Nhom 4:21 - Sơ̆p Hlabơar Nơ̆r 'Bok Kei-Dei

²¹ Ơ kon adruh Eđôm, oei lăm teh đak Us. Hiôk chơt 'nă hal bĕ. Kơchŏk kư̆m gô jao truh tơ e, E gô huch suai oei akâu hoh.

Nhom 4:21 Referans Kwoze

Tơdrông Tơ'bôh 16:15

Inh 'bôh thoi noh boih na inh kơtơ̆ng Kră Yang Yêsu Krist khan: “Inh wă jur kơplah kon bơngai ưh kơ lêng ê thoi bơngai wă năm tơtông. Hiôk dêh bu mă oei kral kơchăng păng đei hơbĕn ao hrŭk wă kơ đe huay kơ 'bôh sư hang-hông.”

Am 1:11

Kră Yang khan: Yua kơ đơ̆ng kon pơlei Eđôm rai pơm kơnê̆ hloh kơ adrol, thoi ei na Inh ưh kơ lê̆ ôh wă phak lu sư. Yua kơ lu sư đei chĕp đao druh 'moi lu 'nhŏng oh sư kơdih, ưh pă đei jơhngơ̆m băt mơnat, tơdrong hil blĕk lu sư kăp hek băl, pă pơdơh mong tơdrong blĕk ling-lang,

Jop 1:1

Tơ lăm dêh char Usa đei minh 'nu bơngai drŏ-nglo anăn sư Jop, sư đei đon 'lơ̆ng tơpăt, băt hli yom kơ Kră Yang 'Bok Kei-Dei păng weh ataih đơ̆ng tơdrong kơnê̆.

Horiso 137:7

Lăm năr Jêrusalem pơchah. Ơ Kră Yang, 'blŏk bĕ kơ lu kon pơlei dêh char Eđôm. Lu sư khan: “Pơrăm lê̆ bĕ, pơrăm lê̆ bĕ; Dĭng truh tơ hơnă sư!”

Mi 1:11

Ơ kon pơlei Saphir yak năm hăm akâu hoh păng mơlâu! Kon pơlei Sanan ưh kơ pơ̆n lĕch. Kon pơlei Bet Esen nhơ̆m hmoi, yua kơ đe gô blah iŏk anih sư gơnang.

Ob 1:1

Tơdrong tơ'bôh kơ Ôbadia. Kră Yang khan gah Eđôm thoi âu: Lu bơ̆n đei kơtơ̆ng đơ̆ng nơ̆r Kră Yang păng đơ̆ng lu bơngai Sư wơh năm tơ jơ̆p kơ teh đak, thoi âu: Iung bĕ! Lu bơ̆n iung bĕ ayăt păng lu kon pơlei âu wă tơblah hăm sư!

Êsêkiên 26:2

“Ơ kon bơngai, yua kơ pơlei Tirơ pơma 'bơm gah Jêrusalem: “Ah ha! 'Măng jang lu kon pơlei pơla pơchah đĭ boih! Sư pơih ăn kơ inh boih; inh gô rai tih să, na sư răm đĭ bơih.

Êsêkiên 25:8

“Kră Yang khan thoi âu: ‘Môap păng Sêir đei khan: Âu lăng adrĕch Juđa kư̆m lei-lăi kơ char nai,

Êsêkiên 25:6

Na Kră Yang khan thoi âu: Yua kơ ih tap ti, kơtrơ̆m jơ̆ng, jơhngơ̆m chơt hiôk 'nă hal păng pơjăm pơjuă teh đak Isơrael,

Je 49:12

Kră Yang khan: Tơdah lu bơngai mă ưh kơ trŏ huch pơnhan 'nâu, athei huch; lei liơ ih hăm gơh klaih đơ̆ng phak ưh? Ih ưh kơ gơh klaih ôh đơ̆ng tơdrong phak. Sĭt tơpă ih gô huch pơnhan 'nâu.”

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

II Ho 28:19

Yua kơ đơ̆ng Ahas, pơtao đe Isơrael,a na Kră Yang tơhuŏng lu bơngai Juđa, yua kơ Ahas pơm kơnê̆ lăm Juđa, ưh kơ chu Kră Yang.

Bl 36:28

'Nâu kon drŏ-nglo Disan; Us păng Aran.

Habakuk 2:16

Ih gô 'bĕnh kơ tơdrong mơlâu, ưh kơ đei tơdrong ư-ang ôh, lei ih huch bĕ kơdih ih păng pơm thoi lu bơngai tam mă kăt tơdra akar. Pơnhan tơdrong hil Kră Yang chĕp lăm ti 'ma Sư gô tuh kơ ih tơdrong kơnê̆ 'mê̆-'mach gô klơ̆p lê̆ tơ tơdrong ư-ang ih.

Je 49:7

Gah dêh char Eđôm: 'Nâu Kră Yang Tih Hloh khan: “Lăm pơlei Têman ưh pă đei bơngai gơh hơgei boih hă? Lu bơngai gơh hơgei ưh pă đei đon pơđâu boih hă? Tơdrong hơgei sư hiong đĭ boih hă?