Ne 9:17 - Sơ̆p Hlabơar Nơ̆r 'Bok Kei-Dei

¹⁷ Lu sư ưh kơ chu kiơ̆ păng ưh kơ 'blŏk dôm tơdrong mơsêh mơyang Ih đei pơm boih tŏk-bŏk lu sư; mă-lei lu sư arăng kơ̆l, lăm tơdrong lu sư pơm kơchu rơih chă minh 'nu bơngai pơm yŏng wă chông hơlơ̆k brŏk tơ dêh char Êyiptơ dơ̆ng mă đêl lu sư pơm đĭch. Mă-lei Ih boih Kră Yang 'Bok Kei-Dei huay kơ jô̆ yo băt kơ 'mêm mơnat, hiơ̆ kơ hil păng 'bĕnh hăm tơdrong 'mêm mơnat, Ih ưh kơ achăng lê̆ lu sư ôh.

Ne 9:17 Referans Kwoze

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

Jôel 2:13

Hek bĕ jơhngơ̆m lu iĕm, 'nĕ kơ hek hơbĕn ao lu iĕm.” Wih brŏk bĕ tơ Kră Yang 'Bok Kei-Dei lu iĕm, yua kơ Sư iơ̆m dim, păng băt mơnat hiơ̆ kơ hil, păng 'bĕnh kơ tơdrong 'mêm mơnat, păng Sư băt tơplih huay pă pơrăm.

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Rom 9:15

Tơdrong noh bơ̆n gô mơ̆ng kơ 'Bok Kei-Dei đĕch, yua kơ sơ̆ 'Bok Kei-Dei khan kơ Môis thoi âu: “Inh 'mêm kơ bu gô mơ̆ng kơ Inh wă 'mêm đĕch.”

Horiso 78:38

Mă-lei yua kơ tơdrong 'mêm mơnat Sư huay kơ jô̆ yoch, ưh kơ wă pơrăm lu sư; Lơ wơ̆t sư gơ̆t lê̆ kơ hil, Sư ưh kơ mah tơ'bôh dêh tơdrong Sư hil.

I Pot 6:13

Inh gô oei hơdai lu bơngai Isơrael. Inh ưh kơ achăng lê̆ ôh bơngai Isơrael kon pơlei pơla inh.”

Horiso 106:7

Tơ dêh char Êyiptơ 'bok lu nhôn ưh kơ 'bôh tơdrong hlĭch chrơp Ih kư̆m ưh kơ 'blŏk tơdrong Ih 'mêm mơnat dêh Mă-lei rai pơm plơ̆ tơ đak dơsĭ, noh đak dơsĭ 'brê.

Horiso 78:11

Hiơt đĭ dôm tơdrong jang Kră Yang mă đei pơm. Păng tơdrong hlĭch chrơp mă Kră Yang đei tơ'bôh ăn kơ lu sư.

I Pot 8:57

Apinh Kră Yang 'Bok Kei-Dei apinh Sư oei hơdai lu bơ̆n thoi lĕ Sư oei hơdai lu 'bok bơ̆n sơ̆, 'nĕ ăn kơ Sư hŭt achăng lê̆ lu bơ̆n.

Horiso 106:13

Mă-lei lu sư 'bônh kơ hiơt kơ tơdrong Sư đei pơm boih. Ưh pă đei gô nơ̆r Kră Yang pơđâu.

Horiso 130:4

Mă-lei Ih đei jơhngơ̆m huay kơ jô̆ yo wă kơ đe hli yom kơ Ih.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

Jang 7:39

“Mă-lei lu kơdră bơ̆n sơ̆ ưh kơ chu kơ Môis ôh, ưh kơ wă kơ Môis pơgơ̆r lu sư. Lu sư 'maih wih tơ dêh Êyiptơ đĕch.

Tơdrông Pơđơk 1:24

Yua kơ Inh krao, mă-lei lu iĕm sơngah, Inh yơ̆r ti, kư̆m ưh kơ đei bơngai bu wă lăng;

Jo 16:14

Tơpă, ih ưh kơ đei chông ba nhôn tơ lăm char mă đak toh đak sut ôh, ih ưh kơ đei pơjao ăn kơ lu nhôn mir chŭn pơgar wă kơ jang sa ôh! Ih wă kuek lê̆ măt lu nhôn hă? Lu nhôn ưh kơ wă năm ôh.

Jo 14:41

Mă-lei Môis khan: Liơ lu iĕm pơm pơhloh kơ nơ̆r Kră Yang tơtă? Tơdrong noh ưh kơ gơh ôh.

