Mi 6:1 - Sơ̆p Hlabơar Nơ̆r 'Bok Kei-Dei

¹ Dang ei athei mơ̆ng nơ̆r Kră Yang khan: Iung bĕ ih, athei pơma bĕ hăm lu kông păng ăn kơ lu kông groi kơtơ̆ng nơ̆r ih!

Mi 6:1 Referans Kwoze

Je 22:29

Ơ dêh char, dêh char, dêh char! Mơ̆ng bĕ nơ̆r Kră Yang.

Both 32:1

Ơ lu tăl plĕnh mơ̆ng bĕ, 'nâu wă pơma; ơ teh apinh mơ̆ng bĕ nơ̆r đơ̆ng 'bơ̆r inh.

Mi 1:2

Ơ đĭ-đăng kon pơlei, mơ̆ng bĕ! Ơ teh păng đĭ-đăng tơmam mă oei kơpal teh pơgling đon mơ̆ng! Apinh Kră Yang đơ̆ng anih 'lơ̆ng rơgoh Sư. Ăn kơ Kră Yang pơm kơdranh blah lu iĕm.

Êsêkiên 36:1

Gah ih, ơ kon bơngai, khan lê̆ adrol bĕ gah kông kŏ Isơrael păng khan: “Ơ kông Isơrael, mơ̆ng bĕ nơ̆r Kră Yang!

Horiso 50:4

Sư krao lu plĕnh kơpal ti, Păng tơ ala teh âu wă sek tơlang kon pơlei pơla Sư:

Both 4:26

Năr âu inh krao plĕnh păng teh pơm kơdranh kơ lu iĕm thoi âu dah lu iĕm ưh kơ chu pơm kiơ̆ Kră Yang, lu iĕm gô lôch hiong 'bônh đĕch đơ̆ng dêh iĕm wă năm iŏk tơ pah to đak Krong Jôrđăn. Lu iĕm ưh kơ oei tơ noh đunh ôh, mă-lei gô lôch đĭ.

Êsêkiên 36:8

Na gah ih, ơ kông Isơrael, ih gô bluh dơ̆ng lơ păng đei plei ăn kơ lu kon pơlei Isơrael inh; yua kơ lu sư wă wih brŏk.

Êsai 1:2

Ơ lu tăl plĕnh mơ̆ng bĕ! Ơ teh pơgling đon mơ̆ng bĕ, yua kơ Kră Yang pơma khan: “Inh wei rong lu kon hơ'lơ̆p Inh, dĭng truh kơ 'lŏ mă-lei lu sư plơ̆ blah Inh.

Luka 19:40

Na Yêsu khan tơwih kơ lu sư: “Inh khan kơ iĕm tơpă, dah lu sư thĕng, lei lu tơmo kư̆m gô pơma ư-ang mơ̆n ưh kơ lê̆ ôh.”

Horiso 50:1

Tơ'ngla mơsêh, jơ̆ Kră Yang 'Bok Kei-Dei, Kră Yang khan: Sư krao kon bơngai lăm teh đak. Đơ̆ng gah măt 'năr lĕch, truh tơ gah măt 'năr mơ̆ta

Mi 1:4

Lu kông gô lek hach ala jơ̆ng Sư, lu thŭng thong gô hơđang lek thoi jrĕnh dan jê̆ ŭnh, thoi đak ro jruh kơ kông krang.

Êsêkiên 37:4

Kră Yang khan kơ inh: “Athei khan lê̆ adrol bĕ kơ kơting 'nâu, khan kơ lu sư: “Ơ lu kơting kro, mơ̆ng bĕ nơ̆r Kră Yang.”

Je 13:15

Pơgling đon iĕm mơ̆ng bĕ. 'Nĕ kơ pơang, Yua kơ Kră Yang khan boih.

Am 3:1

Ơ lu kon sâu Isơrael, mơ̆ng bĕ nơ̆r âu, 'nâu boih nơ̆r đơ̆ng Kră Yang khan wă blah lu iĕm, wă tơblah hăm đĭ-đăng lu adrĕch adrung mă inh đei chông anhăk đơ̆ng dêh Êyiptơ.

I Sam 15:16

Samuel khan kơ Sôl: Thôi! Gô Inh roi ăn kơ ih dôm tơdrong Kră Yang khan boih kơ inh măng âu Sôl tơl: Roi bĕ.

I Sam 12:7

Na dang ei, năm bĕ 'bơ̆t anăp Kră Yang, lê̆ inh gô sek tơlang lu iĕm lăm dôm tơdrong 'lơ̆ng tơpăt Kră Yang đei pơm tơgŭm lu iĕm păng yă 'bok lu iĕm.

Mi 5:15

Lăm tơdrong hil mĭl tơtŏ, Inh gô pơm tơwih tơdrong yoch kơnê̆ lu kon pơlei kuă kơ chu yom kơ Inh.

Mi 6:2

Ơ lu kông păng lu hơnă teh kơjăp ling-lang, mơ̆ng bĕ nơ̆r đơ̆ng Kră Yang pơma hil! Yua kơ Kră Yang pơma chrih dơ̆ng kơ kon pơlei Sư păng Sư gô pơma hil dơ̆ng kơ kon pơlei Sư.

Êsai 3:13

Kră Yang iung pơma, Sư iung dơ̆ng sek tơlang kon pơlei.

Êsêkiên 6:3

Păng khan: Ơ lu kông Isơrael, mơ̆ng bĕ nơ̆r Kră Yang Tih Hloh 'nâu nơ̆r Kră Yang Tih Hloh khan kơ lu kông, lu groi, lu thong păng lu thŭng dơnă: Âu, Inh gô iŏk đao hơlă blah lu iĕm păng Inh gô pơrăm anih kơjung lu iĕm.