Ne 9:12 - Sơ̆p Hlabơar Nơ̆r 'Bok Kei-Dei

¹² Kơ'năr Ih yua hơmơ̆l chông anhăk lu sư păng kơmăng Ih yua jrăng ŭnh, wă pơchrang hơdah kơ lu sư yak năm rok trong.

Ne 9:12 Referans Kwoze

Ne 9:19

Mă-lei Ih yua tơdrong Ih 'mêm, ưh kơ đei achăng lê̆ lu sư lăm char glă, jrăng hơmơ̆l chông anhăk rok trong kơ'năr, ưh kơ weh đơ̆ng lu sư ôh, kơmăng jrăng ŭnh pơchrang hơdah păng tơ'bôh trong kơ lu sư yak kiơ̆.

Horiso 143:8

Pơgê hrôih, apinh Ih ăn kơ inh kơtơ̆ng nơ̆r Ih 'mêm mơnat. Yua kơ inh gơnang kơ Ih. Apinh Ih bơtho ăn kơ inh trong wă yak kiơ̆. Yua kơ inh hơtŏk bơhngol inh tơ Ih.

Horiso 107:7

Dui ba lu sư rok trong tơpăt. Lu sư năm truh tơ pơlei tih mă gơh oei.

Horiso 105:39

Sư bơyar hơmơ̆l wă kơ pơyơ̆l kơ kon pơlei Sư, Păng kơmăng đei ŭnh pơchrang hơdah.

Horiso 78:14

Sư chông ba lu sư kơ'năr hăm hơmơ̆l, kơmăng hăm hơdah ŭnh.

Le 15:13

Hăm jơhngơ̆m Ih 'mêm mơnat sĭt dui anhăk kon pơlei 'nâu mă Ih đei huai iŏk boih; Ih yua tơdrong pran kơtang pơgơ̆r lu sư wih tơ anih 'lơ̆ng rơgoh mă Ih oei.

Jo 9:16

Đei thoi noh ling-lang; kơ'năr đei hơmơ̆l gom Bơsŭn Anih Akŭm păng kơmăng hơmơ̆l noh thoi ŭnh.

Both 1:33

Jơ̆ Tơ'ngla năm adrol chông lu iĕm năm rok trong wă chơchă kơ lu iĕm minh anih oei; kơmăng yua ŭnh, kơ'năr yua hơmơ̆l, wă ba trong lu iĕm yak năm.

Jo 9:21

Tơdah hơmơ̆l gom Bơsŭn Anih Akŭm noh đơ̆ng kơsơ̆ truh pơgê păng dah pơgê dơning hơmơ̆l noh đông weh, na lu sư yak; mă kơ'năr dah kơmăng mơ̆ng kơ hơmơ̆l đông weh, na lu sư yak năm.

Êsêkiên 20:6

Lăm năr noh Inh yơ̆r ti pơkă hăm lu sư, inh gô chông anhăk lu sư lĕch đơ̆ng char Êyiptơ năm tơ anih mă Inh đei chơchă ăn kơ lu sư bơih, teh đei đak toh păng đak sut lơ, noh teh ư-ang hloh kơ đĭ-đăng char.