Jo 14:11

Kră Yang khan kơ Môis thoi âu: Kon pơlei 'nâu hil areh păng ưh kơ lui kơ Inh dĭng dang yơ, mă khan Inh đei pơm tơ'bôh tơdrong hlĭch 'bơ̆t anăp lu sư boih ră?

Ne 9:31

Yua kơ Ih đei jơhngơ̆m 'mêm tih dêh, Ih ưh kơ đei pơlôch pơrăm lu sư, kư̆m ưh kơ đei achăng lê̆ lu sư, yua kơ Ih boih Kră Yang 'Bok Kei-Dei 'mêm mơnat păng pơm 'lơ̆ng.

Je 19:15

“Kră Yang Tih Hloh, 'Bok Kei-Dei lu bơngai Isơrael khan: ‘'Nâu, Inh gô ăn tơdrong răm truh kơ pơlei 'nâu hăm lu pơlei jum dăr thoi Inh khan lê̆, yua kơ lu sư arăng kơ̆l, kuă kơ mơ̆ng nơ̆r Inh.”

Êsêkiên 5:6

Isơrael ưh kơ chu blah plơ̆ khôi juăt păng nơ̆r Inh tơtă pơm kơnê̆ hloh kơ lu bơngai nai păng lu dêh char jum dăr kơ sư. Sư sơngah kơ khôi juăt Inh păng ưh kơ pơm kiơ̆ nơ̆r Inh tơtă.”

Da 9:9

Kră Yang 'Bok Kei-Dei Ih đei tơdrong mơnat ăn păng huay kơ jô̆ yo, Ih Kră Yang 'Bok Kei-Dei lu nhôn; mă khan lu nhôn ưh kơ chu Ih.

Na 1:3

Kră Yang hiơ̆ kơ hil păng đei mơsêh pran kơtang tih; mă-lei Sư kư̆m ưh kơ lê̆ phak lu bơngai pơm yoch. Kră Yang yak năm lăm kial phŭt păng hơbŭt hơbang, lu hơmơ̆l păng 'mui tơ ala jơ̆ng Sư.

Le 32:9

Kră Yang khan kơ Môis: Inh 'bôh boih kon pơlei pơla âu jing kon pơlei pơla arăng kơ̆l tơpă.

Lêwi 26:44

Mă khan thoi ei kơplah lu sư oei lăm char lu bơngai ayăt kơ lu sư, Inh kư̆m ưh kơ đei hŭt lê̆ lu sư ôh, kư̆m ưh kơ areh kơ lu sư mơ̆n dĭng mah Inh pơrăm đĭ lu sư. Păng Inh ưh kơ hŭt lê̆ tơdrong pơgơ̆p hăm lu sư; yua kơ Inh Kră Yang 'Bok Kei-Dei lu sư.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

Esơra 9:9

Yua kơ lu nhôn tơm hmơm sơ̆ jĭ bơngai pơm đĭch; mă-lei Kră Yang 'Bok Kei-Dei nhôn ưh kơ đei achăng lê̆ lu nhôn kơplah oei pơm đĭch sơ̆, Sư ăn kơ nhôn tơdrong Sư 'mêm sĭt 'bơ̆t anăp pơtao Phersia, wă ăn kơ lu nhôn arih 'biơ̆ wă kơ gơh pơm hnam akŭm Kră Yang 'Bok Kei-Dei lu nhôn păng wă kơ wih pơm ming đêl pơchah răm, kư̆m ăn kơ lu nhôn minh anih oei kơjăp lăm dêh Juđa păng pơlei Jêrusalem.

Horiso 78:10

Lu sư ưh kơ wei răk nơ̆r pơgơ̆p hăm Kră Yang 'Bok Kei-Dei, Hơngah ưh kơ chu arih kiơ̆ khôi juăt Sư.

Je 7:26

Mă-lei lu sư arăng kơ̆l ưh kơ wă mơ̆ng Inh, kư̆m ưh kơ wă pơgling đon mơ̆n, lu sư rai pơm kơnê̆ hloh kơ lu 'bok yă sư.

Je 18:15

Mă-lei kon pơlei Inh hiơt kơ Inh; Soh 'long 'bâu phu kơ rup yang kư̆ kă. Sơ̆ lu sư kiơ̆ trong so, mă-lei pơ̆k huŏng yua kơ rup yang, Na weh kiơ̆ trong nai, lu trong tam mă hơmet.