Rom 11:20 - Sơ̆p Hlabơar Nơ̆r 'Bok Kei-Dei

²⁰ Iĕm khan thoi noh trŏ mơ̆n mă-lei yua kơ kiơ 'Bok Kei-Dei chre hŭt dơng noh? Yua kơ sư ưh kơ chu lui. Na iĕm kư̆m lei-lăi, yua kơ iĕm lui na Sư klop tơ noh. 'Noh na iĕm 'nĕ pơang kơ đe, kơnh 'Bok Kei-Dei chre hŭt iĕm dơ̆ng.

Rom 11:20 Referans Kwoze

Rom 12:16

Bơ̆n athei kiơ̆ kơ jơhngơ̆m đon bôl buăl lăp đon, 'nĕ pơang akâu bơ̆n kơ sư; mă loi bơ̆n athei tơbôl hăm lu bơngai dơnuh, pơma dơnuh pơlung sư mă hiôk.

II Kor 1:24

Mă-lei ưh kơ sĭ nhôn wă pơgŏ pơđep tơdrong lui iĕm ôh. Kơlih kơ nhôn 'bôh iĕm lui kơjăp, na nhôn wă jang hơdai iĕm, wă kơ iĕm chơt.

I Kor 10:12

Thoi noh boih na bơngai bu ngêh kơ tơ'ngla sư lui kơjăp, bơngai 'noh athei kơchăng hli kơ sư jing rơdu pơm yoch.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.

Philip 2:12

Ơ lu 'nhŏng oh mă inh 'mêm kơeng, iĕm băt boih Yêsu Krist iŏk đon ala thoi noh na iĕm athei adrin pơm kiơ̆ khŏm khŏm păng adrin pơm mă 'blep thoi 'Bok Kei-Dei wă, hli kơ Sư ưh kơ iŏk iĕm kơplah Yêsu Krist jur ning-mônh. Sơ̆ kơplah inh oei hăm iĕm, inh 'bôh iĕm pơm kiơ̆ 'blep tơpă, mă đơ̆ng kơdrô̆ iĕm dang ei inh ưh kơ băt, na iĕm athei kiơ̆ mă tơpă hloh kơ noh dơ̆ng.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.

I Tim 6:17

Ih khan kơ lu bơngai mơdrŏng 'nĕ pơang akâu kơdih păng khan kơ sư 'nĕ gơnang kơ mŭk măk sư mơdrŏng. Athei sư tơchĕng gơnang kơ 'Bok Kei-Dei đĕch gơh tơgŭm sư. Tơdrong mơdrŏng ưh kơ kơjăp nhoi ôh. 'Bok Kei-Dei hơlăng, Sư ăn kơ bơ̆n tôm tơdrong bơ̆n kăl yua wă kơ bơ̆n chơt hiôk.

Kôlôsê 2:7

Sư pơm tơm kơ bơ̆n na iĕm athei gơnang kơ Sư mă tơpă wă kơ lui kơjăp kiơ̆ thoi đe bơtho iĕm sơ̆, na tơdrong lui iĕm rai đunh rai wơ̆. Mă tôm tơdrong kiơ kiơ athei bơnê kơ 'Bok Kei-Dei ngăl.

Rom 11:18

Mă-lei iĕm 'nĕ pơang kơ đe khan iĕm dơng 'lơ̆ng hloh kơ dơng mă đe chre hŭt noh, yua kơ iĕm dơng ưh kơ gơh chăt kơdih. Dơng sư arih yua kơ tơm, ưh kơ sĭ tơm arih yua kơ dơng ôh.

II Kor 10:5

păng dôm tơdrong ưh kơ 'lơ̆ng, ưh kơ trŏ đon kon bơngai tơchĕng, tơdrong lu sư wă pơgăn tơdrong 'Bok Kei-Dei. Nhôn athei lu sư chu yom kơ Yêsu Krist lăm tôm tơdrong.

Habakuk 2:4

Lu bơngai pơang, lăm jơhngơ̆m sư ưh kơ đei tơpăt, Mă-lei lu bơngai tơpăt gô arih yua đơ̆ng jơhngơ̆m đon lui sư kơdih.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Tơdrông Pơđơk 28:14

Bơngai bu băt hli yom kơ Kră Yang gô đei pŭn hiôk; Bơngai bu ưh kơ chu arăng kơ̆l gô răm.

Tơdrông Tơ'bôh 18:7

Sư pơma pơang akâu dang yơ, hưch hanh kơ mŭk tơmam 'lơ̆ng rŏ dang yơ, sư gô pŭ tơdrong pơmat, tơdrong ơh sơ'ngon kư̆m dang noh. Sư tơchĕng lăm to sư khan: ‘Inh pơm yă pơtao pơgơ̆r đe ling-lang, Inh ưh kơ sĭ yă adro, na liơ inh gơh ơh sơ'ngon?’

Tơdrông Tơ'bôh 3:17

Păng iĕm pơang kơ đe khan iĕm mơdrŏng kơ nơ̆r 'Bok Kei-Dei boih, huay pă kăl kơ tơdrong kiơ dơ̆ng. Iĕm ưh kơ băt kơdih, iĕm bơngai pơmat-tat, bơngai răm-'băm, bơngai dơnuh hin, bơngai măt tol, ưh kơ mah hơbĕn ao hrŭk.

