Phil 1:1 - Sơ̆p Hlabơar Nơ̆r 'Bok Kei-Dei

¹ Hmach bơnê kơ ih, Philêmôn. Anăn inh Pôl oei lăm hnam phak yua kơ inh lui kơ Kră Yang Yêsu Krist. Nhi oh bơ̆n Timôthê chih hơpong kơ ih Philêmôn. Nhôn 'mêm kơ ih tơpă yua kơ ih jang tơdrong 'Bok Kei-Dei thoi nhôn mơ̆n.

Phil 1:1 Referans Kwoze

Êphêsô 3:1

Yua kơ thoi noh na inh Pôl oei krao khan tơgŭm iĕm ling-lang. Inh oei lăm hnam phak noh yua kơ inh jang tơdrong Yêsu Krist bơtho tơgŭm iĕm bơngai khŭl nai.

Phil 1:9

Kơlih inh băt kơ ih đei đon 'mêm mơnat kơ bôl buăl boih na inh roi kơ ih thoi noh đĕch. Mă-lei ih băt kơ inh kră boih păng inh oei lăm hnam phak yua kơ inh lui kơ Kră Yang Yêsu.

Kôlôsê 1:1

Inh âu Pôl bơngai mă 'Bok Kei-Dei rơih pơm jơ̆ng 'bang Yêsu Krist; na âu nhi oh bơ̆n Timôthê

Philip 2:25

Dang ei inh athei Êpaphôdit jah brŏk tơ iĕm, đơ̆ng iĕm wơh sư năm ăn kơ inh tơmam, hăm iĕm wă kơ sư tơgŭm inh tơ âu. Sư 'nhŏng oh bơ̆n 'lơ̆ng tơpă, jang tơgŭm inh, dang linh tơgŭm băl tơdrong tơblah.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

II Tim 1:8

Ih 'nĕ mơlâu kơ bơtho đe tơdrong Kră Yang Yêsu păng ih 'nĕ mơlâu kơ đe phak inh lăm hnam phak. Đe phak inh yua kơ inh lui kơ Kră Yang Yêsu. 'Bok Kei-Dei tơgŭm ih tơpă, na mă ih đei tơdrong gleh pơmat-tat, ih kư̆ adrin bơtho tơdrong 'nao 'lơ̆ng Sư, thoi lĕ kơ inh đei tơdrong pơmat-tat dang ei, inh kư̆m oei adrin mơ̆n.

Kôlôsê 4:11

Jôsuê mă đe anăn Jutu, sư kư̆m jet gia iĕm. Dôm lu bơngai jang hơdai hăm inh bơtho tơdrong 'Bok Kei-Dei lăp pêng 'nu lu đe âu đĕch bơngai Juđê. Lu sư tơgŭm inh dêh na inh hiôk lăm jơhngơ̆m tơpă.

Philip 4:3

Ơ 'nhŏng mă jang pôm đon hăm inh, inh wă kơ ih tơgŭm bre sư, yua kơ ki bre sư jang tơgŭm inh bơtho tơdrong 'nao 'lơ̆ng gleh tơpă. Bre sư jang hơdai nhôn đe 'bok Klêmang, hăm đĭ kơ lu bơngai jang hơdai nhôn; 'Bok Kei-Dei chih boih anăn lu sư tơ hla bơar tơdrong arih Sư.

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

II Kor 1:1

Inh Pôl bơngai mă 'Bok Kei-Dei rơih pơm jơ̆ng 'bang Yêsu Krist, na nhi oh bơ̆n Timôthê chih hơpong kơ lu 'nhŏng oh bơngai lui tơ pơlei iĕm Kôrintô, lu mă 'Bok Kei-Dei rơih iŏk, hăm đĭ-đăng kơ lu kon 'Bok Kei-Dei jơ̆p kơ dêh Grĕk.

II Tes 1:1

Nhôn pêng 'nu, Pôl, Silas, Timôthê, chih hơpong kơ lu bơngai lui tơ Pơlei Têsalônik. 'Bă tơm bơ̆n 'Bok Kei-Dei păng Kră Yang bơ̆n Yêsu Krist wei-lăng iĕm ling-lang.

Êphêsô 6:20

Sư wơh inh năm bơtho kơ đĭ-đăng bơngai. Yua kơ thoi noh na đe areh kơ inh oei chô̆ inh dang ei. Mă-lei inh wă kơ iĕm krao khan tơgŭm inh, wă kơ inh nuih oei bơtho khŏm khŏm kiơ̆ thoi Sư lăp đon.

Jang 16:1

Đơ̆ng noh bre Pôl păng Silas năm tơ Pơlei Dibơ păng năm tơ Pơlei Litrơ. Tơ Pơlei Litrơ ei đei lơ bơngai lui păng đei minh 'nu bơngai anăn sư Timôthê. Mĕ sư bơngai Juđê kư̆m lui mơ̆n, 'bă sư bơngai Grĕk.

Galati 3:26

Dang ei đĭ-đăng kơ bơ̆n jing kon 'Bok Kei-Dei boih yua kơ bơ̆n lui kơ Yêsu.

Philip 1:1

Inh Pôl, nhi Timôthê bơngai đĭch đam Yêsu Krist, chih hơpong kơ lu kon 'Bok Kei-Dei tơ Pơlei Philip, lu iĕm pôm đon hăm Yêsu Krist. Nhi chih hơpong kơ lu kră wei-lăng iĕm hăm lu bơngai jang lăm hnam 'Bok Kei-Dei.

Phil 1:23

Âu Êpapra sư kư̆m oei lăm hnam phak thoi inh mơ̆n kơlih kơ sư lui kơ Kră Yang Yêsu Krist păng dôm lu bơngai rơngei jang hơdai păng inh, anăn sư Markôs, Aritak, Đêmas, Luka, dôm lu sư âu kư̆m đei nơ̆r jet gia ih mơ̆n.