Nhom 1:14 - Sơ̆p Hlabơar Nơ̆r 'Bok Kei-Dei

¹⁴ 'Long ăt tơdrong yoch Sư chô̆ ti inh. Sư dan đĭ hơchô̆ trăp dêh, Sư pơm ăn tơdrong pran kơtang inh hiong đĭ. Kră Yang jao lăm ti lu sư boih, na inh pă kĕ blah dơ̆ng.

Nhom 1:14 Referans Kwoze

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Both 28:48

Lu iĕm gô bơ̆jang kơ lu bơngai ayăt, mă Kră Yang wơh năm blah iĕm. Iĕm gô pơngot rơwĕt hoh-hoy păng kơ'bah kơ'bôch lăm tôm tơdrong, Sư gô tơ'băk 'long ăt bơsei tơ hơko iĕm dĭng truh iĕm lôch răm đĭ.

Êsêkiên 25:7

na âu, Inh gô hiŏng ti phak ih, Inh gô pơjao ih kơ lu teh đak thoi tơmam đe tơtông tơgar, Inh gô puh tơweh ih đơ̆ng lu kon pơlei; inh gô pơlôch ih đơ̆ng lu teh đak. Inh gô pơrăm ih păng ih gô băt Inh boih Kră Yang.’ ”

Êsêkiên 25:4

na Inh gô pơjao ih kơ lu adrĕch adrung gah hơlĕch yua pơm tơmam sư. Lu sư gô pơm anih tơ lăm ih; păng oei tơ noh; lu sư gô phĕ sa plei 'long ih păng nhă đak toh ih.

Je 28:14

'Nâu Kră Yang Tih Hloh, 'Bok Kei-Dei bơngai Isơrael khan: Inh gô tơ'băk 'long ăt păng bơsei tơ ako rim adrĕch adrung âu, wă kơ lu sư pơm đĭch kơ Nebukatnessar pơtao Babilôn păng chu jang kơ sư, mă lu sem bri Inh kư̆m đei jao boih kơ sư.”

Tơdrông Pơđơk 5:22

Lu bơngai pơm kơnê̆ gô 'leh hơđong đơ̆ng tơdrong yoch sư kơdih. Tơdrong yoch sư kơdih gô chô̆ sư.

Hôsia 5:14

Inh gô jing thoi dăm-brang kơ lu bơngai Êphraim, thoi kon dăm-brang kơ bơngai Juđa. Inh boih gô kăp hek lu sư, na yak hloi tơ nai. Inh gô chông ba, ưh kơ đei bu gơh plah dŏng lu sư ôh.

Êsêkiên 23:28

Na 'nâu Kră Yang khan: “Âu, Inh gô pơjao ih lăm ti lu bơngai mă ih areh, lăm ti lu bơngai mă jơhngơ̆m ih ơh klai.

Êsêkiên 21:31

Inh gô tuh tơdrong hil mĭl Inh tơ ih; Inh gô soh ŭnh tơdrong Inh blĕk tơ ih păng Inh gô pơjao ih ăn kơ lu bơngai kơnê̆, juăt kơ pơrăm đe.

Êsêkiên 11:9

Inh gô pơpuh lê̆ lu iĕm lĕch đơ̆ng pơlei âu, gô pơjao lu iĕm lăm tơpang ti lu bơngai tơmoi păng sek phak lu iĕm.

Je 37:17

Pơtao Sêđekia wơh đe năm krao Jêrêmi ba tơ hnam pơtao, sư jet Jêrêmi hơdrô̆ lăm hnam sư: “Kră Yang hăm đei khan kiơ?” Jêrêmi tơl: “Đei mơ̆n, đe gô jao ih tơ lăm ti pơtao Babilôn.”

Je 32:5

Pơtao Babilôn gô rôp anhăk ba pơtao Sêđekia tơ Babilôn, sư gô oei tơ noh truh tơ Inh hơmet sư, tơdah Lu iĕm tơblah hăm bơngai Kalđê, ưh kơ đei jei iĕm ôh?”

Je 27:12

Inh kư̆m roi ăn dôm nơ̆r noh kơ Sêđekia pơtao đe Juđa. “Mơ̆t bĕ ako ih lăm 'long ăt pơtao Babilôn, chu kơ sư păng kon pơlei sư, lei na iĕm gơh arih.

Je 27:8

“Tơdah khŭl bơngai ayơ, dêh char ayơ ưh kơ chu bơ̆jang kơ Nebukatnessar, pơtao Babilôn păng ưh kơ wă 'băk 'long ăt pơtao Babilôn tơ ako sư,” Kră Yang 'Bok Kei-Dei khan: “Na Inh gô yua đao gưm, pơngot rơwĕt, jĭ hơbuh, pơmat bơngai noh dĭng mă Inh ăn dêh char noh lăm ti pơtao Nebukatnessar pơrăm.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Êsai 14:25

Inh gô blah pơrăm bơngai Asiri lăm teh đak Inh, gô pơjuă bơhlơ̆r sư tơ kơpal kông Inh, 'long ăt sư gô plôh gơ̆ lê̆ đơ̆ng lu kon pơlei Inh, hơnong trăp sư gô hơ'nglơh lê̆ đơ̆ng hơngiĕng lu sư.”

Je 28:13

Ih năm khan bĕ kơ Hanania: Kră Yang khan: Ih gơ̆ lê̆ boih 'long ăt pơm păng 'long đơ̆ng Jêrêmi mă-lei Inh gô tơ'băk ăn kôih 'long ăt pơm păng bơsei.”

Je 32:3

Sêđekia, pơtao đe Juđa, rôp chĭt Jêrêmi, pơtao jet: “Liơ ih khan lê̆ adrol khan:” Kră Yang khan: “Inh gô jao pơlei tih 'nâu lăm ti pơtao Babilôn, sư gô blah iŏk.

Mi 2:3

Thoi noh na, Kră Yang khan thoi âu: “'Nâu Inh gô pơm tơwih kơ lu adrĕch adrung âu. Minh tơdrong truh pơmat-tat mă lu iĕm kư̆m ưh kơ gơh klaih ôh, lu iĕm ưh pă gơh yak ngơk kơ̆l chhôk hal, yua kơ 'noh jơ̆ năr pơmat-tat.