Mi 4:13 - Sơ̆p Hlabơar Nơ̆r 'Bok Kei-Dei

¹³ Thoi noh ơ kon drŏ-kăn Siôn, iung bĕ, pơjuă 'ba bĕ! Yua kơ Inh gô pơm ăn kơ hơke ih jing bơsei, kơchôp ih jing mam kong, ih gô pơjuă lơ kon pơlei,

Mi 4:13 Referans Kwoze

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Êsai 23:18

Mă-lei mŭk tơmam sư đei lơi yua noh gô klah 'măn kơ Kră Yang, sư ưh kơ đei mong dah tah 'măn ôn lê̆ ôh, yua kơ tơmam đei lơi noh gô yua lăm tơmam sa, ao hrŭk 'lơ̆ng kơ lu bơngai oei 'bơ̆t anăp Kră Yang.

Êsai 18:7

Lăm kơplah noh, lu adrĕch adrung bơngai kơjung akâu akar rơmuăn, jơ̆ lu adrĕch adrung krưp dêh, kon pơlei mă jê̆ mă ataih hli ngăl, minh pôm teh đak đei bơngai pran kơtang chă tơgar pơjuă pơđep, teh đak đei lơ chơnglah krong klah asong teh đak sư, adrĕch adrung noh bơih gô chĕp ba tơmam pơyơ̆r ăn kơ Kră Yang Tih Hloh, lăm anih 'măn kơ anăn Kră Yang Tih Hloh oei, jơ̆ kông Siôn.

I Kor 16:2

Rim năr mônh, rim 'nu kơ iĕm pơyơ̆r jên kơdih kơdih, kiơ̆ kơ jơhngơ̆m iĕm wă păng kiơ̆ kơ tơmam iĕm đei. Thoi noh lăp inh truh tơ iĕm, na iĕm pơyơ̆r tôm boih, huay pă kăl pơyơ̆r dơ̆ng.

Sa 6:5

Linh jang khan dơ̆ng kơ inh: “Noh kiala đơ̆ng plĕnh, lĕch đơ̆ng lăm anih lu sư 'bơ̆t anăp Kră Yang mă Kră Yang kơ đĭ-đăng teh đak.

Sa 4:14

Sư khan thoi âu: “Noh wă khan đei 'bar 'nu chu tuh đak rơmă, dơ̆ng cheng 'bơ̆t Kră Yang mă Yang kơ đĭ-đăng teh đak.”

Je 51:33

'Nâu Kră Yang Tih Hloh 'Bok Kei-Dei Isơrael khan: “Đĭ-đăng bơngai Babilôn thoi dơnih đe pơjuă 'ba, trŏ bơyan đe pơjuă 'ba; ưh pă đunh boih bơyan yuă 'ba wă truh kơ sư.

Horiso 68:29

Yua kơ Hnam akŭm Ih tơ pơlei Jêrusalem. Lu pơtao gô pơyơ̆r Tơmam Soi kơ Ih.

Jôsuê 6:19

Hu, maih păng đĭ-đăng tơmam pơm hăm kong mam 'măn lê̆ pha kơ Kră Yang, tơmam noh rơgoh gô tah tơmơ̆t lăm hnam mong tơmam Kră Yang.

Êsai 5:28

'Brơ̆m hră lu sư suĕng dêh, hră lu sư hơ'năk lê̆ bơih, kơchôp aseh lu sư thoi tơmo tơneh. Jơ̆ng gre thoi phŭt huơ̆r.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Both 33:25

Lu 'long chơkăl tang 'măng jang pơm hăm bơsei mam păng kong, chăl arih ih sot dang yơ, jơhngơ̆m ih oei pran dang noh.

Êsai 21:10

Ơ kon pơlei inh, mă đe pơjuă pơđep, tơdrong mă inh đei kơtơ̆ng đơ̆ng Kră Yang Tih Hloh, 'Bok Kei-Dei Isơrael, na inh roi ăn kơ iĕm tơdrong noh.

Je 51:20

Ih boih mut, tơmam Inh yua wă tơblah, Inh yua ih wă teh pơchah lu kon pơlei păng pơrăm đĭ dêh char.

Hôsia 10:11

Êphraim thoi minh pôm kon rơmo adruh đĭ pơjuăt boih, wă pơjuă 'ba; mă-lei Inh gô dan 'long ăt tơ kơpal hơko bek 'lơ̆ng sư. Inh gô ăn kơ đe hao kơpal hơko Êphraim; na Juđa gô rơuơ păng Jakôp gô preh pơhĕch teh kơ sư kơdih.

Habakuk 3:12

Tơdrong hil Ih truh tơ teh, Păng hil mĭl oei pơjuă adrĕch adrung kon bơngai.

Horiso 24:1

Teh păng dôm tơmam kơpal teh, Teh đak păng lu bơngai oei tơ lăm noh. Tă kơ tơmam Kră Yang ngăl.

Mi 5:7

Lu bơngai khŭl Jakôp gô oei tŏk-bŏk lơ teh đak thoi dăm-brang oei tŏk-bŏk lu sem bri păng thoi lu dăm-brang kon oei tŏk-bŏk lu triu, dah lu sư yak năm găn pơjuă pơđep păng kăp hek, ưh kơ đei bu gơh dŏng pơklaih.

Sa 12:3

Kŭm gô đei tơdrong truh hloi lăm năr noh Inh gô pơm ăn kơ Jêrusalem thoi tơmo, trăp kơ rim adrĕch adrung kon bơngai. Na dôm lu bơngai mă tung sư đei tơdrong jĭ dêh; păng đĭ dôm lu dêh char kơpal teh âu gô blah sư.”

Sa 12:6

Lăm năr noh, Inh gô pơm ăn kơ yŏng pơgơ̆r Juđa thoi gŏ blôk lăm tơnuh đei 'long ŭnh khơ̆ng păng kư̆m thoi pla ŭnh khơ̆ng đơ̆ng hơchô̆ hơnong 'ba lu sư soh sa pơđĭ tơ gah 'ma hăm tơ gah 'ngiĕo, lu sư gô soh pơđĭ lu kon pơlei mă oei tăp dăr kơ lu sư; păng kon pơlei Jêrusalem oei đei anih kơ lu sư kơdih kơtă dơnơ̆ng, wă khan pơlei Jêrusalem.”