Philip 2:4 - Sơ̆p Hlabơar Nơ̆r 'Bok Kei-Dei

⁴ Iĕm athei pơhiôk jơhngơ̆m đe mơ̆n, 'nĕ kơ pơhiôk jơhngơ̆m kơdih đĕch ôh.

Philip 2:4 Referans Kwoze

I Kor 10:24

Bơ̆n 'nĕ tơchĕng kiơ̆ kơ akâu bơ̆n kơdih, bơ̆n athei tơchĕng 'mêm mơnat kơ bôl buăl bơ̆n.

Rom 15:1

Lu bơ̆n bơngai mă lui kơjăp boih athei băt tơgŭm lu bơngai lui rơdu, 'nĕ pơjah pơjăng tơdrong sư lui rơdu ưh tam mă kơjăp noh, bơ̆n 'nĕ pơma kơ sư kiơ̆ kơ tơdrong lui bơ̆n.

Ya 2:8

Dah iĕm rok kiơ̆ tơdrong juăt 'Bok Kei-Dei mă đe chih tơ lăm sơ̆p hla bơar Sư, Sư athei bơ̆n 'mêm kơ bôl buăl thoi bơ̆n 'mêm kơ akâu kơdih, tơ̆ng iĕm pơm thoi noh tơpă lei 'lơ̆ng boih.

Rom 12:15

Bơ̆n 'bôh đe hiôk, bơ̆n kư̆m hơdai hiôk; bơ̆n 'bôh đe sơ'ngon, bơ̆n kư̆m hơdai sơ'ngon.

II Kor 11:29

Hăm 'bôh bu lui rơdu mă inh ưh kơ mơnat? Hăm 'bôh bu huŏng lăm tơdrong yoch đe pơhlŭ mă inh ưh kơ sơ'ngon?

Mathiơ 18:6

Bơngai bu pơtuah lu bơngai hơ'lơ̆p mă lui kơ Inh 'lơ̆ng hloh đe jah chô̆ ako sư hăm tơpăl tơmo tih, hơtat lê̆ sư tơ klŏng đak dơsĭ, lei sư hiôk 'biơ̆ yua kơ sư huay kơ gơh pơtuah lu hơ'lơ̆p.

II Kor 6:3

Nhôn ưh kơ đei pơm kơnê̆ kơ đe minh tơdrong kiơ, wă kơ đe huay kơ pơjăm tơdrong jang nhôn.

Philip 2:21

Bơngai nai jang tơchĕng kơ akâu sư kơdih đĕch, ưh kơ tơchĕng kơ tơdrong Yêsu Krist tơpă ôh.

Jo 32:6

Mă-lei Môis tơl nơ̆r lu kon sâu Rubên păng Gat thoi âu: 'Nhŏng oh lu iĕm gô năm tơblah, na iĕm gô oei tơ âu hă?

Esther 2:22

Morđêkai băt tơdrong noh na sư roi ăn kơ yă pơtao Esther. Yă Esther băt đơ̆ng Morđêkai na sư roi ăn kơ pơtao băt, khan sư kơtơ̆ng đơ̆ng Morđêkai.