Ne 12:36 - Sơ̆p Hlabơar Nơ̆r 'Bok Kei-Dei

³⁶ hăm 'nhŏng oh sư, Sêmaia, Asarel, Milalai, Gilalai, Mai, Nêthanêl, Juđa păng Hanani, chĕp reh brŏ hơri Đawit, bơngai Kră Yang 'Bok Kei-Dei păng Esơra, bơngai chih hla bơar, nơnăm adrol kơ lu sư.

Ne 12:36 Referans Kwoze

Ne 12:24

Lu kră kơdră lăm bơngai Lêwi: Đei Hasabia, Serêbia păng Jêsua kon drŏ-nglo Katmiel, hơdai hăm 'nhŏng oh lu sư dơ̆ng tơklă băl pơrĕng kiơ̆ khŭl, wă kơkuh bơnê pơm kiơ̆ thoi nơ̆r Đawit bơngai Kră Yang 'Bok Kei-Dei.

II Ho 8:14

Kiơ̆ thoi Đawit 'bă sư, tơtă, sư asong tơdrong jang ăn kơ lu 'bok soi kiơ̆ kơ tơdrong jang khŭl lu sư, jao kơ khŭl bơngai Lêwi hat hơri ư-ang păng bơ̆jang tơgŭm lu 'bok soi, jang kiơ̆ tơdrong jang rim năr; tơ rim kơ 'măng jang Sư kư̆m đei ăn kơ khŭl bơngai gak 'măng jang, yua kơ 'nâu nơ̆r Đawit tơtă, bơngai Kră Yang 'Bok Kei-Dei.

I Ho 23:5

Na puăn-rơbâu 'nu bơngai jang gak wei-lăng 'măng jang; păng puăn-rơbâu 'nu bơngai hơri ư-ang kơ Kră Yang păng brŏ inh ăn kơ bơngai hơri bơnê ư-ang.

Am 6:5

Tơpă, lu iĕm hơri nơ̆r kư̆ kă chă pơlăp kiơ̆ kơ brŏ chă pơm brŏ kơdih khan rok thoi pơtao Đawit.

Esơra 8:1

'Nâu, lu kơdră mă pơgơ̆r adrĕch adrung, khŭl bơngai đơ̆ng Babilôn wih hăm inh, lăm chăl pơtao Artaserses pơgơ̆r.

Esơra 7:1

Đơ̆ng rŏng lu tơdrong ei, trŏ kơ lăm chăl Artaserses, pơtao Phersia, đei Esơra, kon drŏ-nglo Sêraia;

Jo 1:8

đơ̆ng adrĕch Isakar đei Nathanel kon drŏ-nglo Suar;

Ne 12:35

păng lu kon drŏ-nglo 'bok soi mơ'nah hlôm keng; Sachari kon drŏ-nglo Jônathan, sâu tơm Sêmaia, sâu i Matania, sâu ach Mika; Mika kon drŏ-nglo Sakur, sâu Asap;