Biblia Todo Logo
Bib sou entènèt

- Piblisite -




Mi 6:8 - Sơ̆p Hlabơar Nơ̆r 'Bok Kei-Dei

8 Ơ kon bơngai: Tơdrong mă Kră Yang wă kơ ih pơm 'lơ̆ng tơpăt, wă kơ đei tơdrong 'mêm mơnat păng yak năm hăm jơhngơ̆m iơ̆m dim, pơyom kơ 'Bok Kei-Dei ưh?

Gade chapit la Kopi




Mi 6:8
66 Referans Kwoze  

Pơm tơdrong tơpăt, băt pơm tơdrong trŏ Noh Kră Yang lăp đon hloh kơ tơmam soi pơyơ̆r.


Lu bơ̆n âu boih 'Bok Kei-Dei 'mêm mơnat, na rơih iŏk bơ̆n, wă kơ bơ̆n jing kon Sư; na bơ̆n athei băt 'mêm mơnat kơ đe lei-lăi, pơm 'lơ̆ng kơ đe thoi lu bơngai gơh găt.


'Nâu nơ̆r Kră Yang khan: Pơm bĕ dôm tơdrong tơpăt hơnơ̆ng tơdrong trŏ; pơklaih bĕ lu bơngai mă đe rôp đơ̆ng ti lu bơngai pơjuă pơđep. Lê̆ kơ rôp pơgŏ păng kư̆m 'nĕ pơm kơnê̆ kơ lu bơngai tơmoi, lu kon mơti 'bă păng lu yă adro 'Nĕ kơ pơlôch tuh pham kơ lu bơngai ưh kơ yoch tơ anih âu.


Inh wă kơ iĕm 'mêm mă sĭt, hloh kơ wă iĕm pơyơ̆r tơmam soi. Wă kơ iĕm băt kơ Kră Yang 'Bok Kei-Dei hloh, kơ wă ôh iĕm pơyơ̆r tơmam soi 'buh.


Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.


Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.


Đơ̆ng âu tơ anăp đĭ-đăng kơ bơ̆n athei pơgơ̆p băl minh jơhngơ̆m minh đon, băt 'mêm mơnat dih băl, iŏk jơhngơ̆m đon dim hơlăng băl, 'nĕ pơang băl.


Iĕm athei 'mêm mơnat kơ đe kư̆m thoi lĕ 'Bă bơ̆n 'Bok Kei-Dei 'mêm mơnat kơ đe mơ̆n.


“Ơ lu bơngai Pharisi, ning-mônh iĕm pơmat-tat dêh. Iĕm pơm hăt hot tĕch lu tơmam hơi thoi lĕ kơ hla gơsơ̆m, hla hla-kat, dôm hla 'nhot nai, iŏk jên noh pơm pơyơ̆r kơ 'Bok Kei-Dei minh lăm mơjĭt. Mă-lei gah tơdrong kăl hloh thoi lĕ kơ pơm 'lơ̆ng kơ đe păng 'mêm bơnê kơ 'Bok Kei-Dei, tơdrong noh iĕm pơm pơhơi, ưh kơ wă. Mă tơdrong iĕm pơyơ̆r tơmam hơi noh kư̆m trŏ mơ̆n, mă-lei iĕm athei pơm 'lơ̆ng kơ đe păng 'mêm bơnê kơ 'Bok Kei-Dei, 'noh kăl hloh.


Kơtrơ̆m jah lê̆ lu tơdrong 'lơ̆ng tơpăt sĭt ro thoi đak păng tơdrong tơpăt kơkhŭr thoi đak glung ro ling-lang.


“Pŭn dêh lu bơngai mă băt mơnat kơ đe, 'Bok Kei-Dei kư̆m mơnat kơ lu sư mơ̆n.


Iĕm athei pơm băl mă 'lơ̆ng, băt 'mêm mơnat kơ bôl buăl, 'nĕ kơ jô̆ yo dih băl thoi 'Bok Kei-Dei huay kơ jô̆ yo kơ bơ̆n yua kơ Kon Sư Yêsu Krist lôch tang bơ̆n.


Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”


Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.


Wih brŏk bĕ tơ Kră Yang 'Bok Kei-Dei, 'mêm mơnat păng oei pơm tơdrong tơpăt, păng chang gô bĕ Kră Yang 'Bok Kei-Dei iĕm ling-lang.


Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.


