Mi 6:2 - Sơ̆p Hlabơar Nơ̆r 'Bok Kei-Dei

² Ơ lu kông păng lu hơnă teh kơjăp ling-lang, mơ̆ng bĕ nơ̆r đơ̆ng Kră Yang pơma hil! Yua kơ Kră Yang pơma chrih dơ̆ng kơ kon pơlei Sư păng Sư gô pơma hil dơ̆ng kơ kon pơlei Sư.

Mi 6:2 Referans Kwoze

Hôsia 12:2

Kră Yang kư̆m đei pơma chrih kơ adrĕch Juđa, păng Sư gô phak Jakôp kiơ̆ thoi kơ trong sư yak năm; Kră Yang gô pơm tơwih kơ lu sư kiơ̆ thoi tơdrong lu sư pơm.

Hôsia 4:1

“Ơ lu kon sâu Isơrael, mơ̆ng bĕ nơ̆r Kră Yang khan yua kơ Kră Yang đei jô̆ hil boih kơ kon bơngai mă oei lăm teh đak âu. Ưh kơ đei bu tơpăt, ưh kơ đei bu băt 'mêm mơnat, păng ưh kơ đei bu băt hlôh kơ Kră Yang 'Bok Kei-Dei.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Horiso 104:5

Sư dan teh tơ kơpal lu hơnă teh noh, wă kơ teh ưh pă tơdrŏ pơpơ̆ dơ̆ng

II Sam 22:16

Đơ̆ng nơ̆r Kră Yang chrih hiap kơđĕl đak dơsĭ 'bôh tơ 'nguaih, bluh kial đơ̆ng trôm muh, hơnă teh 'bôh bang.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Je 31:37

Kră Yang khan: “Tơdah đei bu gơh pơtŏ lu tăl plĕnh tơ kơpal ti dah gơh lăng băt kơ hơnă tơ ala plei teh sŭng, na kơplah noh, Inh gô achăng lê̆ adrĕch adrung Isơrael, yua kơ tơdrong yoch mă lu sư pơm.” Noh Kră Yang khan.

Je 25:31

Đe gô kơtơ̆ng nơ̆r tơjrông tơjrang tơ tôch kơ teh, yua kơ Kră Yang gô sek đĭ kơ adrĕch adrung, Sư wă phak đĭ-đăng kon bơngai, Sư pơjao ăn lu bơngai kơnê̆ lôch kơ đao gưm.’ ” 'Noh Kră Yang khan.

Je 2:9

Kră Yang khan: “Thoi noh na Inh jô̆ lu iĕm yoch păng truh tơ sâu se lu iĕm mơ̆n.

Êsai 43:26

Tơ'blŏk dơ̆ng bĕ kơ Inh, bĕ bơ̆n pơma tơgar băl kơ trŏ. Roi pơdah tơdrong trŏ iĕm bĕ, wă tơ'bôh khan lu iĕm trŏ 'lơ̆ng tơpăt.

Êsai 5:3

“Ơ kon pơlei oei lăm pơlei Jêrusalem păng lu bơngai oei lăm char Juđa. Apinh sek tơlang bĕ kơ Inh păng pơgar hơmu Inh.

Tơdrông Pơđơk 8:29

Hơgat kơ đak dơsĭ, wă kơ đak huay kơ tŏk hloh kơ Sư hơgăt, Kơplah Sư pơjing hơnă teh đak,

II Sam 22:8

Kơplah noh teh adrŏ kyĭng kyơ̆ng, hơnă lu plĕnh kư̆m adrŏ gĭl-gŭl, yua kơ Kră Yang hil mĭl.

Both 4:26

Năr âu inh krao plĕnh păng teh pơm kơdranh kơ lu iĕm thoi âu dah lu iĕm ưh kơ chu pơm kiơ̆ Kră Yang, lu iĕm gô lôch hiong 'bônh đĕch đơ̆ng dêh iĕm wă năm iŏk tơ pah to đak Krong Jôrđăn. Lu iĕm ưh kơ oei tơ noh đunh ôh, mă-lei gô lôch đĭ.

Êsai 3:13

Kră Yang iung pơma, Sư iung dơ̆ng sek tơlang kon pơlei.

Mi 6:1

Dang ei athei mơ̆ng nơ̆r Kră Yang khan: Iung bĕ ih, athei pơma bĕ hăm lu kông păng ăn kơ lu kông groi kơtơ̆ng nơ̆r ih!

Hôsia 12:3

Oei lăm klak mĕ sư, Jakôp rôp kơnơl jơ̆ng 'nhŏng sư; păng truh tơ 'lŏ tơ̆l, sư tơglơ̆m hăm Kră Yang 'Bok Kei-Dei.