Nhom 3:42 - Sơ̆p Hlabơar Nơ̆r 'Bok Kei-Dei

⁴² Lu nhôn pơm yoch, pơđâu blah; Ih ưh pă mơnat ăn boih.

Nhom 3:42 Referans Kwoze

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Sa 1:5

Bê̆ tơ yơ 'bok yă lu iĕm dang ei? Păng lu 'bok khan lê̆ adrol noh hăm đei arih ling-lang ưh?

Êsêkiên 24:13

Tơdrong 'mê̆-'mach ih pơm pơyô kư̆ kă, Inh wă ôp rơgoh ih, mă-lei ih ưh kơ wă tơdrong 'mê̆-'mach ih ôp rơgoh, lei ih ưh pă gơh ôp rơgoh bơih dĭng layơ tơdrong inh hil ngach 'mơ̆i.

Nhom 5:16

Môk pơtao pơlôch boih đơ̆ng kơ̆l lu nhôn, Lu nhôn pơmat-tat dêh, yua kơ lu nhôn pơm yoch!

Nhom 1:18

Kră Yang jơ̆ tơpăt, yua kơ inh đei pơjah boih hăm nơ̆r Sư. Apinh iĕm mơ̆ng, ơ đĭ-đăng kon pơlei, lăng bĕ tơdrong inh blĕk! Kon adruh păng kon tơdăm inh jing bơnă đe boih.

Je 3:13

‘Kư̆ mă ih chu pŭ iŏk tơdrong yoch. Tơdrong mă iĕm blah Kră Yang 'Bok Kei-Dei iĕm; iĕm chă hưch kơ lu yang nai ala tơm 'long hla hơmŭl, păng ưh pă chu yom kơ nơ̆r Inh,’ ” Kră Yang khan.

II Pot 24:4

Păng yua kơ sư pơlôch pham lĕch đơ̆ng lu bơngai ưh kơ đei yoch; yua kơ sư hlôi pơm kơ Pơlei Jêrusalem 'bĕnh kơ pham lu bơngai ưh kơ đei yoch, lei na Kră Yang ưh kơ mơnat kơ sư ôh.

Horiso 107:11

Yua kơ lu sư pơjah kơ nơ̆r Kră Yang 'Bok Kei-Dei păng sơngah kơ tơdrong Kră Yang Tih Hloh pơđâu.

Je 14:20

Ơ Kră Yang lu nhôn băt nhôn yoch kơnê̆, păng tơdrong yoch lu yă 'bok lu nhôn pơm; tơpă lu nhôn đei pơm yoch kơnê̆ boih hăm Ih.

Esơra 9:6

na krao apinh thoi âu: “Ơ, Kră Yang 'Bok Kei-Dei inh! Inh kơdơ̆ mơlâu dêh, ưh kơ pơ̆n ngơk lăng muh măt tơ Ih, Ih boih Kră Yang 'Bok Kei-Dei inh; yua kơ tơdrong yoch kơnê̆ lu nhôn pơm kơjung hloh kơ kơ̆l lu nhôn păng tơdrong yoch lu nhôn pơm kơjung truh tơ plĕnh.

Da 9:15

Dang ei, ơ Kră Yang jơ̆ Kră Yang 'Bok Kei-Dei lu nhôn, Ih boih yua tơpang ti pran kơtang Ih chông anhăk lu nhôn lĕch hlôi đơ̆ng dêh Êyiptơ, anăn Ih đei ư-ang thoi âu năr âu. Gah lu nhôn pơm yoch pơm tơdrong kơnê̆ boih.

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”