khan dơ̆ng: Đei Kră Yang mă arih ling-lang, inh pơkă hăm ih, tơpă Kră Yang gô ăn kơ sư lôch, dah trŏ kơ măng năr sư gô lôch, dah sư lôch kơ tơblah,

I Sam 26:11

Mă-lei Kră Yang wei inh, ưh kơ ăn tơpang ti inh pơlôch bơngai mă đơ̆ng Kră Yang tuh ăn đak rơmă! Inh apinh ih iŏk tơpu hăm get đak đơ̆ng kơ̆l giơng sư hăm get đak sư, đơ̆ng noh ba weh.

Je 51:36

Lei na Kră Yang khan: “'Nâu Inh gô dŏng ih, Inh pơm tơwih kơ lu ayăt kơ ih. Inh gô pơhrơ̆ lê̆ đak dơsĭ sư, Ăn kơ rim tu đak sư hrơ̆ kro.

Êphêsô 4:27

hli kơ yang kơnê̆ pơhlŭ iĕm.

II Tim 4:14

'Bok Aleksandrê sư bơngai thơ̆ hơjơ̆m, sư pơm kơnê̆ tơpă kơ inh, mă-lei inh huay kơ ơh ôh. Sư pơm kơnê̆ kơ inh dang yơ 'Bok Kei-Dei phak sư dang noh mơ̆n.