I Pet 5:12

Silas 'nhŏng oh bơ̆n bơngai lui, inh lăng sư lui kơjăp tơpă, na kơthơ âu sư chih tơgŭm inh. Nhi chih minh 'bar nơ̆r wă tơbăt kơ iĕm tơdrong bơ̆n lui âu, tơdrong 'Bok Kei-Dei 'mêm mơnat kơ bơ̆n tơpă, na apinh iĕm lui kơjăp bĕ tơdrong noh.

I Pet 5:9

Thoi noh na bơ̆n athei lui mă kơjăp wă kơ bơ̆n gơh puh sư mă ataih. Iĕm kư̆m băt boih đĭ-đăng 'nhŏng oh bơngai lui oei jơ̆p-jang kơ teh đak tă đei tơdrong gleh thoi iĕm mơ̆n.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”

Ya 2:19

Lu iĕm mơ'nah khan lui đĕch kư̆m klaih mơ̆n hă? Iĕm kư̆ kơ lui đei minh pôm Kră Yang 'Bok Kei-Dei đĕch, trŏ boih, lu yang kơnê̆ kư̆m lui thoi noh mơ̆n, lu sư hli tơrơ kơ 'Bok Kei-Dei tơpă.

Hêbrơ 4:11

Kơlih kơ thoi noh na bơ̆n athei adrin lui mă tơpă wă kơ gơh mơ̆t pơdơh tơ 'Bok Kei-Dei păng wă kơ bơ̆n huay kơ đei bu hiong kơ tơdrong 'noh thoi lu bơngai arăng kơ̆l kuă kơ lui sơ̆.

Hêbrơ 4:6

Lu bơngai noh sơ̆ kơtơ̆ng boih đe bơtho tơdrong 'nao 'lơ̆ng, mă lu sư ưh kơ chu kuă kơ lui, noh na lu sư ưh kơ gơh mơ̆t pơdơh hăm Sư. Lu sư kuă lê̆, 'Bok Kei-Dei ăn kơ bơngai nai mơ̆t.

Hêbrơ 3:19

'Noh bơ̆n băt nhên boih, lu sư ưh kơ gơh mơ̆t pơdơh tơ dêh char Sư, yua kơ lu bơngai noh ưh kơ đei đon lui.

II Tes 2:4

Bơngai kơnê̆ ei, sư pơang akâu sư kơdih khan sư tih hloh kơ 'Bok Kei-Dei, hăm tih hloh kơ đĭ-đăng lu yang nai. Sư mơ̆t lăm hnam akŭm 'Bok Kei-Dei tơm na khan kơ đe: “Inh boih Kră Yang iĕm, na iĕm athei kơkuh kơ inh.”

Rom 3:3

Inh kư̆m băt mơ̆n lu sư mơ'nah ưh kơ wă lui kơ tơdrong 'Bok Kei-Dei ăn kơ lu sư noh; mă lu sư ưh kơ lui, bơ̆n 'nĕ tơchĕng khan 'Bok Kei-Dei wă tŭk dôm tơdrong Sư pơkă wă tơgŭm noh, ưh ôh.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Jêphania 3:11

Lăm năr noh, ih ưh pă đei mơlâu yua kơ đĭ tơdrong yoch ih pơm hăm Inh, noh mă dôm tơdrong yoch ih pơm hăm Inh. Yua kơ dang ei Inh wă pơdrâu iŏk đơ̆ng lu sư dôm lu chơt hiôk păng pơang sư; đơ̆ng noh lu iĕm ưh pă đei pơang tơ kơpal kông rơgoh Inh dơ̆ng.

Êsai 7:9

Kơ̆l kơ char Êphraim jơ̆ pơlei Samari, kơ̆l kơ pơlei Samari jơ̆ kon drŏ-nglo Rêmalia. Tơdah lu iĕm ưh kơ lui ngeh lei iĕm dơ̆ng ưh kơjăp ôh.”

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Tơdrông Pơđơk 28:26

Bơngai bu gơnang kơ akâu kơdih gô jing bơlŭk. Mă-lei đei bu yak kiơ̆ trong gơh hơgei gô đei hiôk hơđơ̆ng.

Horiso 138:6

Mă khan, Kră Yang tih-tin. Kŭm oei lăng ba lu bơngai răm-'băm. Gah lu bơngai pơang, Sư băt lê̆ đơ̆ng adrol boih.

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

Rom 11:21

Lu bơngai Isơrael mơ'nah kuă kơ lui tơpă na 'Bok Kei-Dei chre hŭt dơng lu sư. Mă iĕm kư̆m lei-lăi, tơ̆ng iĕm kuă kơ lui Sư kư̆m chre hŭt iĕm mơ̆n 'bônh loi yua kơ iĕm dơng đơ̆ng nai.

Rom 12:3

'Bok Kei-Dei ăn kơ inh pơm jơ̆ng 'bang Sư wă kơ inh bơtho ăn kơ iĕm tơdrong Sư, Sư wă kơ iĕm huay kơ pơang kơ đe khan iĕm bơngai hơgei hloh kơ bơngai nai. 'Bok Kei-Dei ăn kơ iĕm hơgei pơm kiơ, gơh jang tơdrong kiơ, iĕm kư̆ kơ jang đĕch kăl kiơ pơang kơ đe.

I Kor 15:1

Ơ lu 'nhŏng oh, 'nâu inh wă tơ'blŏk ăn kơ iĕm tơdrong 'nao 'lơ̆ng mă inh đei bơtho ăn kơ lu iĕm boih, lu iĕm lui boih păng oei kơjăp lăm tơdrong lui dang ei 'noh.