Philip 4:6 - Sơ̆p Hlabơar Nơ̆r 'Bok Kei-Dei

⁶ Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.

Philip 4:6 Referans Kwoze

I Pet 5:7

Bơ̆n athei pơjao kơ Sư dôm tơdrong bơ̆n sơ'ngon jơ̆l hăt phăt-ol, yua kơ Sư wei-lăng bơ̆n.

Horiso 55:22

Jao bĕ pŭ trăp ih kơ Kră Yang. Sư gô tơiung Ih; Sư ưh kơ đei lê̆ lu bơngai tơpăt pơ̆k.

Mathiơ 6:8

Iĕm 'nĕ krao khan thoi noh hŏ, yua kơ 'Bă bơ̆n băt hơdrol kơ tơdrong iĕm wă krao khan apinh Sư noh.

Je 33:3

Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”

Tơdrông Pơđơk 16:3

Jao bĕ dôm tơdrong jang ih kơ Kră Yang; Na đĭ tơdrong ih wă chă gô đei.

Horiso 62:8

Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Kôlôsê 4:2

Iĕm athei adrin gah tơdrong krao khan. Kơplah iĕm oei krao khan, iĕm athei tơchĕng kơ tơdrong krao khan đĕch, 'nĕ kơ tơchĕng tơdrong nai. Păng ling-lang athei bơnê kơ 'Bok Kei-Dei.

Êphêsô 6:18

Păng bơ̆n 'nĕ hiơt krao khan kơ 'Bok Kei-Dei, wă kơ bơ̆n hưch hanh kơ tơdrong krao khan ling-lang, gô mơ̆ng kơ Yang Bơhngol 'Lơ̆ng wă kơ bơ̆n krao khan tơdrong kiơ, krao khan tơgŭm băl tơduă lu kon 'Bok Kei-Dei dah krao khan kơ tơdrong kiơ nai.

Kôlôsê 3:17

Mă dôm tơdrong kiơ kiơ bơ̆n wă pơma dah wă jang, bơ̆n athei pơma pơjao kơ Kră Yang Yêsu hăm gơnang kơ Sư wă bơnê kơ 'Bă tơm bơ̆n 'Bok Kei-Dei.

Luka 18:1

Klaih kơ noh Yêsu pơma pơtih gia kơ lu sư thoi âu wă kơ lu sư băt kơ krao khan ling-lang huay kơ hăl:

Luka 12:22

Na Yêsu khan kơ lu bơngai pơhrăm păng Sư: “Yua kơ thoi noh na Inh wă khan kơ iĕm: 'Nĕ tơchĕng gah tơmam sŏng sa, 'nĕ kơ tơchĕng kơ hơbĕn ao hrŭk.

Horiso 51:15

Ơ Kră Yang! Apinh Ih pơih 'bơ̆r inh. Na 'bơ̆r inh gô hơri bơnê kơ Ih.

Kôlôsê 3:15

Yêsu Krist ăn kơ bơ̆n hiôk hơiă dih băl, na bơ̆n athei adrin kiơ̆ thoi noh, yua kơ 'Bok Kei-Dei rơih iŏk bơ̆n wă kơ bơ̆n pôm đon. Păng ling-lang 'nĕ kơ hiơt pơma bơnê kơ 'Bok Kei-Dei.

I Sam 30:6

Đawit đei tơdrong hli krưp tih dêh yua kơ lu bơngai kiơ̆ sư wă klơ̆m sư păng tơmo. Đĭ-đăng kơ lu linh kiơ̆ sư đei jơhngơ̆m ơh sơ'ngon dêh, yua kơ hiong kon drŏ-nglo kon drŏ-kăn lu sư, mă-lei Đawit đei jơhngơ̆m nuih pran đơ̆ng Kră Yang 'Bok Kei-Dei ăn kơ sư.

Êphêsô 5:20

Bơ̆n athei băt bơnê kơ 'Bă tơm bơ̆n 'Bok Kei-Dei lăm tôm tơdrong păng bơ̆n athei krao chă Yŏng bơ̆n Yêsu Krist na bơ̆n gơh krao khan bơnê kơ 'Bok Kei-Dei.

Horiso 55:17

Pơgê hrôih, 'năr dơ̆ng glơh kơsơ̆, Inh gô sơ'ngon hơdrĭ ôr krao; Sư gô mơ̆ng nơ̆r inh.

Luka 10:41

Na Kră Yang Yêsu khan thoi âu: “Ơ Mathê, ih mah tơchĕng kiơ kơ dôm tơdrong jang noh dêh?

Luka 18:7

Pơma kơ kiơ kơ 'Bok Kei-Dei Sư gô tơdŏng tơpă lu bơngai mă Sư đĭ rơih boih mă oei krao khan kơ Sư măng năr. 'Bok Kei-Dei hăm ngê̆ gô đunh ưh?

Mathiơ 10:19

Mưh đe rôp iĕm jao kơ lu kră sek tơlang, iĕm 'nĕ mah tơchĕng kơ tơdrong iĕm wă pơma kơ lu sư noh hŏ.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Luka 12:29

“Iĕm 'nĕ pă tơchĕng khan: Bơ̆n wă sa kiơ, nhă kiơ? Iĕm 'nĕ kơ mah hăt kơ tơdrong noh.

