Nhom 2:15 - Sơ̆p Hlabơar Nơ̆r 'Bok Kei-Dei

¹⁵ Lu bơngai yak rok trong 'bôh iĕm lu sư tap ti, Hiĕk ăr tơtreh kơ̆l, Yua kơ 'bôh kon adruh Jêrusalem, Hăm trŏ kơ 'nâu pơlei tih mă đe khan pơlei tih pơlei 'lơ̆ng rŏ, đei chơt hiôk kơjăp kơ teh đak?

Nhom 2:15 Referans Kwoze

Je 18:16

Na teh đak lu sư jing bri juơ, pơm kơ đe hiĕk ling-lang; lu bơngai yak rok ei lăng chrơp, Na tơtreh kơ̆l.

Horiso 48:2

Kông Siôn 'lơ̆ng rŏ chơngôl kơjung, thoi anih kơjung Saphon noh, kông Siôn pơlei kơ pơtao tih oei, jing tơdrong chơt hiôk kơ đĭ teh đak.

Êsêkiên 25:6

Na Kră Yang khan thoi âu: Yua kơ ih tap ti, kơtrơ̆m jơ̆ng, jơhngơ̆m chơt hiôk 'nă hal păng pơjăm pơjuă teh đak Isơrael,

Je 19:8

Inh gô pơm kơ pơlei âu jing juơ; ăn kơ đe gô che bơle; bơngai bu yak rok noh gô lăng krưp păng hiĕk kơ tơdrong răm noh.

Horiso 50:2

Đơ̆ng Siôn 'lơ̆ng rŏ. Kră Yang 'Bok Kei-Dei pơchrang boih. Tơdrong 'lơ̆ng rŏ sư.

Jêphania 2:15

To, pơlei chơt hiôk dang ei oei rơnŭk hơnơ̆ng huay pă tơtăm păng khan lăm jơhngơ̆m: “Inh âu, ưh pă đei bu boih 'nguaih kơ inh!” Ô anih lu sư đĭ juơ boih, jing pơm anih 'bĭch kơ lu sem bri, pă băt dang yơ! Thoi noh mưh đei bơngai năm rok trong ei kơđôp ti hiĕk ăr.

Êsai 64:11

Hnam Akŭm 'lơ̆ng rơgoh lu nhôn ư-ang, anih mă 'bok lu nhôn hơri bơnê ư-ang kơ Ih, ŭnh sa đĭ bơih. Đĭ-đăng dôm tơmam kiơ mă lu nhôn gĭt răm đĭ bơih.

Êsai 37:22

'Nâu nơ̆r Kră Yang đei khan gah sư: Lu adruh hle pơlei Siôn Sư pơdê ih, pơjăm ih, kon drŏ-kăn pơlei Jêrusalem tơtreh kơ̆l gah rŏng ih!

Horiso 22:7

Dah bu 'bôh inh lu sư hiĕk ăr. Lu sư gô pơpơm 'bơ̆r cheng păng tơtreh kơ̆l na khan:

Markôs 15:29

Lu đe mă brŏk năm trong ei tơtreh kơ̆l tơhmăi Yêsu khan: “Hmăi Ih khan wă teng pơrăm hnam akŭm 'Bok Kei-Dei tơm wă pơm plơ̆ng kơtĕch pêng năr.

Mathiơ 27:39

Lu đe mă brŏk năm trong ei tơtreh kơ̆l păng tơhmăi Yêsu khan:

Na 3:19

Rơka ih ưh kơ đei pơgang ming klaih, rơka ih jrŭ dêh truh kơ lôch na lu bơngai bu kơtơ̆ng đe roi gah ih lu sư tap ti kơ ih yua ưh kơ đei bơngai bu mă ih ưh kơ đei pơm kơnê̆ thoi ih ngăl juăt kơ pơm ling-lang.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Nhom 2:16

Dôm lu ayăt kơ iĕm ha 'bơ̆r khan kơ iĕm, Hiĕk achơ̆, kăp hơnĕnh, thoi âu: Lu bơ̆n luăn lê̆ sư boih! 'Nâu trŏ boih năr mă lu bơ̆n chang gô,

Nhom 2:6

Sư hơ'nglơh lê̆ pơk sư, thoi pơk lăm pơgar, Kŭm đei pơrăm anih lu sư juăt kơ akŭm. Tơ Siôn, Kră Yang pơm ăn kơ lu sư hiơt đĭ kơ năr akŭm tih păng năr Sa'bat.

Nhom 1:8

Jêrusalem pơm yoch tih, yua kơ 'noh na mă jing kơnê̆ 'mê̆ brư̆. Dôm lu bơngai mă juăt kơ pơyom kơ sư dang ei pă đei boih, Yua kơ 'bôh sư hang-hông. Kơdih kâu lu sư tơtok, na kơdŭn tơ rŏng.

Je 51:37

Babilôn gô jing rơ̆m rĕch, Jing anih kơ lu kŏ bri oei, Anih juơ rơhiăng, ưh pă đei bơngai oei tơ noh. Bu rok trong noh lăng krưp chơbơle.

