Na 1:5 - Sơ̆p Hlabơar Nơ̆r 'Bok Kei-Dei

⁵ Lu kông pơpơ̆ 'bơ̆t anăp Sư, lu groi gô hach hiong; teh đak păng lu kon bơngai oei kơpal teh đak, đĭ-đăng kon bơngai jơ̆p kơ teh đak rŭng răng.

Na 1:5 Referans Kwoze

Mi 1:4

Lu kông gô lek hach ala jơ̆ng Sư, lu thŭng thong gô hơđang lek thoi jrĕnh dan jê̆ ŭnh, thoi đak ro jruh kơ kông krang.

Je 4:24

Inh lăng tơ lu kông; kông pơpơ̆ tơdrŏ ngăl, lu groi kư̆m tơdrŏ.

II Sam 22:8

Kơplah noh teh adrŏ kyĭng kyơ̆ng, hơnă lu plĕnh kư̆m adrŏ gĭl-gŭl, yua kơ Kră Yang hil mĭl.

Habakuk 3:10

Lu đak glung ro hrĕnh! Kơdâu ôn tơ nai, Hơlŭng jrŭ ôr hơdrăi, kơđĕl dơsĭ yơ̆r ti kơjung thuơ.

Horiso 68:8

Teh gô pơpơ̆, đơ̆ng plĕnh gô đei 'mi jur 'bơ̆t anăp Kră Yang 'Bok Kei-Dei. Kông Sinai kư̆m pơpơ̆ 'bơ̆t anăp Kră Yang 'Bok Kei-Dei, jơ̆ Kră Yang 'Bok Kei-Dei lu bơngai Isơrael.

Lu 5:5

'Bơ̆t anăp Kră Yang, đĭ-đăng kông pơpơ̆, Kông Sinai pơpơ̆ 'bơ̆t anăp Kră Yang 'Bok Kei-Dei Isơrael.

Horiso 114:6

Ơ kông tih, yua kơ kiơ ih, mah pơplŏng thoi triu tơno? Ơ kông groi yua kơ kiơ ih mah pơplŏng thoi triu kon?

Horiso 114:4

Kông tih pơplŏng thoi triu tơno, Kông groi pơplŏng thoi lu triu kon.

Horiso 98:7

Đak dơsĭ păng lu sem brem oei lăm noh. Kơpal teh đak hăm lu oei lăm teh đak ôr jreo bĕ.

Horiso 46:6

Kon pơlei rŭng răng, dêh char noh pơpơ̆ ying-yông. Kră Yang 'Bok Kei-Deic sơkat, teh gô lek đĭ.

Le 19:18

'Nhui gom jơ̆p kơ kông Sinai, yua kơ Kră Yang jur tơ lăm ŭnh: 'Nhui ŭnh noh tŏk tơ kơpal kơjung nhen thoi đơ̆ng tơnuh ŭnh tih păng jơ̆p kơ kông pơpơ̆ dêh.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Mathiơ 28:2

Na teh adrŏ mơ'nưt mơ'nat hloi, yua kơ linh jang 'lơ̆ng Kră Yang jur đơ̆ng plĕnh pơih ăn 'măng bơsat Yêsu. Linh jang ei tơoei kơpal tơnglơ̆p tơmo noh.

Mathiơ 27:51

Na che đe chô̆ pơgăn tơ hnam akŭm 'Bok Kei-Dei tơm tơhek chuơ̆ng tŏk-bŏk đơ̆ng kơpal tơ ala hloi. Teh adrŏ mơ'nưt mơ'nat păng tơmo kŭk mah pơchah.

Tơdrông Tơ'bôh 6:14

Klaih kơ noh inh 'bôh plĕnh tơlôm jing ưh pă 'bôh plĕnh dơ̆ng; lu thŭng thong, kông groi, bŏl đak tih iĕ kư̆m jing ưh pă 'bôh băt tơ yơ.

Horiso 18:7

Dang ei teh pơpơ̆ păng tơdrŏ, Na lu kông kư̆m tơrĭ păng kư̆m tơdrŏ, yua kơ Sư hil.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Êsai 24:1

'Nâu Kră Yang gô pơrăm teh, pơm kơ teh jing juơ rơhiăng, sư gô blơ̆ pơrăm lê̆ teh đak păng pơm kơ kon pơlei tơklah tơklang.

Êsai 24:20

Plei teh tơdrŏ 'ma 'ngiĕo nhen bơngai suai, yĕng yŏng thoi pơk gia, tơdrong yoch sư trăp dêh, sư gô pơ̆k huŏng ưh kơ kĕ iung dơ̆ng.

Jôel 2:10

Teh đak tơdrŏ 'bơ̆t anăp lu sư, plĕnh kư̆m pơpơ̆, măt 'năr măt khei jing măng mu, lu sơnglŏng ưh pă pơchrang hơdah dơ̆ng.

Sa 4:7

Ơ kông tih ih bu? 'Bơ̆t anăp Sôrôbabel ih gô jing teh dơhnă đe gô anhăk lê̆ tơmo mă kơpal hloh noh tơ nai, gô đei nơ̆r đe ôr krao thoi âu: ‘Apinh tơdrong mơnat, mơnat ăn kơ sư!’ ”

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Jop 9:5

Kră Yang 'Bok Kei-Dei hiŏng kông, kông ưh kơ băt adrol, lăm năr Sư hil Sư bơlih plơ̆ lê̆ kông.

Jop 26:11

Lu jrăng plĕnh tơdrŏ kyĭng kyơ̆ng, Hli tơrơ kơplah Kră Yang 'Bok Kei-Dei chrih.

Horiso 18:8

Đei 'nhui lĕch đơ̆ng trôm muh Sư, Pla ŭnh khơ̆ng lĕch đơ̆ng 'bơ̆r Sư, soh sa ngar ngŭr.

Horiso 104:32

Sư lăng tơ teh teh pơpơ̆ hloi; Sư pel kông na kông lĕch 'nhui.

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Êsêkiên 38:20

'Bơ̆t anăp Inh, lu ka đak dơsĭ, sem păr kơpal plĕnh, kon sem bri, đĭ lu hơdrông kơep lep-ler mơmŏ kơpal teh păng lu kon bơngai kơpal teh gô hli tơtơ̆, lu kông hơlih, lu dur tơmo gô pơchah, đĭ-đăng lu anih kơjăp gô hơlih đĭ tơ teh.

Am 9:5

Yua kơ Kră Yang Tih Hloh, sư pel 'bơm teh, teh lek đĭ, đĭ-đăng kon pơlei oei lăm noh gô nhơ̆m hmoi jơ̆p kơ teh đak tŏk blai thoi đak krong Nil păng sư gô hrơ̆ thoi đak krong dêh Êyiptơ.