Nhom 1:16 - Sơ̆p Hlabơar Nơ̆r 'Bok Kei-Dei

¹⁶ Yua kơ thoi noh boih inh nhơ̆m hmoi, na đak măt inh lĕch lơ. Yua kơ lu bơngai râu pơlung jơhngơ̆m inh đĭ ataih boih. Kon sâu inh pơmat-tat, yua kơ jei lu ayăt boih.

Nhom 1:16 Referans Kwoze

Nhom 1:2

Sư nhơ̆m ơh ol kơmăng, đak măt lĕch 'bĕnh kơ tơ'bŏk. Dôm lu bơngai mă 'mêm kơ sư, ưh kơ đei bu pơlung sư. Buôl buăl sư pơm tơwih kơ sư, tă kơ jing ayăt ngăl.

Nhom 2:18

Jơhngơ̆m kon pơlei ih ôr krao truh tơ Kră Yang, Ơ dur pơlei kon adruh Siôn, Ăn bĕ đak măt iĕm ro thoi đak glung. Iĕm 'nĕ pă pơhơi; măt iĕm lăng 'nĕ pă pơdơh.

Nhom 2:11

Măt inh đĭ hrŏ yua kơ đak măt lĕch, jơhngơ̆m inh rŭng răng. Păng huŏng tơ teh, Yua kơ đơ̆ng đe pơrăm kon adruh pơlei inh. Yua kơ lu kon hơ'lơ̆p, yua kơ lu kon nge hơngơ̆t tơ rok trong lăm pơlei tih.

Je 14:17

Apinh ih khan kơ lu sư nơ̆r 'nâu: Ăn kơ măt inh lĕch đak măt ling-lang, Măng năr ưh kơ pơdơh, yua kơ kon adruh inh, kơ kon pơlei inh, răm-'băm jĭ rơka hơbur dêh, đe pơm jĭ pơmat dêh kơ lu sư.

Je 13:17

Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.

Horiso 119:136

Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.

Hôsia 9:12

Mă khan lu sư 'me rong lu kon hơ'lơ̆p, Inh gô pơlôch lê̆ đĭ-đăng pă đei bu oei arih dơ̆ng. Răm-'băm dêh kơ lu sư. Mưh inh achăng lê̆ lu sư!

Nhom 1:9

Hơbĕn ao lu sư mơgrĭ; sư ưh pă đei tơchĕng boih năr tôch wă truh kơ sư! Tơdrong rơdu sư phara, ưh pă đei bu pơlung sư! Ơ Kră Yang apinh Ih lăng tơdrong pơmat-tat inh, yua kơ lu ayăt pôk pơang lu sư kơdih pơm tih.

Je 9:21

Tơdrong lôch tŏk tơ 'măng-'mŏk bơ̆n boih, Mơ̆t truh boih tơ lu anih kơjăp bơ̆n; Pơlôch boih lu hơ'lơ̆p tơ rok trong tih, pơlôch boih kon tơdăm bơ̆n tơ lăm cham pơlei.”

Je 9:10

“Inh gô nhơ̆m hmoi kơ kông, nhơ̆m hmoi kơ tơmăn 'nhĕt lăm char glă, đe pơrăm lê̆ lu sư boih: ‘Ô dĭng mah pă đei bơngai yak găn rok noh. Tơ noh kư̆m pă đei kơtơ̆ng lu kon rơmo hmoi, Mă lu sem păr kư̆m pă kơtơ̆ng asi, lu sem bri kư̆m kơdâu đĭ tơ nai.’

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!

Horiso 69:20

Inh pơmat-tat dêh, jơhngơ̆m inh pơchah yua kơ tơdrong mơlâu. Inh oei chang bơngai mơnat kơ inh, mă-lei ưh kơ đei bu; Inh chang đei bơngai pơlung, mă-lei ưh đei 'bôh bu.

Je 8:18

Tơdrong chơt hiôk inh pă đei boih, a tơdrong pơmat pơm kơ inh, jơhngơ̆m inh đĭ rơdu rơmơ̆n.

Horiso 106:42

Lu bơngai ayăt pơjuă pơđep lu sư. Lu sư chu kŭp kơ̆l jang kơ đe noh.

Êsai 54:11

Ơ lu bơngai oei pơmat-tat, đơ̆ng kial hơbŭt huơ̆r ưh kơ đei bu pơlung. 'Nâu Inh gô man ih hăm tơmo gĭt, lơ̆k hơnă ih păng tơmo gĭt Saphir.

Je 15:5

Bu gô mơnat kơ ih, ơ pơlei Jêrusalem? Bu gô hmoi kơ ih? Bu chă wơ̆t weh ngôi jet ih?”