Je 29:18

Inh gô ăn đao gưm, pơngot rơwĕt păng jĭ hơbuh druh pơrăm lu sư, đe gô puh lê̆ lu sư tơ to tơ âu. Tơ jơ̆p-jang kơ dêh char lăm teh đak âu, lăng krưp, lu sư pŭ hơngiap đe blei hiap, đe che bơle, đe pơjăm pơjuă lu sư tơ rim adrĕch adrung mă Inh đei pơpuh lê̆ lu sư tơ noh.”

Je 25:18

Pơlei tih Jêrusalem păng lu pơlei lăm char Juđa, ăn kơ lu pơtao lu yŏng pơgơ̆r, pơm ăn kơ lu sư răm jing rơ̆m rĕk, đe pơjăm đe blei hiap, đe lăng lu sư 'brơ̆ krưp thoi hrei 'nâu.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

II Ho 7:21

Hnam 'nâu mă khan kơjung rŏ dang yơ, dah đei bu yak rok noh 'bôh hlĭch na jet! “Yua kơ kiơ Kră Yang pơm kơ char 'nâu păng hnam 'nâu thoi noh?”

II Pot 19:21

'Nâu bơih nơ̆r Kră Yang khan kơ sư: “Adruh hle pơlei Siôn hiĕk pơjăm ih, gah rŏng ih Adruh Hơlai Jêrusalem tơtreh kơ̆l,

Horiso 64:8

Kră Yang gô pơlôch lu sư, hơpiĕt lu sư gô blah plơ̆ lu sư kơdih; Đĭ-đăng lu bơngai 'bôh lu sư gô tơtreh kơ̆l.

Horiso 109:25

Inh jing bơngai lu sư pơjăm. Mưh 'bôh inh lu sư tơtreh kơ̆l.

Êsai 28:21

Kră Yang gô iung pơm thoi Sư pơm tơ kông Parêsim, Sư gô hil thoi tơ thŭng Gibeôn, wă pơm tơdrong jang Sư, jơ̆ tơdrong jang hơnat păng pơm tơdrong hlĭch chrơp.

Je 48:27

Hăm trŏ lu iĕm sơ̆ kư̆m hiĕk ăr kơ Isơrael? Tam đei đe tơ'bơ̆p rôp Isơrael hơdai hăm lu bơngai tơtông ưh? Lei liơ mah mưh iĕm pơma 'bơm sư iĕm tơtreh kơ̆l che bơle?

Nhom 1:21

Đe kơtơ̆ng nơ̆r inh ôr krao. Mă-lei ưh kơ đei năm pơlung. Lu ayăt kơ inh đei tơdrong pơmat-tat, Băt kơ Ih đei pơm kơ inh na lu sư chơt hiôk, Ăn bĕ năr mă? Ih pơkă noh truh! Wă kơ lu sư kư̆m nhen thoi inh!

Êsêkiên 16:14

Đơ̆ng tơdrong 'lơ̆ng hơbŏ ih jing ư-ang jơ̆p kơ lu dêh char, yua kơ tơdrong 'lơ̆ng rŏ hơbŏ liĕm, mă Inh 'măn kơ ih, Kră Yang Tih Hloh khan thoi noh.

Horiso 48:3

Lăm pơlei tih noh, Kră Yang 'Bok Kei-Dei pơdah boih akâu sư kơdih thoi minh anih kơ'nơp kơjăp.

Je 26:6

na Inh gô pơm ăn kơ hnam akŭm âu thoi Inh đei pơm boih kơ pơlei Silô, na đĭ-đăng dêh char lăm teh gô hiap pơlei Inh âu.

Êsêkiên 5:15

Ih gô jing tơmam đe pơjăm, đe che bơle hiĕk ăr, pơm kơ lu dêh char jum dăr kơ ih hli tơrơ, mưh Inh đei hil mĭl. Păng phak bơtho trăp tơpă. Inh boih Kră Yang mă đei khan thoi noh!

Êsêkiên 16:13

Ih pơguăng hăm maih, hu, hrŭk ao tai che 'bui tanh hăm brai se, che tơpu hơdrông păng che dônh sĭt. Ih sa tơpŭng 'lơ̆ng hăm đak sut, đak rơmă ôliwơ. Ih jing 'lơ̆ng hơbŏ trŏ lăp thoi pơtao drŏ-kăn.

Êsêkiên 23:32

Kră Yang khan thoi âu: “Ih gô nhă pơnhan mŏ ih; pơnhan jrŭ păng să, ih gô jing bơngai đe hiĕk che bơle păng pơjăm yua kơ pơnhan noh mong lơ.

Da 9:16

Ơ! Kră Yang 'Bok Kei-Dei, kư̆ kiơ̆ tơdrong tơpăt Ih, inh apinh Ih pơm kơ tơdrong Ih hil weh đơ̆ng pơlei Jêrusalem Ih, wă khan kông rơgoh Ih; yua kơ tơdrong yoch lu nhôn păng tơdrong kơnê̆ lu 'bok yă nhôn, na mă pơlei Jêrusalem păng kon pơlei pơla sư pŭ iŏk tơdrong pơ'brơh đơ̆ng lu bơngai oei tăp dăr kơ lu nhôn.