I Sam 1:15

Hana tơl, ưh, ơ yŏng tơ'ngla inh, inh minh 'nu bơngai drŏ-kăn ơh sơ'ngon dêh. Inh ưh kơ đei et sik ôh, kư̆m ưh kơ đei suai mơ̆n, yua kơ inh tơ'bôh đĭ jơhngơ̆m inh kơ Kră Yang.

II Kor 1:11

Iĕm krao khan tơgŭm nhôn hŏ, wă kơ 'Bok Kei-Dei mơnat kơ nhôn đơ̆ng lơ bơngai krao khan tơgŭm, wă kơ lơ bơngai bơnê kơ 'Bok Kei-Dei tơdŏng đơ̆ng bơngai tơpôl krao khan.

I Kor 7:32

Inh wă kơ lu iĕm bơngai ngôi hơdrô̆ huay kơ tơchĕng gah tơdrong kon akăn. Bơngai ngôi hơdrô̆, bơngai ei adrin jang tơdrong Kră Yang yua kơ sư wă kơ Kră Yang lăp đon kơ sư.

I Pet 4:7

Khei 'năr wă jê̆ tôch boih na iĕm athei tơchĕng đon mă hơgei wă kơ kơchăng kơ tơdrong krao khan pơnam.

Mathiơ 13:22

Lu mơ'nah thoi lĕ kơ găr 'ba huŏng 'bơ̆t 'nhĕt jơla. Lu sư kơtơ̆ng đe bơtho tơdrong 'Bok Kei-Dei ră mă-lei lu sư wă tơchĕng tơdrong arih sư kăl hloh, sư wă kơ mơdrŏng; thoi noh na tơdrong 'Bok Kei-Dei ưh kơ gơh wơ̆ păng ưh kơ đei plei.

Da 3:16

Sadrak, Mêsak, Abetnigo tơl pơtao thoi âu: Ơ pơtao Nebukatnessar, gah tơdrong noh, ưh kơ kăl kơ nhôn roi kơ ih.

II Ho 32:20

Pơtao Hesekia păng Êsai 'bok khan lê̆ adrol kon drŏ-nglo Amôt, krao khan kơ tơdrong 'nâu, krao khan ôr tŏk truh tơ plĕnh.

I Sam 7:12

Samuel iŏk pơdơ̆ng minh pơm tơmo tih dan 'bơ̆t sơlam Mispa păng Sen, sư anăn Êbênêser.a Sư khan: Kră Yang đei tơgŭm lu bơ̆n truh tơ âu.

Hơri Hiôk 2:14

Ơ sem kơtơp inh, tơ sơlam tơmo, Păng lăm hơgơp kông. Tơ'bôh bĕ kơ inh muh măt ih. Asong bĕ inh mơ̆ng nơ̆r ih, Yua kơ nơ̆r pơma ih hơbôn rơngơp. Muh măt ih 'lơ̆ng hơiă.

I Kor 7:21

Dah kơplah 'Bok Kei-Dei krao iĕm lui sơ̆ iĕm bơngai đĭch đe, iĕm 'nĕ hăt 'nhĕng kơ đe wă chă tơdrong akâu kơdih rơngei hŏ. Mă-lei dah yŏng iĕm mơnat ăn kơ iĕm rơngei 'noh 'lơ̆ng hloh.

I Pot 8:28

Mă đơ̆ng thoi noh ră, ơ 'Bok Kei-Dei apinh Ih pơđêng đon mơ̆ng nơ̆r đĭch đam Ih krao apinh 'bơ̆t anăp Ih năr âu:

Je 32:16

Đang kơ inh jao hla bơar răt noh kơ Baruk kon drŏ-nglo Nêria, inh krao khan apinh Kră Yang:

Da 6:10

Kơplah Đaniel kơtơ̆ng tơdrong pơkăm noh pơtao kĭ anăn sư boih, na sư brŏk tơ hnam sư, lu 'măng-'mŏk iĕ gah Jêrusalem sư pơih đĭ. 'Bơ̆t noh, kư̆ rim năr pêng wơ̆t, sư hơtơ̆p kŭl-tăng krao khan, kơkuh bơnê kơ Kră Yang 'Bok Kei-Dei sư. Sư kư̆m pơm thoi sư juăt kơ pơm ki hmă.

Mathiơ 6:34

Thoi noh na đơ̆ng âu tơ anăp, iĕm 'nĕ pă tơchĕng minh tơdrong kiơ kiơ. Năr dơning măk ai kơ năr dơning, năr âu măk ai kơ năr âu, yua kơ tơdrong kơ'bah bơ̆n rim năr đĕch.

I Tim 2:1

Dôm tơdrong inh wă pơkă kơ ih dang ei tơdrong âu kăl tơpă: Inh athei iĕm krao khan bơnê kơ 'Bok Kei-Dei ling-lang apinh Sư dŏng mơnat đĭ-đăng bơngai păng đĭ-đăng 'bok pơtao păng đĭ-đăng kră pơgơ̆r wă kơ bơ̆n oei hiôk-hian păng đei đon tơpăt kiơ̆ tơdrong 'Bok Kei-Dei.

I Tim 5:5

Bơngai adro tơpă ưh kơ đei bu wă 'me sư na sư lui kơ 'Bok Kei-Dei gô tơgŭm sư. Sư krao khan kơ 'Bok Kei-Dei ling-lang apinh Sư tơgŭm.