“Pŭn dêh lu bơngai mă băt kăl kơdih kơ 'Bok Kei-Dei tơgŭm sư lui kơjăp, 'Bok Kei-Dei gô pơgơ̆r lu sư.


Chơchă bĕ Kră Yang ơ lu bơngai chu yom lăm teh đak, pơm kiơ̆ bĕ nơ̆r Kră Yang tơtă, chơchă tơdrong tơpăt Sư, chơchă bĕ tơdrong gơh găt, dah rŏ lăng đe gô ôn iĕm hlơp lăm năr Kră Yang hil.


Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.


Rim năr sư hơmrah păng asong ăn đe tŏk iŏk; Kon sâu sư đei pŭn hiôk.


Ih kư̆m jur tơ kơpal kông Sinai, pơma hăm lu sư đơ̆ng kơpal plĕnh, tơjur ăn kơ lu sư dôm tơdrong trŏ, khôi juăt tơpăt 'lơ̆ng, tơdrong tơtă sĭt.


Hơdah pơchrang tơ anih măng mu, kơ bơngai tơpăt. Bơngai 'lơ̆ng băt mơnat, đei jơhngơ̆m 'mêm mơnat păng 'lơ̆ng tơpăt.


'Lơ̆ng dêh bơngai bu chang gô păng kĕ ĕnh gô tơdrong dŏng pơklaih đơ̆ng Kră Yang.


Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư


Gah inh 'lơ̆ng dêh, oei jê̆ Kră Yang 'Bok Kei-Dei. Inh gơnang kơ Kră Yang jing anih inh kơ'nơp wă kơ inh ră roi dôm tơdrong jang Ih.


‘Yua kơ ih đei jơhngơ̆m rơmuăn tơjur akâu kơdih 'bơ̆t anăp Kră Yang 'Bok Kei-Dei wă ih kơtơ̆ng nơ̆r Sư khan wă hil phak anih 'nâu păng kơ kon pơlei oei lăm âu, ih tơjur boih akâu 'bơ̆t anăp Inh, hek ao păng nhơ̆m hmoi 'bơ̆t anăp Inh, Inh kư̆m kơtơ̆ng boih nơ̆r ih,’ Kră Yang khan.


Ơ lu bơngai kơhlôh, iĕm ưh tam băt 'mơ̆i hă, tơdrong bơngai mă khan sư lui boih mă sư ưh kơ pơm kiơ̆, na iĕm wă kơ inh tơ'bôh kơ iĕm tơdrong bơngai mă lui ưh kơ yua noh hă?


Inh băt dôm tơdrong juăt 'Bok Kei-Dei pơkă trŏ tơpă, rŏ kuă kơ pơm yoch mă-lei oei pơm.


Na Hesekia kư̆m wih tơjur akâu sư păng tơbral, kon pơlei Jêrusalem kư̆m lei-lăi, na lăm chăl Hesekia tơdrong Kră Yang hil mĭl ưh kơ đei truh tơ lu sư dơ̆ng.


Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.


Inh khan kơ iĕm tơpă, tơdrong noh tơdrong jang 'Bok Kei-Dei, bơ̆n ưh kơ gơh pơma tơwih kơ Sư ôh. Pơtih gia bơngai man gŏ ge, sư kư̆ kơ man gô mơ̆ng kơ sư wă. Lu gŏ ge mă sư man ưh kơ trŏ kơ pơma tơwih kơ sư khan: “Man kiơ kơ inh kơnê̆ thoi âu?”


Đei minh tơdrong mơ̆ng nơ̆r 'Bok Kei-Dei đĕch kăl. Mari sư wă kơ mơ̆ng tơdrong 'Bok Kei-Dei na Inh ưh kơ wă achăng sư ôh.”


Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”


Mă-lei sư ưh kơ đei tơbral tơjur akâu kơdih 'bơ̆t anăp Kră Yang thoi Manase, 'bă sư, rai pơm kơnê̆ hloh.


Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.


Đơ̆ng rŏng kơ Ênok pơjing kơ Mêtusêla boih, đơ̆ng noh sư mơ̆ng kiơ̆ Kră Yang 'Bok Kei-Dei lăm pêng-hrĕng sơnăm, sư pơjing kon drŏ-nglo kon drŏ-kăn.


