Ne 2:10 - Sơ̆p Hlabơar Nơ̆r 'Bok Kei-Dei

¹⁰ Mă-lei kơplah noh Sanhalat bơngai Hôrôn păng Tôbia đĭch đam Ammôn, băt tơdrong noh, na ưh kơ hiôk yua kơ đei bơngai truh wă chă tơgŭm lu kon pơlei Isơrael.

Ne 2:10 Referans Kwoze

Ne 4:7

Mă-lei tơdah Sanbalat, Tôbia lu bơngai Arâp, kon pơlei Ammôn păng kon pơlei Asdôt băt kơ tơdrong jang pơm hơmet ming dur pơlei Jêrusalem rai tŏk 'net 'net, lu bơlôh pơchah man hơmet ming 'lơ̆ng na lu sư blĕk păng hil dêh.

Ne 2:19

Sanbalat, bơngai Hôrôn, Tôbia đĭch đam Ammôn păng Gêsem bơngai Arâp kơtơ̆ng tơdrong jang 'nâu, na lu sư hiĕk che bơle kơ lu nhôn, lu sư khan: Lu iĕm pơm kiơ̆ lu iĕm wă blơ̆ pơtao hă?

Tơdrông Pơđơk 27:4

Tơdrong hil mĭl kơnê̆ tơpă, Tơdrong hil thoi đak lĕch ro blai lơ̆p, Bu kĕ dơ̆ng 'bơ̆t anăp tơdrong hil gar.

Ne 13:4

Adrol kơ tơdrong noh, 'bok soi Êliasip, đei rơih iŏk wă bơwei anih lăm hnam Kră Yang 'Bok Kei-Dei lu nhôn, bơngai mă pơgơ̆p boih hăm Tôbia,

Ne 6:1

Tơdah đe roi Sanbalat, Tôbia, Gêsem, bơngai Arâp păng lu ayăt kơ lu nhôn nai, băt kơ inh man hơmet ming dur boih, ưh pă đei bơlôh ayơ dơ̆ng, mă khan inh tam mă pơm lu 'măng iĕ tơ 'măng jang.

Jang 5:24

Yŏng linh wei hnam akŭm 'Bok Kei-Dei tơm păng lu 'bok soi tih kơtơ̆ng thoi noh, lu sư sơleng kơ đon tơpă păng ưh kơ băt lu jơ̆ng 'bang tơ yơ boih.

Jang 4:2

Lu sư ơh klai kơ bre Pêtrôs păng Yôhan bơtho khan tơdrong Yêsu iung arih đơ̆ng lôch boih, khan bơngai bơ̆n lôch boih na khan gô iung arih dơ̆ng lei-lăi thoi Yêsu.

Je 48:34

Hmoi ôr đơ̆ng pơlei Hesbôn kơtơ̆ng truh tơ pơlei Êlêaleh păng pơlei Jahas, đơ̆ng pơlei Soar dĭng truh tơ pơlei Hôrônaim păng pơlei Êglat Sêlisia. Mă đak glung Nimrim kư̆m hrơ̆ boih.”

Je 48:5

Rok trong suăn tŏk tơ pơlei Luhit, lu sư tŏk nhơ̆m hmoi rah; jur tơ krang năm tơ pơlei Hôrônaim, kơtơ̆ng đe nhơ̆m hmoi kơ tơdrong pơrăm.

Êsai 15:5

Jơhngơ̆m inh hmoi ơh kơ Môap. Lu kon pơlei sư kơdâu ôn tơ pơlei Soar păng truh tơ pơlei Êglat Sêlisia, lu sư tŏk năm tơ pơlei Luhit, nhơ̆m rah yak rah rok trong pơlei Hôrônaim, lu sư hmoi ơh sơ'ngon yua kơ tơdrong đe pơrăm đĭ.

Bôk Bơthô 10:7

Inh kư̆m 'bôh bơngai đĭch hao aseh, na yŏng tơ'ngla sư tă nơnăm jơ̆ng hoh nhen thoi bơngai đĭch.

Tơdrông Pơđơk 30:22

Bơngai đĭch bu jing pơm pơtao. Bơngai kơwao bu đei tơmam sa phĭ rơkah.

Horiso 112:10

Lu ayăt gô 'bôh păng blĕk tơpă. Kăp hơnĕnh, đơ̆ng noh lôch hiong đĭ, Tơdrong lu bơngai pơm kơnê̆ hơpơi gô ưh kơ đei.

Ne 13:1

Lăm năr noh, đe đŏk lăng lăm sơ̆p hla bơar Môis đei ăn kơ kon pơlei mơ̆ng; lăm noh đei chih roi kơ bơngai Ammôn păng bơngai Môap ưh kơ gơh mơ̆t akŭm ôh lăm hnam akŭm Kră Yang 'Bok Kei-Dei.

Ne 6:16

Tơdah lu bơngai ayăt kơ lu nhôn băt dôm tơdrong noh, na lu kon pơlei oei tăp dăr kơ lu nhôn kư̆m hli tơrơ păng jơhngơ̆m ưh kơ hiôk; yua kơ lu sư băt tơdrong jang âu gơh keh jing đơ̆ng Kră Yang 'Bok Kei-Dei lu nhôn.

Ne 13:28

Đei minh 'nu lăm kon drŏ-nglo Jôiada, sâu Êliasip 'bok soi tơm, ŏng Sanbalat, bơngai Hôrôn; yua kơ thoi noh inh puh tơweh lê̆ sư.

Esther 10:3

Yua kơ Morđêkai bơngai Juđa jing minh 'nu bơngai pơm kơiĕng pơtao Asêrus păng pơm tih lăm adrĕch Juđa, hăm đĭ-đăng lu 'nhŏng oh sư lăp đon kơ sư, yua kơ sư chă tơdrong pơm 'lơ̆ng kơ kon pơlei pơla pơma rơngơp kơ đĭ-đăng adrĕch adrung sư păng tơgŭm dŏng adrĕch adrung sư hiôk-hian. 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Je 41:10

Ismael rôp pơđĭ kon bơngai mă oei arih lăm pơlei Mispa, lu kon drŏ-kăn pơtao păng lu kon pơlei mă oei lê̆ tơ lăm pơlei Mispa mă Nebusaradan yŏng pơgơ̆r lu linh gak pơtao jao boih kơ Gêđalia, kon drŏ-nglo Ahikam. Ismael kon drŏ-nglo Nethania, rôp lu bơngai noh chông ba, năm tơ gah char Ammôn.