Thoi noh Inh kư̆m pơm plơ̆ kơ lu sư, ba lu sư tơ dêh char lu bơngai ayăt kơ lu sư, tơdah jơhngơ̆m lu sư ưh kơ chu kăt tơdra akar, băt chu tơjur akâu lu sư kơdih tơ ala păng chu iŏk tơdrong bơtho pơjĭ yua tơdrong yoch lu sư.


Nơ̆r sư krao apinh Kră Yang 'Bok Kei-Dei đei tơl tơwih ăn kơ sư thoi yơ, dôm lu tơdrong yoch kơnê̆ mă sư đei pơm, lu anih kơjung mă sư đei pơm, man rup yang Asêria păng traih rup yang adrol kơ sư tam mă tơbral tơjur akâu sư, âu đei chih răk đĭ tơ lăm sơ̆p hla bơar Hôsai.


Ơ lu drŏ-kăn lui mă đei klo mă ưh kơ lui, lơliơ iĕm băt khan klo iĕm ning-mônh ưh kơ lui dah iĕm bơtho sư? Lu drŏ-nglo đei akăn mă ưh kơ lui, lơliơ iĕm băt khan akăn iĕm ning-mônh ưh kơ lui dah iĕm bơtho sư?


Mă-lei đei lu mơ'nah đơ̆ng lăm teh đak Aser, Manase, hăm teh đak Sabulôn chu tơjur akâu păng năm truh tơ pơlei Jêrusalem.


Yêsu khan: “Ơ bơngai ah, bu ăn kơ Inh pơm kră sek tơlang wă dô̆ asong mŭk biĕm?”


Âu, năr 'nâu inh apinh iĕm rơih iŏk tơdrong arih pŭn hiôk, dah tơdrong pơmat-tat lôch răm.


Kră Yang khan thoi âu: Athei wei bĕ tơdrong 'lơ̆ng tơpăt. Păng pơm bĕ tơdrong trŏ 'lơ̆ng; yua kơ tơdrong dŏng pơklaih Inh wă jê̆ truh păng tơdrong 'lơ̆ng tơpăt Inh wă jê̆ pơdah bơih.


Kŭm thoi noh mơ̆n tơdah Inh khan kơ bơngai pơm yoch, Tơpă ih gô lôch mă-lei tơdah sư achăng lê̆ tơdrong yoch na pơm tơdrong tơpăt pơm 'lơ̆ng;


Mơ̆ng bĕ nơ̆r Kră Yang krao pơret blah hăm pơlei âu, bơngai hơgei athei hli yom kơ anăn Sư. Mơ̆ng bĕ 'long jra teh na băt kơ bu mă Kră Yang pơkă năm blah.


“Kră Yang Tih Hloh khan thoi âu: ‘Pơm bĕ dôm tơdrong kiơ mă 'lơ̆ng tơpăt păng rim 'nu athei iơ̆m dim, 'mêm mơnat kơ 'nhŏng oh;


Thoi noh iĕm athei mơ̆ng bĕ nơ̆r Kră Yang 'Bok Kei-Dei iĕm păng wei răk pơm kiơ̆ dôm lu nơ̆r Sư tơtă păng dôm khôi juăt Sư, mă inh bơtho khan ăn kơ iĕm năr 'nâu.


Thoi noh dang ei, athei chu yom bĕ kơ Kră Yang păng pơm kiơ̆ kơ Sư hăm đĭ jơhngơ̆m păng tơnăp, hŭt lê̆ bĕ lu yang mă 'bok lu iĕm kơkuh tơ gah hơlĕch kơ đak Krong Tih păng tơ lăm char Êyiptơ; athei chu yom bĕ kơ Kră Yang.


Inh gô hơri kơ tơdrong 'mêm mơnat păng tơdrong tơpăt Ih; Ơ Kră Yang, Inh gô hơri bơnê kơ Ih.


Kră Yang khan: “Bơngai hơgei 'nĕ pă pơang kơ sư hơgei, bơngai pran 'nĕ pă pơang kơ sư pran. Bơngai mơdrŏng kư̆m 'nĕ pă pơang kơ sư mơdrŏng;


Sư sek tơdrong tơpăt kơ lu bơngai dơnuh hin hăm lu bơngai pơmat-tat, na sư đei tơdrong pŭn hiôk. Hăm trŏ sư pơm thoi noh wă khan sư băt kơ Inh? Noh Kră Yang khan:


Swiv nou:

Piblisite


Piblisite